رواية بت شمال الجزء السادس
للكاتبة/حنان حسن
بعدما منصور اكتشف امري وطلع عارف ان ام الغلام بعتتني عشان اقتلة..
طلب مني شرط واحد عشان يساعدني
وكان الشرط هو اني اقتل ام الغلام بنفس السم الي هي كانت عايزة تقتل بيه منصور
فسالتة اهم سؤال كان محيرني
قلت..هو عصام بني ادم ولا عفريت؟
رد منصور قائلا..
عصام ده بقي يا ستي ليه قصة طويلة
وانا هحكيهالك
وبدء منصور يسرد لي قصة عصام..
والسر ..وراء تلك الافعال الخفية التي تحدث باسمة
قال...
ابو عصام...يبقي ابن عم ابويا...
وكان في قطعة ارض بيتصارعوا عليها
واشتد الصراع بينهم لغاية ما ابو عصام قام بقتل ابويا..
وبعدها بكام شهر مات ابو عصام بازمة قلبية..
وطبعا هما اعتقدوا باني هاخد ثاري من عصام
بعد ما ابوه مات
بس انا قولت ان طالما ابو عصام مات
يبقي ربنا هو الي هيحاسبة ويقتص منه عنده
وقررت ابيع كل املاكي هنا ولم اترك غير منزل امي فقط
واشتريت مركب كبير وتركت البلد
واليابسة كلها وعشت في البحر
لكن كان ليا عيون في
البلد
وحوالين عصام وام
الغلام
عشان اعرف هما بيفكروا في ايه؟
وناوين علي اية ؟
وعشان عصام كان وحيد امة
وكانت تعطي له الفلوس بكثرةوبدون حساب
كل ده ادي الي ان عصام اصبح
انسان فاشل.. وصايع ومستهتر.. ومجرم .. ومدمن مخدرات..
كمان
والاكتر من كده
انه كان بيتحرش بالاطفال
وكثيرا ما اعتدي علي الفتيات القصر
ولكن امة كانت تتستر علية وتحمية
و تسكت اهل الضحية باموالها
ووصل عدد الناس الي كانوا بيكرهوا عصام لعدد مخيف
وبالرغم من كده
عصام كان لا يلقي بالا
بان من يكرهونة اصبحوا كثيرون..
تقدري تقولي ان ناس كتير كانوا بيتمنوا يقتلوه
لو سمحتلهم الظروف
وبالفعل ..جه يوم خرج عصام من البيت
ولم يعود
وبعدها بثلاثة ايام
جه خبر لامة
بان ابنها اتقتل واترمي في النيل
وظهرت جثتة بدون ملابس نهائي
وطبعا ام الغلام اتصدمت وحزنت علي ابنها فترة كبيرة
واعتزلت الناس
وركزت في تحضير الاموات
طوال هذة السنين
لتستطيع ان تتحدث مع ابنها ولو للحظة
مما جعل الناس يعلون من شانها
ويعتقدوا بانها قد وصلت للمقدرة علي مخاطبة الموتي ..
وتستطيع تسخير الجن لتسيير المصالح...
وواضح ان ام الغلام انتهزت تلك الفرصة
وامتهنت تلك المهنة
التي جنت من خلفها الملايين
وازداد ثرائها اضعافا
ونفوذها
اضعافا ايضا
مما اعطي لها حصانة تحمي بها ثروتها
التي تتضاعف يوم بعد
يوم
لغاية ما اصبحت زي منتي شايفة كده
وصمت منصور بعدما انهي قصة عصام
فسالتة؟
قلت بس انت كده مفهمتنيش عصام بني ادم ولا عفريت؟
قال..انا الي متاكد منه ان عصام مات فعلا
لان كان في ناس تبعي موجودين لما مات وشافوو جثتة
ووقفوا علي غسلة وشافوة فعلا وهو بيدفن
قلت..طيب تفسر باية كل الي انا حكيتهولك؟
عن اللبس ..والموبيل والرسايل الي بيبعتها لامة عن طريقي؟
..واني شوفت عصام بنفسي فعلا؟
قال..هي حاجة من الاتتين
الاحتمال الاول...انها تكون لعبة ما من ام الغلام
عشان تعمل دعاية لشغلها
او........
