رواية مطلوب مساعد قاتل الجزء الأول  

للكاتبة/حنان حسن 

انتوا ليه يا ستات ظالمين الرجالة؟

ليه بتقسوا عليهم؟ 

وبتقولوا انهم خاينين وكدابين وملهمش امان؟

ايه المشكلة لما جوزك يتجوز عليكي مره واتنين وثلاثة 

ويصاحب بره الجواز كمان؟

ايه المشكلة لما صاحبك او خطيبك يمشي  مع صاحبتك او جارتك اواكتر من واحده غيرك؟

ليه صدرك ميبقاش رحب ؟

ليه بالك ميبقاش طويل؟

ليه اعصابك متبقاش في ثلاجة؟

ليه الانانية؟؟؟

اهو بسبب افكاركم الغير سوية دي ...

وحبكم للتملك 

انا ..ارتكبت جريمة قتل

...ايوه انتوا قراتوها صح ..انا ارتكبت جريمة قتل

وعشان اشرحلكم انا ايه وصلني لكده..

لازم اعرفكم بنفسي الاول

انا عاطف..واحيانا عاتييف

اصل كل الحريم الي انا اعرفهم بيقولولي

 يا عاتييف...

المهم انا عمري28سنة

 معايا دبلوم تجارة

 ولسة مش لاقي شغل ولغاية النهاردة و باخد مصروفي من ابويا..

للكاتبة..حنان حسن

صحيح ظروفي المادية صعبة..

لكن عندي الي هيعوضني وهعتمد عليه في مستقبلي ..وهو (فورمة الساحل) 

ايوه اصلكم مش فاهمين

 انا بلا فخر...

طول عمري واد جان ....

وامور.. وبنافس احمد عز ...وتوم كروز ...في الوسامة

..عشان كده بعون الله بوقع اجمد مزة في هوايا 

في اقل من (منت)..

للكاتبة..حنان حسن

وكل الحريم الي عرفتهم بيتمنوا ارضي عنهم 

وبيحاربوا بعض عليا 

عشان كل واحدة فيهم

 تفوز بيا لنفسها فقط بكل انانية 

ومفيش ولا عند اي واحده فيهم روح الجماعة خالص 

وكلهم كانوا بيخوضوا حروب صليبية في سبيل الفوز بيا ...

بس انا زهقت من الحروب دي  وقررت اني مش هتجوز  ولا  اي واحدة فيهم.. 

وبصراحة استخسرت الوسامة والوجاهة والحلاوة دي تمتلكها انثي واحدة مجانا كده...

للكاتبة..حنان حسن

فا قولت اشغل مخي..

وانا بعيد عنكم لما بشغل مخي بخربها..

بس لازم اشغل مخي..لان حرام الوسامة بتاعتي وخفة الدم دي تفضل كده بدون استغلال..

للكاتبة..حنان حسن

فا طقت في دماغي فكرة..

  وقولت استثمر جمال منظري ...

 وروعة طلعتي..

ووسامتي ....وخفة دمي المتناهية..

للكاتبة..حنان حسن

فا قررت انفض لجميع الحريم الي انا اعرفهم ..

واتجوز واحدة ست غنية 

وتكون بتلعب في السبعين من عمرها

و طبعا لازم يكون معاها فلوس كتير  ..

واعيش في عز وهنا 

وسنة بالكتير وتموت واورث بعدها واعيش حياتي بقي

ايوه ما هي كده..

للكاتبة..حنان حسن

شكلك حلو ؟

 يبقي لازم تستغل الفرصة وتستثمرها وتتجوز واحدة غنية ترفعك لفوق..

عشان تبقي ساعتها وسامة وغني ودم خفيف ومتدلع اخر دلع...

للكاتبة..حنان حسن

وفعلا بدات  ابحث عن المواصفات الي بحلم بيها في شريكة احلامي المستقبلية

وبداءت اخطط واشوف هبدء الخطوة الاولي في حلمي ده ازاي؟

للكاتبة..حنان حسن

وطبعا كان لازم استعين ب اشرف صاحبي ..

واشرف كان مشهور بثلاث حاجات

عويل..غبي.. ومتسرع 

من الاخر حمار..

