رواية مطلوب مساعد قاتل الجزء الرابع (الأخير) للكاتبة/حنان حسن بعد ما اشرف المتخلف ما عرفني علي سمر .. وقالي ان هي دي القاتل الماجو...
Mohamed Sadek
رواية مطلوب مساعد قاتل الجزء الرابع (الأخير)
للكاتبة/حنان حسن
وقالي ان هي دي القاتل الماجور الي هتساعديني علي اني اقتل زوجتي المجنونة...
للكاتبة حنان حسن
اتفقت مع سمر علي كيفية تنفيذ عملية القتل
وهي اشترطت انها هتقوم هي لوحدها بعملية القتل
وانا هاكون مع اصحابي عشان ابقي بعيد عن الموضوع اثناء تنفيذ المهمة
ولما سالت سمر عن الثمن والمقابل الي هي عايزاة للقتل ؟
قالت سمر انها لاتريد اي مال او نقود واشترطت عليا شرط غريب..
وهو اننا نتزوج انا وهي لمدة شهر واحد
نعيش فيه معا في بيت زوجتي بعد ما تتم عملية القتل
للكاتبة..حنان حسن
وطبعا اجابتي علي شرطها كانت بالموافقة....
وبالفعل يوم تنفيذ العملية ..ذهبت مع بعض الاصدقاء في رحلة صيد سمك وتركت سمر لتقوم بمهمتها وتقتل زوجتي
وفضلت منتظر مكالمة سمر علي نار
عشان تقولي تعالي خلاص المهمة تمت وتفرح قلبي برسالة زي بتوع كروت الشحن وتقولي لقد تمت عملية القتل بنجاح
للكاتبة..حنان حسن
لكن ..لقيت سمر بتتصل بيا وبتقولي تعالي حالا يا عاطف في مصيبة
قلت..مصيبة اية؟
واجيلك فين؟
قالت..المصيبة في بيتك طبعا امال يعني هتكون فين؟
قلت في نفسي ..اه صحيح مفروض افهم من نفسي ان طالما في مصيبة هتبقي عندي يعني هتكون فين؟
ايه السؤال الغبي ده؟
للكاتبة..حنان حسن
المهم ..ذهبت سريعا علي البيت..
وفتحت بالمفتاح واول ما الباب اتفتح..
لقيت سمر قاعدة في الصالة وماسكة سكينة
مليانة دم وفي جثة ادامها
ملفوفة في اكتر من عشرين ملاية سرير
والارض طبعا والحيطان غرقانين دم
لطمت علي وجهي وانا اسال بنت الموكوسة
قلت..ايه الي عملتية ده يا حزينة؟
انتي مش قولتي انك هتخضيها وهتموت لوحدها زي ما قال الكتاب الصيني؟
قالت..اعمل ايه؟
منا دخلت عشان اخضها لقيتها شافتني ومسكت فيا وفضلت تصرخ كتير
فا لقيت نفسي بمسك السكينه وقتلتها
ولما لقيتها ماتت قمت لفاها في الملايات الكتير دول زي منتا شايف كده
للكاتبة..حنان حسن
جلست علي الارض وانا انظر للجثة
وهي ملفوفة بملائة سرير ملطخة بالدماء..
ونظرت لسمر وسالتها؟؟
قلت..طيب وهنعمل ايه دلوقتي؟
قالت..هنعمل ايه في ايه؟؟؟
قلت..لا مش طالبة استعباط دلوقتي خالص
قالت..استعباط ايه مالك؟
قلت..هندفن الجثة فين ؟؟وازاي؟؟
قالت..هو احنا لازم ندفن الجثة؟؟؟
قلت ..اه والله انا اسمع ان الجثث بتدفن عشان متعفنش الا لو انتي كنتي ناوية تخليليها؟ ده موضوع تاني
للكاتبة..حنان حسن
ردت سمر وهي ترفع اصبعها محذرة
قالت..لا بقولك ايه انا بحذرك تسخر مني او تتريق عليا..
قلت ..اخلصي يا بت وقولي هنتصرف ازاي في المصيبة دي ؟
وشوفي هنخلص من الجثة
الي انتي حطيتها في الصالة دي بانهي طريقة
ثم خطر في باللي سؤال
قلت انتي مش بتقولي قراءتي كتاب صيني عن الجريمة الكاملة؟
شوفي بقي يا حلوه اي باب في الكتاب يكون بيشرح طريقة التخلص من الجثث
للكاتبة..حنان حسن
ردت سمر بعصبية
قالت اعملك ايه اذا كان الكاتب ..
مذكرش موضوع التخلص من الجثة ده؟
.