وسالتة؟
قلت...او ايه؟
قال..ممكن تكون روح عصام فعلا
وبتطالب بالثار من الي قتل صاحبها
قتل بس ازاي الكلام ده ؟
دي حاجة متدخلش العقل خالص
هو في عفريت يتكلم في الموبيل ؟
ويجيب لبس واحذية وموبيلات ؟
قال..عشان نعرف الحقيقة لازم نمشي ورا كل الاحتمالات
وانا بصراحة شاكك ان ام الغوالي هي الي وراء موضوع عفريت عصام ده
وعشان كده اول حاجة لازم نعملها هي...
اننا نقتل ام الغوالي
قلت..بس انا مقدرش اتسبب في ازهاق روح انسان
قال.. ام الغوالي دجالة
وشغلتها هي السحر واذية الناس
يعني قتل ام الغوالي هينقذ ناس كتير
من شرها
قلت..تقصد ايه ؟
قال..لازم نقتل ام الغوالي
عشان نتاكد ان كانت هي الي مخترعة قصة عفريت عصام؟
ولا عصام عفريت فعلا؟
وسالتة؟
قلت ..طيب والمفروض ايه الي هيحصل دلوقتي؟
قال..انتي هتروحي لام الغلام الصبح
في الفندق... وهتفهميها انك مقدرتيش تنفذي المهمة الي هي كلفتك بيها
لان السم الي معاكي
خلص
وتطلبي منها جرعة تانية من السم
وبعد ما تاخدي الجرعة الثانية
تحاولي انك تحطيهالها في اي اكل.. او شرب
وبعدما تتاكدي انها ماتت.
.تهربي فورا وتيجي علي هنا علي طول
قلت...حاضر
وبالفعل ..
عدت في الصباح لام الغلام
التي سالتني ؟
عما حدث
وان كنت قتلت منصور ام لا؟
فا قرر اني انفذ الخطة التي اتفقنا عليها انا ومنصور
قلت...لا لسة لم اقتلة
بعد
قالت....يعني فشلتي في المهمة؟
وانا كده مضطرة ابلغ البوليس
عن قتلك للحارس مختار
قلت...لا انا مفشلتش خالص
انا بس جاية اخد سم بدل الي راح...
وكنت كمان عايزة اقولك علي الرسالة الجديدة
من ابنك
نظرت الي وهي متعطشة ان تسمع رسالة ابنها
قالت..قولي بسرعة
الرسالة
قلت ...بيقولك انه عايزك انتي الي تجيبي السمكة من المية بنفسك
وحذرني انا من الاقتراب من منصور او قتلة
بعدما استمعت ام الغلام الي ما جاء في الرسالة
نظرت الي في دهشة
وهي تفكر
وبعدها طلبت مني ان اجهز نفسي
للعودة للقاهرة انا وفرفشة
فسالتها؟
قلت..طيب ما تجيبي السم عشان انفذ المهمة اولا
قالت..لا خلاص المهمة اتلغت
قلت..يعني هنرجع للقاهرة
من غير ما نقتل منصور؟
قالت...اسمعي الي بقولك عليه ..
وجهزي نفسك للسفر
قلت ..حاضر
وكنا في تلك اللحظة
في الفندق
الذي تنزل به ام الغلام
واستاذنتها اني ادخل للحمام..
وبمجرد ان انفردنت بنفسي ..اتصلت بمنصور
وشرحت له ما حدث ..واخبرتة
بان ام الغلام ..بمجرد ما علمت بامر الرسالة
التي اتت من ابنها
طلبت مني ان اجهز نفسي للسفر حالا ..
وكلنا مسافرين ..دلوقتي
بعدما استمع منصور لما قلتة له
طلب مني طلب غريب
قال يبقي تعالي حالا
قلت..اجي فين مش فاهمة؟
قال...معني ان ام الغلام تلغي المهمة بعد ما سمعت الحلم..