طبعا هتسالوني 

وهتقولوا لما هو كده بتستعين بيه ليه؟

هقولكم انه هو صحيح اشرف غبي وعمرة ما شار عليا بحاجة عدلة ...

لكن بيني وبينكم احنا عشرة عمر ومتربيين مع بعض ولازم يبقي معايا في كل حاجة

للكاتبة..حنان حسن

المهم لما قولت لاشرف علي المواصفات العروسة الي في دماغي..

شار عليا بواحدة جارتهم لسه طالعة علي المعاش جديد 

وكانت طول عمرها مديرة مدرسة في دولة من دول الخليج

 وقالي انها زمانها معاها  ثروة 

واشرف كمان  بيقول انها متجوزتش قبل كده ...

للكاتبة..حنان حسن

ولما سالتة هي طلعت معاش ليه؟

قال..هما طلعوها  معاش مبكر عشان تعبت شوية ورجعوها علي مصر بسرعة

طبعا انا قولت هي دي العروسة المطلوبة..

لان معني انها تعبت تبقي اكيد عندها مشكلة مرضية عويصة والمسالة مسالة وقت وهورث

للكاتبة..حنان حسن

و طلبت منه يحددلي معاها  ميعاد عشان اروح اتقدملها..

وفعلا روحت اتقدم 

وكنت فاهم طبعا انها هتنبهر بيا بقي منا امور ووسيم اخر حاجة

لكن لما روحت وشافتني قعدت تبصلي من فوق لتحت .. 

ومتكلمتش معايا كتير..

وكل الي قالتة... انها موافقة علي الجواز مني لكن بشرط

قلت..شرط ايه؟

قالت..العصمة تبقي في ايدي

للكاتبة..حنان حسن

بصراحة انا قولت مش مشكلة تبقي العصمة في ايدها الكام يوم الي فاضلين ليها في حياتها يمكن نفسها فيها؟

وطبعا وافقت علي موضوع العصمة انها تبقي في ايدها 

‘

وبالفعل اتجوزنا في شقتها طبعا

للكاتبة..حنان حسن

لكن في ليلة الدخلة اكتشفت مصيبة سودة..

فا بعد ما الماذون والشهود مشيوا ...

وبقيت انا وهي لوحدنا 

..لقيت العروسة دخلت غرفة النوم...

 بصراحة انا كنت هروح ادخل وراها 

بس الي منعني اني سمعتها بتتكلم مع واحده صحبتها جوه ...

للكاتبة..حنان حسن

فا انتظرت شوية

 وقولت استني لما صحبتها قليلة الذوق دي تخرج..

للكاتبة..حنان حسن

وفضلت مستني ان صحبتها تخرج؟ ابدا

وفضلت تتكلم مع صحبتها اكتر من ساعة

 لغاية ما بداءوا يشدوا مع بعض

 ويتكلموا بصوت عالي 

بصراحة انا قولت اروح اتدخل وافض الاشتباك..

وفعلا فتحت باب الغرفة عليهم لكن اتفاجاءت بان العروسة مفيش معاها حد وكانت بتكلم ..نفسها 

واكتشفت كمان ان شورة اشرف  الجذمة ومجايبة السودة ..

وقعتني في واحده تعبانة نفسيا..

وانا بعد ما كنت رايح ليلة دخلتي عريس ومظبط شعري وحواجبي ...

 وكنت بقول هذة ليلتي 

..لقيتها ربطتني في السرير طول اليل وفضلت تمدني علي رجلي وهي بتسالني و  بتقولي( بتنط من ع السور ليه؟)..

وفضلت مقعداني سلبوتة طول الليل

 وكل شوية تروح تجيب مية من الحمام وترش عليا..

لغاية ما تعبت واتهدت ونامت...

وانا كنت هموت وانا سلبوتة كده 

لاني كنت  متكتف

 لولا ان ...

الصبح الجرس رن

للكاتبة..حنان حسن

 وخرجت العروسة.. تفتح الباب  

وكان الي بيرن الجرس هو اشرف الكلب ..

صاحب الشورة السودة...