قلت ..لا والله؟ يعني الكاتب عرفك ازاي تجيبيلي المصيبة السودة دي ؟
ومعرفكيش تخلصيني منها؟
قالت..دي غلطة المؤلف بقي اعملك ايه؟
قلت يعني ايه؟
للكاتبة..حنان حسن
قالت..يعني لازم انا وانت كده نقعد بهدوء ونفكر هنتصرف ازاي في الجثة دي؟
وفعلا قعدنا انا وسمر عشان نفكر ونشوف هنعمل ايه؟ ..
وفي اللحظة دي
قلت ..ايه رايك لو اجيب عربية وناخدها ونرميها في النيل؟
ردت سمر مستنكرة الفكره
قالت..لا طبعا مش هينفع نخرج بالجثة من البيت اصلا
قلت..ليه؟
قالت..عشان وانا بقتلها المرحومة فضلت تصوت والجيران طلعوا وفضلوا يخبطوا ع الباب وانا مففتحتش طبعا
لكن زمانهم دلوقتي شاكين في الامر
وعنيهم ع الشقة
قلت..طيب والحل؟
للكاتبة..حنان حسن
قالت..انا قرات مره في كتاب اسمة (فن القتل البسيط في علم التحنيط ) والكتاب بيقول ان افضل طريقة لدفن الجثة انك تصنع لها مقبرة بايدك
نظرت لسمر وسالتها بغيظ
قلت..الكتاب ده صيني بردوا ؟
قالت لا.. افغاني
للكاتبة حنان حسن
قلت المهم اخلصي ازاي نعمل المقبرة المصنعة دي؟
قالت..هنبني هنا في الصالة مثلا حاجة كده زي البانيو ويكون بحجم القتيلة..
وبعد كده نعمل للبانيوا غطاء مسلح
ونغطي بيه البانيو ده
طبعا بعد ما نضع القتيلة بداخل البانيو ونقفل عليها
وساعتها هنبقي ريحنا الجثة واستريحنا منها
ولا من شاف ولا
من دري..
للكاتبة..حنان حسن
اخذت افكر ..وسالتها؟
قلت..ايوه بس هنجيب ادوات البنا امتي وازاي؟
ومين الي هيساعدني في عمل صبة الخرسانة والبانيوا؟
قالت معلش بقي يا بطل لازم تيجي علي نفسك وتقوم انت بالمهمة دي
وفعلا ..خرجت واتصرفت..
وجيبت ناس
طلعولولي الرمل.. والاسمنت ..والظلط ووضعوه.. بالصالة بعدما اخفينا انا وسمر الجثة في الغرفة
للكاتبة حنان حسن
وبعدها بداءت انا رحلة الشقاء
و فضلت اشتغل طول الليل واصنع المقبرة..
وبعد ان انتهيت من صنعها كنت قد خارت قوايا
وطلبت مني سمر ان تقوم هي بدفن الجثة كا مساعده منها ليا...
للكاتبة..حنان حسن
وبعد ما وضعت سمر الجثة في المقبرة
وضعنا عليها الغطاء الخرساني
الذي قمت انا بصنعة وانتهينا من تلك المشكلة
وحمدت ربنا اني اخيرا قدرت اصنع مقبرة خرسانية وحدي بدون اي مساعدة..
صحيح انا عانيت من الارهاق الشديد حتي خارت قوايا لكن اخيرا خلصت من الجثة..
من الاخر اتهديت وظهري انقسم ..لكن المهم اني خلصت من المصيبة السودة دي
للكاتبة حنان حسن
وبعد لما انتهيت وجلست استريح..
لقيت سمر دخلت اخدت شاور
وطلبت مني اني انضف المكان
وادخل انا كمان اخد شاور عشان نخرج ونروح للماذون ونتجوز
قلت..طيب ما تصبري شوية علي الاقل هنشوف هنقول ايه للناس عن سبب اختفاء زوجتي
للكاتبة..حنان حسن
ردت سمر بثقة
قالت ..سهلة جدا ..هنقول انها خرجت ولم تعد
قلت..يعني ايه؟
نظرت الي سمر وهي تسالني؟
قالت..يبني مش انت زوجتك مجنونة والناس عارفة كده ؟
وكمان معاك شهادات طبية بكده؟
قلت..ايوه ده حقيقي
قالت..خلاص..هنقول انها خرجت ودورنا عليها ومش لاقينها ومنعرفش راحت فين
للكاتبة..حنان حسن
قلت. ..ماشي
قالت سمر.. اتفضل بقي قوم معايا عشان نتزوج حالا
وطبعا مكنتش اقدر ارفض الزواج من سمر
للكاتبة..حنان حسن
وبالفعل تزوجنا..