يبقي هي الي هتنفذها بنفسها
ومعني كده انها غيرت الخطة..
بس خدي بالك
لان ام الغلام...
لازم هتخلص منك في الاول
لانك عرفتي سرها
وسر ابنها
وفي حالة لو نجحت انها تقتلني
لازم هتتخلص من الشاهدة الوحيدة عليها
قلت..طيب انا اعمل ايه دلوقتي؟
وطلب مني منصور ان اهرب فورا
وسالتة؟
قلت..اهرب واتركها بدون ما اقتلها؟
رد منصور مفجرا مفاجئة
قال..ايوه...تعالي والغي المهمة الي طلبتها منك
لاني.. انا كمان نويت اني ..اقتلها بنفسي
قلت...لكن هي كده ممكن توصلك
وهتقتلني انا وانت
لو انا هربت منها دلوقتي؟
رد منصور بعصبية قائلا..
بقولك اهربي من عندك بسرعة يا غبية
وانجي بحياتك
وسالتة؟
قلت..طيب بس ههرب ازاي؟
وعلي فين؟
قال..انا بعد نصف ساعة هنتظرك خلف الفندق
الي انتوا فيه
اخرجي بسرعة
وتعالي
ولو حد منهم شافك وانتي خارجة
اتعللي بانك عندك صداع وفهميهم بانك ذاهبة للصيدلية تجيبي حبوب للصداع
قلت..حاضر
وبالفعل عدت للغرفة بالفندق
التي ننام بها انا وفرفشة...
لاخذ حقيبة يدي
وانتظر بها النصف ساعة علي ما منصور يجي ..
وعندما دخلت للغرفة
..لقيت فرفشة بتلبس وبتستعد للسفر
وسالتني؟
قالت..عرفتي ان ام الغلام طلبت مننا اننا نستعد للسفر؟
قلت..ايوة
منا جاية دلوقتي عشان اللبس
ردت فرفشة..وهي تستعجلني.
قالت..هو انتي لسة هتلبسي
منتي لابسة اهوة
تعللت بان
ملابسي اتسخت ببعض القهوة
التي وقعت عليها ويجب ان ابدلها
ردت فرفشة قائلة..
طيب انجزي يلا
عشان
ام الغلام عايزانا نمشي فورا
قلت..خلاص انا هلبس اهوه
ردت فرفشة قائلة..
خلاص البسي ..
وانا وانا هروحلها اصبرها
وبالفعل..خرجت فرفشة من الغرفة..
وفي تلك اللحظة
قررت ان اهرب فورا واذهب لمنصور
وانتظرت قليلا لاتاكد بان فرفشة بعدت عن باب الغرفة
واخدت حقيبة يدي وروحت افتح الباب ببطء
لاخرج...
ولكن قبل ان امد يدي علي الباب لافتحة
واخرج..
سمعت طرقا علي الباب...
فقلت في نفسي ربما فرفشة عادت؟
فا وضعت حقيبتي مرة اخري من يدي
وروحت افتح الباب لفرفشة
ولكن عندما فتحت لم تكن فرفشة
هي من تطرق الباب
وكانت المفاجئة..
بان ذلك
الشخص هو ......عصاااااام
فا نظرت بدهشة وانا
اسالة
قلت..عصام؟
قال..ايوه عصام..بامارة الحمامة النية ..الي لازم نقتلها
عشان نحطها في الحلة
عندما سمعت امارة عصام التي تغيرت مفردتها
عرفت بانني هالكة لا محالة
لان كلام عصام ده ملوش غير معني واحد وهو .....
لو عايز تعرف باقي احداث القصة ضع عشر ملصقات مع متابعة صفحتي الشخصية
مع تحياتي
الكاتبة
حنان حسن
x
x
x
x
قراءة رواية ليلة زفاف زوجي كاملة الاجزاء
ليست هناك تعليقات