رواية مذكرات راقصة محترمة الجزء الخامس (الأخير) للكاتبة/حنان حسن بعد اصرار الشيخ الكاجوال علي اني اروح لعمة وزوجتة لاشهد زورا بانه بريئ م...
Mohamed Sadek
رواية مذكرات راقصة محترمة الجزء الخامس (الأخير)
للكاتبة/حنان حسن
بعد اصرار الشيخ الكاجوال علي اني اروح لعمة
وزوجتة
لاشهد زورا بانه بريئ من سجن عماد ابن عمة ..
طبعا في الاول انا رفضت اني اكذب..واشهد زور
لكن الشيخ قالي اني هيدفعلي عشرين الف جنيه
للكاتبة حنان حسن
وانا كان لازم اطلع باي مصلحة بعد البهدلة دي بصراحة
المهم في الاخر وافقت وروحت معاه بنفس لبسي الاهبل ده ..
المهم روحنا بالعربية لغاية البيت...
لكن قبل ما ننزل من العربية الشيخ الكاجوال طلب مني منزلش من العربيه قبل ما يقولي حاجة مهمة
للكاتبة.. حنان حسن
قلت..عايز تقول اية؟
قال..عايز قبل ما نطلع عند
عمي انبهك لنقطتين مهمين
لازم تاخدي بالك منهم جدا
قلت..قول
قال..اول حاجة خلي بالك لان عمي وزوجتة متدينين جدا
ومتعصبين اكتر من عماد كمان ..
وميعرفوش اي حاجة انا بعملها ..
يعني اوعي تغلطي ادامهم
قلت ..حاضر وايه الحاجة التانية؟
قال.. ثانيا ..خدي بالك ان عمي بخيل جدا جدا..
لدرجة انه بيتنفس من فردة مناخير واحده ..وبيستخسر يتنفس من الفردة التانية
قلت.. مسكينه مراتة يا عيني ذنبها ايه تعيش مع راجل بخيل كده؟
قال..لا اطمني مراتة ابخل منه .. لدرجة انها فرستة وجابتلة شلل ..عشان معدتش تشتريلة احذية تاني
قلت لا خلاص انا لو عزموا عليا بالعشاء هعتذر واقول اني مستعجلة
قال..عشاء ايه هما ميعرفوش يعني ايه عشاء اصلا
قلت..انزل يا عم عشان نطلعلهم ..
خلينا نقول الكلمتين ونمشي من بيت القوارض الي انت جايبنا فيه ده
للكاتبة..حنان حسن
قال..احترمي نفسك ..بقولك دول عمي ومراتة
قلت ..اه معلش اسفة
قال..طيب يلا تعالي بقي ندخل
للكاتبة..حنان حسن
واول ما وصلنا لباب الشقة
عندهم..
اخذ الشيخ يخبط علي الباب..
ولكن لم يسمعنا احد
مما جعل الشيخ يعيد الطرق علي الباب ..
لكن بردوا محدش فتح
للكاتبة..حنان حسن
فا اقترحت عليه ان يطرق الجرس؟
قال..الجرس مش شغال عمي لغي الجرس
قلت ليه؟
قال.. يعني جرس وعمي لغاه هيكون ليه؟؟يا زكيه؟
قلت..اوعي تقولي انهم خايفين لا زقزقة العصافير تخلص؟
قال..لاحظي انك
بتستظرفي دمك علي عمي ومراتة وده ميصحش
للكاتبة..حنان حسن
قلت.. اسفة معلش صحيح
قال..عموما متقلقيش
انا متعود كل ما اجي عندهم هنا انهم يتاخروا في فتح الباب..
هانت كلها نصف ساعة ويفتحوا
للكاتبة..حنان حسن
قلت..نصف ساعة ايه الي هنستناها ع الباب؟
قال.. اعملك ايه ما الجرس مش شغال؟
قلت.. يا عم هات طوبة وخبط بيها في ليلتك انت وقرايبك دي
واثناء ما احنا بنتكلم ..لقينا الباب اتفتح
ولقينا زوجة عمة هي الي بتفتح لنا..
واخذت تنظر للشيخ الكاجوال نظرات عتاب بسبب تسببة في سجن عماد ابنها..
ولكن الشيخ قد سارع بتعريفي لها
قال..اقدملك يا مراة عمي ..عائشة..زميلة عماد في الجهاد
قلت في نفسي..الله يحرقك انت وعماد في يوم واحد
والله انت ما هترتاح الا لما تبعتني لسجن ابو غريب..