وكنت فاكر اني عشان اعمل شهر عسل وابقي سعيد..
اني لازم يكون معايا مبلغ وقدرة..
لكن سمر قالتلي حاجة غريبة
قالت...مش مهم يكون معاك فلوس كتير عشان تبقي سعيد..
بالعكس انت ممكن تبقي اسعد واحد في العالم لو قضيت وقتك وانت راضي ومرتاح نفسيا وانت مع الناس الي بتحبهم..
بدليل ان اغنياء العالم لم يبلغوا السعادة الكاملة ولا الراحة المنشودة
لان سر السعادة
هو (الرضا)
وسعادتك في انك ترضي بحالك
وتستمع بالي في ايدك والي ربنا قسمه لك
للكاتبة..حنان حسن
بصراحة في الاول مكنتش مصدق كلامها..
لكن لما قضيت معاها احلي شهر عسل في العمر صدقت فعلا كل كلمة قالتهالي
وعلي فكرة . احنا قضينا شهر العسل في الشقة بناء عن طلبها
يعني مصرفناش فلوس كتير ولا حاجة
للكاتبة..حنان حسن
لكن في الشهر ده.. قربت منها
وشعرت اد ايه هي بتحبني
وبتخاف عليا وبتتمني تعمل اي حاجة ترضيني
ولقيت نفسي بدات انا كمان احبها
واشوف الدنيا من خلالها
وبقيت افكر بنفس طريقتها وبقيت متصالح مع نفسي اكتر
وراضي بحياتي وبظروفي
وسعيد كمان
للكاتبة..حنان حسن
واتمنيت اني كنت اقابل سمر من زمان ..
عشان اتذوق تلك السعادة
ومن شدة سعادتي
فقد طلبت من سمر ان زواجنا يستمر علي طول ونبقي مع بعض ديما
وفعلا شهر العسل اتمد لخمسة شهور وكان ممكن يستمر العمر كلة
للكاتبة حنان حسن
لكن للاسف واضح ان مفيش سعادة بتدوم..
فا بعد ان انتهينا من قضاء شهور العسل.. ودي طبعا كانت اجمل ايام في عمري كلة ...
للكاتبة..حنان حسن
قررت اني اخد سمر اسافر من البلد خالص
واترك شقة القتيلة واموالها واعيش فقط مع سمر حبيبتي
ولو هنعيش عيشة بسيطة لكن اهم حاجة نعيش مع بعض في راحة بال بدون خوف او قلق ..
للكاتبة..حنان حسن
ولما طلبت من سمر تستعد عشان نسافر لقيت البوليس بيخبط علي الباب وكان جاي ياخدني
ولما سالتهم ..عايزني ليه؟
قالوا ..عايزينك بخصوص المرحومة..
قلت ..مرحومة ؟ تقصد مين؟
رد الضابط ساخرا
قال..اقصد زوجتك يا استاذ
عرفت ساعتها ان البوليس عرف كل حاجة
للكاتبة..حنان حسن
ولقيت البوليس بيقولي اتفضل تعالي عشان تستلم الجثة
استغربت لكلام الظابط
قلت..استلم الجثة تاني؟
قال..هو حضرتك استلمت الجثة اولاني ؟
وسالني الظابط
قال ..هي وفاة زوجتك اثرت علي عقلك ولا ايه؟
للكاتبة..حنان حسن
قلت..معلش مش فاهم استلم الجثة منين؟
قال..من المستشفي
قلت في نفسي ..هي المقبرة الي انا عملتها في الصالة موصله ع المستشفي ولا ايه؟
ولقيت نفسي بحاول استفسر من الضابط
قلت..معلش هو حضرتك تقصد جثة مين بالظبط الي في المستشفي؟
للكاتبة..حنان حسن
قال..جثة زوجتك الي في مستشفي الامراض العقلية
نظرت له وانا اشعر بان عقلي قد هنج
ولم اعد افهم اي شيئ..
في اللحظة دي تدخلت سمر
قائلة..ايوه خلاص يا حضرة الظابط احنا هنيجي نستلم الجثة معلش اصل الصدمة اثرت علي زوج المرحومة
للكاتبة..حنان حسن
وبعد مغادرة الضابط..
اخذت سمر تفهمني الخدعة التي قد قامت بها لتنقذني من ان اورط نفسي في جريمة قتل..
وبداءت تشرح ما حدث بالتفصيل
قالت..انا كنت بحبك من زمان
من ايام ما كنت بتيجي النادي
ومكنتش بحاول اقرب منك لانك كنت بتعرف بنات كتير اوي وبتخدعهم كمان
وعرفت ساعتها انك رافض الزواج من اي بنت
..لكن لما عدت الايام ولقيتك مبقتش تيجي النادي
سالت اشرف صاحبك عنك
للكاتبة..حنان حسن
وقالي علي مشكلتك مع زوجتك
وانك عايز تخلص منها وتقتلها..