واول ما سمعت صوتة بره ناديت عليه عشان يجي يفكني من ع السرير

للكاتبة ..حنان حسن

قال..ايه ده يا عاطف انت كنت بتعمل ايه كده يا عم الخطر؟

انتوا كنتوا بتلعبوا طول الليل ولا ايه؟

قلت..اللهي يلعبوك طول الليل علي سلك كهرباء عريان يا بعيد

فرد اشرف بسؤال غبي كا العادة

قال..طيب بجد فهمني ايه الي ربطك في السرير؟

قلت..معلش اصلي كنت هطير من  السعادة فا هي قامت ربطاني

قال..انت مبلول كده ليه؟

هي الفرحة ممكن ممكن تخلي الواحد يتبل؟

قلت..اخلص يا ابن الهبلة وفكني ..انا حاسس اني هيجيني  حمي بسبب المية الي رمتها عليا بنت المجنونة

للكاتبة..حنان حسن

وبعد ما اشرف فكني

 بدانا نكتشف انها مجنونة فعلا..

من خلال الروشتات

والادوية الي عندها في غرفتها

 وعرفت وتاكدت باني تزوجت واحدة مريضة نفسيا وبتتعالج من امراض عصبية وعقلية

للكاتبة..حنان حسن

فا قررت اني خلاص ها اطلقها..

رد اشرف قائلا..ازاي والعصمة في ايدها؟

قلت ..طبعا بما انها مجنونة الكل هيمنحني حق الطلاق

لكن اشرف صديقي قالي فكرة جبارة

قال..وليه يا صاحبي تطلقها ما تقتلها  افضل؟ ..

مش بقولكم اشرف ده  متسرع؟

لكن انا عشان عاقل  سالتة

قلت..وهنقتلها امتي؟

قال..هنقتلها فورا

وتقول انها قتلت نفسها بسبب مرضها النفسي 

وانت معاك شهادات من اطباء نفسيين هياكدوا علي كلامك

 وهتخرج منها زي الشعره م العجين

 وساعتها هتورث وتتمتع بالثروة دي كلها

للكاتبة..حنان حسن

قلت..تصدق فكرة؟لكن هنقتلها ازاي؟

قال..لالالا..انا وانت مش هينفع نقتلها لوحدنا

 عشان احنا ملناش خبرة سابقة في موضوع القتل ده 

..لازم نشوف حد خبير في القتل

قلت..وهنجيب الخبير ده منين؟

قال..نعمل اعلان ممول علي النت

قلت..يا سلام ؟

اعلان ممول من الي بيمر علي كل الناس 

من غير ما يتعبوا نفسهم في البحث ..صح ؟

واعلان ممول كمان

 مش اعلان عادي؟

 عشان يمر علي وزير الدخلية شخصيا ؟

قال..طالما مش بتعجبك افكاري بتسالني ليه؟

للكاتبة..حنان حسن

قلت..انا عندي فكرة افضل

قال..ايه هي؟

قلت..نستعين بمؤلف دموي 

ونوهمة 

باننا عايزين قصة فيلم بتتكلم عن جريمة قتل 

للكاتبة..حنان حسن

ونخلية يالف لينا قصة فيها جريمة قتل كاملة..

بدون ما يعرف اننا هينفذها

رد اشرف الله يصلح حالة وياخدة

قال..ايوه مش لازم الكاتب يفهم  اننا هننفذها عشان ميزودش علينا السعر؟

طبعا انا تجاهلت تعليق اشرف عشان الضغط ميعلاش اكتر من كده

المهم بداءنا فعلا نبحث عن الكاتب الي هينقذني ويؤلف لي جريمة كاملة...اقدر من خلالها اقتل زوجتي المجنونة وارتاح منها واورث بدون ما يتقبض عليا ولا اتكشف

للكاتبة...حنان حسن

وبعد بحث مضني عن ذلك الكاتب..

فعلا لقينا وياريت ما لقينا لان الي حصل.....  

لو عايز تعرف باقي احداث القصة ضع عشر ملصقات..مع متابعة صفحتي الشخصية

مع تحياتي

حنان حسن

مشاركة الموضوع

مواضيع ذات صلة

تحميل ...

عن الكاتب

Mohamed Sadek

خطأ فى التحميل ! , ربما تكون المدونة غير عامة أو متاحة لمؤلفو المدونة فقط أو قد تكون خلاصة المدونة معطلة , من فضلك قم بجعل المدونة عامة و السماح بخلاصة المدونة كاملة لتفعيل هذه الإضافة.

من مواضيعى