للكاتبة..حنان حسن
المهم رحبت بيا مراة عمة لما لقت حاجة من ريحة ابنها
قالت..اتفضلوا
فسالها ..الشيخ عن عمة
قال..امال عمي فين ؟مش شايفة يعني؟
قالت..عمك ..يا قلبي عنده هبوط وبيطلع في الروح جوه
قال..ليه هو متغداش ولا ايه؟
رواية مذكرات راقصة محترمة كاملة
قالت..ما ياكل يا بني هو انا حايشاه؟ والنبي الاكل بزياده في الثلاجة حتي ادخل شوف..
دنا بجيب علبة الزبادي مبتقعدش عندنا غير يومين وتخلص
للكاتبة..حنان حسن
قال..طيب ممكن اادخل اشوف عمي قبل ما يجيله جفاف؟
قالت..اتفضل بس اوعي تتكعبل عشان الدنيا ضلمة..
قال..لازم تشوفوا صرفة في موضوع النور ده يا مراة عمي
قالت..يعني احنا هنعوز النور في ايه؟ هي مصاريف وخلاص؟
قال..لا ازاي ؟لازم نور
عشان علي الاقل عمي يشوف وهو داخل الحمام
قالت..ايوه والنبي .. يبني في دي عندك حق ..
دنا كذا مره وانا بسنده عشان ادخلة الحمام الاقيه يقع مني في القاعدة
رديت وانا اهمس في اذن الشيخ
قلت.. نور شمعه وروح الحق عمك ليكون لسه واقع في القاعدة
للكاتبة..حنان حسن
رد الشيخ قائلا
لاخر مره هقولك ان ده عمي وميصحش تتريقي عليه لو سمحتي..
قلت. .بعتذر مره تانية
وشوية ..وتركنا الشيخ ليلقي نظرة علي عمة
للكاتبة..حنان حسن
وفضلت انا قاعدة مع زوجة عمة ..
التي نظرت الي باعجاب شديد ثم
قالت..بسم الله تبارك الله..
ايه الجمال الرباني ده؟ و
ايه الالتزام في اللبس ده؟
للكاتبة..حنان حسن
قلت..شكرا يا فندم
وبدات عمتة تسالني
قالت ..هو انتي كنتي في المعتقل مع عماد ؟
قلت ..ايوه
قالت.. ربنا يقوي ايمانك ويثبتك
قلت..لا شوفي يا حاجة انا اتثبت كفاية امبارح فا شوفي دعوة تانيه
للكاتبة..حنان حسن
قالت...انتي متجوزة؟
قلت.. لا
اخذت تنظر الي باعجاب وهي تردد ماشاء الله ما شاء الله
ثم بدات تنظر الي وهي تلمح قائلة..
انا لازم اكلم الشيخ عماد اول ما يخرج عشان اخطبله
قلت...لا شكرا
قالت..نعم ؟
قلت..اقصد ان الخطوبة دي عبارة عن مصاريف ع الفاضي
قالت..ما شاء الله وكمان مدبره؟ اهو انا كده حبيتك دلوقتي
للكاتبة..حنان حسن
قلت..طبعا يا فندم امال ايه ؟دنا موتي وسمي الاسراف
قالت..ووالدك بيشتغل ايه؟
قلت..الله يرحمة مات
قالت..الله يرحمة
ثم عادت لتسالني مره اخري
قالت.. ووالدتك بتشتغل ايه؟
قلت .. انا كل اهل متوفيين
قالت..اهو انا بقي كان نفسي من زمان في عروسة لعماد تكون مقطوعة من شجرة..
ولا يبقي ليها اب يقول هات يا عماد
ولا ام تقول ودي يا عماد
وتيجي تعيش معانا هنا وتملا البيت علينا
..وتتمرمرغ في خيرنا
قلت.. في نفسي..
والله انا شوية كمان وهتمرمرغ في وشك لو ما قعدتيش ساكتة
وفي تلك اللحظة..خرج الشيخ من عند عمة الذي بدء يحتضر من شدة الجوع
للكاتبة..حنان حسن
وبدء الشيخ يغمز لي لابدء بالحديث
قال ..عائشة كانت في المعتقل مع عماد وشافت وشاهده علي الي حصل
واهي ادامكم اهي واسالوها ان كان ليا علاقة بحبس عماد كده؟
للكاتبة..حنان حسن
قلت..انا جايه النهاردة عشان اتعرف بحضرتك انتي وعمي
وكمان عشان اؤكد علي ان الشيخ مكنش له اي يد في حبس الشيخ عماد
قالت.. طالما انتي شهادتي بكده يبقي انا مسمحاه
ثم اخذت تنظر الي وكانها تريد ان تقول لي شيئ. ولكنها محرجة
واخيرا
قالت.. ايه رايك يا شيخ في عائشة لعماد ابني؟
للكاتبة. حنان حسن
رد الشيخ ..متعللا..