فا خوفت عليك احسن تاذي نفسك
وتروح في داهية
وحاولت اني اخليك تغير الي نويت عليه
وتترك فكرة القتل من راسك عشان القتل كبيرة من الكبائر
للكاتبة..حنان حسن
وكمان هيوصلك لحبل المشنقة..
ففكرت اني اوهمك باني هساعدك في قتلها..
واتصرفت وذهبت لمستشفي الامراض النفسية والعصبية
وكلمت دكتور صديق ليا هناك
وطلبت منه انه يكتب لزوجتك تصريح دخول للمستشفي لغاية ما تتعالج وتبقي كويسة
واكون انا في الوقت ده اتجوزتك عشان اقدر ااثر عليك وخليك تصرف نظر عن موضوع القتل خالص
وسالتها وانا مندهش
قلت..امال جثة مين الي كانت هنا دي؟
قالت..دي مكنتش جثة ده كان تمثال
وكنت لفيتة بملاية ووضعت عليه شوية دم من من كام حمامة كنت اشتريتهم من محل الدواجن الي تحت البيت
ورميتهم علي التمثال والارض والحيطان..
للكاتبة..حنان حسن
وكل ده عشان اخليك تقتنع بان القتل جريمة كبيرة
والفلوس مش شرط للحصول علي السعادة
والاهم من ده كله اني اكسبك وافوز بيك واعيش جنبك ولو لمدة صغيرة
وكل شيئ كان ماشي تمام لغاية ما من شوية صديقي الطبيب النفسي الي في المستشفي
اتصل بيا وعرفني ان زوجتك اتوفت علي اثر ازمة قلبية
وانت كده دلوقتي عرفت كل حاجة واتمني انك تسامحني علي كدبتي بس انا كنت بحاول انقذك من نفسك وبمنعك من غلطة كانت هتضيعك
للكاتبة..حنان حسن
بعدما استمعت لسمر
سالتها؟؟
قلت..وانا ادمع من الفرحة يعني انا مقتلتش فعلا؟؟؟
ردت سمر بالنفي
قالت..لا طبعا انت مقتلتش
وانا مكنتش هسمحلك اصلا انك تاذي نفسك طول منا جنبك يا قلبي
قلت ..طيب ولما هو مفيش جثة يا جذمة ؟
كان لزمتة ايه الاسمنت ..والرمل.. والظلط ..والصبة الخرسانية.. الي انا عملتها دي يا ظالمة؟
للكاتبة..حنان حسن
ردت سمر وهي تعتذر
قالت..مهو يا حبيبي كان لازم اسبكها عليك عشان تصدق انك قتلت فعلا
وبعد ما عرفت الحقيقة من سمر وفرحت بيها وبقيت طاير من السعادة
للكاتبة..حنان حسن
ذهبت لاستلم جثة زوجتي وبعد ان دفنتها
اكتشفت بانني قد ورثت ثروة طائلة
وذهبت سريعا لسمر لازف اليها البشري بانني قد ورثت
ولقيتها بتوعظني وبتشهدني علي نفسي
قالت..شوفت بقي ؟لو كنت استعجلت وقتلتها ؟
كنت هتترمي في السجن وتتشنق..
لكن اهي اتوفت لوحدها واديك ورثت بالحلال
للكاتبة..حنان حسن
نظرت لسمر ..
وسالتها سؤال كان نفسي اساله لها من ساعة ما قابلتها؟؟؟
قلت..ممكن اعرف اسم الكتاب.. بتاع
( الموت بالخضة)؟
نظرت الي سمر بتعجب وسالتني؟؟
قالت..كتاب ايه؟؟
قلت..الكتاب الصيني
ردت وهي تسخر مني قائلة..كتاب ايه؟
وصيني ايه ؟
يا عاتيييف ؟
هو انا بعرف اقراء عربي؟ لما اقراء صيني؟
للكاتبة حنان حسن
وعرفت ساعتها ان سمر ادعت انها قاتلة ماجورة عشان تساعدني ...
وكنت فاكرها مساعد قاتل..
طلعت فعلا مساعد قاتل لكن .. ساعدتة عن انه يرجع عن جريمتة
ويعيش حياتة بالحلال ..
ويحب الدنيا تاني .
كده القصة خلصت اتمني تكون عجبتكم
لو عجبتكم القصة ضع تعليقا يشجعني علي سرد المزيد من القصص
مع تحياتي
الكاتبة
حنان حسن