قال..لكن يا مراة عمي عائشة خطيبتي وانا خطبتها من شهر
نظرت اليه زوجة عمة وهي تتمتم وتقول ..
يا خسارة ملهاش بخت
قلت..معلش بقي يا حاجة مليش نصيب اتمرمرغ ..انا اتمرمرغت كفاية في الحبس امبارح
للكاتبة..حنان حسن
المهم خلصنا الزيارة وخرجنا..
ولما ركبنا العربية
نظر الي الشيخ مبتسما وهو يقول
مش عارف اشكرك ازاي يا عائشة؟ انك قدرتي تخلي عمي ومراتة يسمحوني؟
للكاتبة..حنان حسن
قلت..انا الي بشكرك انك انقذتني من الجوازة بالحجة بتاعة الخطوبة دي؟
واخذت اضحك
قال.. بس انا مكنتش بضحك يا عائشة..
انا بجد معجبك بتقوتك وورعك وتدينك و عايز اخطبك..
ايه رايك؟
للكاتبة..حنان حسن
قلت..لا بص بقي انا صابره كل ده ونفسي اعرفك علي حقيقتي
واقولك كل حاجة عني
عشان تبطل تتعامل معايا علي اني رابعة العدوية
للكاتبة..حنان حسن
قال مش فاهم
قلت..بص بقي من ساعة ما شهيرة مراجيح عرفتني اني كلمتك بالغلط وانا عايزة اصارحك بالحقيقة
قال..بردوا مش فاهم حاجة
قلت..عشان كده لازم احكيلك الحكاية من الاول
وفعلا ركن العربية وحكيت من الاول خالص كل اللخبطة الي حصلت ..
وازاي الظروف اضطرتني اكدب واعمل كده ؟
وفضل مسهم وهو مش قادر يصدق الي سمعة
قال..بس ازاي ..انتي الي كان يشوفك ..يقول انك..ملاك بريئ..؟
قلت..هي دي مشكلة مجتمعنا..
لاننا ديما بنحكم علي الانسان من مظهره
مع ان المظهر عمره ما كان بيعكس حقيقة اي شخص
انا لمجرد اني كنت لابسة خمار .. بسرعة حكمت عليا انت وغيرك باني قديسة او شيخة
للكاتبة..حنان حسن
نفسي الناس تفهم انها متحكمش علي شخص من خلال مظهرة..
صحيح الاحتشام للنساء مطلوب لكن التقوي في القلب وبتظهر من خلال المعاملة
يعني مش بالشكل
قال..طيب انا عرفت انك كنتي راقصة وخلاص اعتزلتي وواضح ان ربنا قبل توبتك...
قلت..وعرفت ازاي ان ربنا قبل توبتي ؟
قال.. لاني مازلت مصمم اني اتجوزك
وعلي فكره انا كمان كان ليا ماضي منيل بستين نيلة
وبردوا قررت اني اتوب وابدء معاكي حياة جديدة
للكاتبة...حنان حسن
وفي هذه اللحظة .. اقترب مني ومسك بيدي وهو يسالني
قال.. ..ممكن بعد الدرس الطويل الي ادتيهولي ده بقي تقبلي تتجوزيني؟
للكاتبة..حنان حسن
قلت..هقبل الجواز منك بس بعد ما تجاوبني علي سؤالي الي هيجنني الاول
قال...سؤال ايه؟
قلت..هو بجد عمك ليه كان لاغي الجرس؟
وظللنا نضحك نحن الاثنان لتبدء حياتنا معا حياة سعيدة..بدون اي تكلف ولا كدب ولااصطناع
ودي كانت ملخص
مذكراتي كا راقصة محترمة.
كده القصة خلصت
انا عارفة انها قصيرة..بس انا حبيت اكتب قصة خفيفة نكسر بيها حدة الواقع ربما تستطيع ان ترسم البسمه علي وجوهكم الجميلة ولو للحظات
اتمني تكون القصة قد نالت اعجابكم
لو عجبتك القصة
فضع تعليقا يجعلني استمر في سرد المزيد من القصص
مع تحياتي
حنان حسن
