رواية دعارة مشروعة الجزء الخامس
للكاتبة/حنان حسن
بعد ما وضعت راسي علي المخدة ..تفاجاءت بدخول ادهم عليا وهومسرعا و في حالة قلق وفزع بالغ ..
قال ..تعالي بسرعة ..خالتي معرفش جري لها ايه؟
قلت ..ايه الي حصل؟؟
قال ..مش عارف ..كنت داخل انام ..لقيتها بتنادي عليا ..علي ما دخلت عندها لقيتها مش بتتحرك ومعرفش حصلها ايه؟
قلت..اطمن و اهدء ممكن تكون مغمي عليها تاني زي ما حصل النهارده عند الدكتور .. ودخلنا معا الي الحجرة التي تنام بها خالتة ..وحاولنا انا وادهم بشتي الطرق ان نفيقهامن حالة الاغماء ..لكن للاسف دون جدوي.. نظر ادهم ناحيتي ثم
قال ..انا هنزل اجيب دكتور ..وتركني ولم يمر سوي بعض الوقت ..الا وادهم يعود ومعه طبيب وممرض مساعد له ..وبعد الكشف خرج الطبيب علينا ليقول ..البقاء لله
اطلبوا لها الرحمة.. تجمد ادهم في مكانه وتغيرت ملامحة وبدات عيناه تدمع .. شديت علي ايده
قلت ..اطلب لها المغفرة وادعي لها بالرحمة ..اقترب الطبيب من ادهم وقال..عم عوف التمرجي والمساعد بتاعي ..هيساعدك في اجراءت الدفن والجنازة وكل حاجة هو راجل تقدر ..تعتمد علية في الظروف دي.. وبالفعل خرج ادهم مع مساعد الطبيب لينهواجميع الاجراءات ..
وفي اليوم التالي..رجعنا انا وادهم من المقابر بعد ما ودع خالتة للمرة الاخيرة.. اول ما ركبت العربية مبقتش عارفه ايه الي مفروض يحصل وانغ كده هروح بيتي وخلاص كده ولا ايه ؟بصراحة الاحداث السريعة..جعلتني انسي الخطة وانسي عصام ومشكلتي معاه .. مكنتش عارفه اركز في اي حاجة اصلا وكان مخي هنج ..
تنبهت علي صوت ادهم وهو بيتكلم معايا من ساعة ما عرف بوفاة خالتة
قال..معلش انا تعبتك معايا اليومين دول اوعي تقول كده ..انا اعتبرتهاخالتي انا كمان
قال..في حزن وانكسار..خلاص انا مبقاش ليا حد
قلت ..طيب واختك؟؟
نظرا الي وعلامة استفهام تعلوا وجهة
قلت ..انا يا عم ..انت ناسي ان بقي ليك اخت ولا ايه؟
قال.. ياريت طبعا يبقي ليا اخت جدعه كده
قلت..بس اختك بقي عايزاك تاخد بالك من نفسك وتتغلب علي الحزن وترجع تشوف شغلك وحالك وتذكرت انني لم اعرف بعد ماهي طبيعة عمله ولا ساكن فين ولا عايش ازاي؟؟فسالتة
قلت ..صحيح انا معرفش عنك حاجة خالص ..هو انت بتشتغل اية؟
قال.. عندي شركة استثمارية
قلت..خلاص يبقي تنتبه لشغلك وهو كفيل ينسيك حالة الحزن دي..
قال.. وانتي ..مش هتسالي عليا؟
قلت.. طبعا..هي في اخت تنسي متسالش عن اخوها؟وفي هذه اللحظة ..كنا قد وصلنا بالقرب من بيتي ..فقلت ..خلاص انا هنزل هنا من فضلك ..
نظر الي كا طفل تركته امة وحده في مكان غريب
قال.. هتمشي خلاص؟؟
قلت ..ايوهمنا هكلمك فون عشان اطمن عليك باستمرار
قال..طيب هاتي الرقم عشان اسجلة
قلت ..حاضر ونظرت الي الموبيل ..وجدتة مغلق ..فقد اغلقتة انا لاريح بالي من زن عصام واتصاله المستمر بي .. فتحت الموبيل وسيفت رقم ادهم .. وتفاجاءت عندما علمت ان ادهم.. كان مغلق هاتفة هو الاخر
صعدت الي شقتنا بعد ما تركت ادهم .. وانا افكر في كل ما حدث وافكر بادهم وكم هو بائس وحيد ووجدت نفسي اتعاطف معه واحمل همه وافكر كيف اخرجة من احزانه ووحدتة وكيف اقف بجانبة في مرضة الخطير .. فا مرض الايدز هو موت مؤجل
وفجاءة..قطع تفكيري رنين الفون .. وكان عصام ..رديت
قلت ..ايوة
قال ..انتي فين يا هانم كل ده وكنتي قافلة تليفونك ليه
قلت ..عايز ايه انجز؟
قال .. انتي هتستهبلي يا بت وتسوقي العوج ولا ايه؟ متردي عليا عدل زي ما بكلمك
قلت ..بقولك ايه
قال ..خير
قلت انا بسحب كلامي وبفض اتفاقي معاك وكمان مش عايزاك توفي بوعدك وتتجوزني خلاص من الاخر ..مش عايزة اشوف وشك تاني
قال ..لا بقي واضح انك عايزه تخرجيني من اللعبة وتلعبي لحسابك ..لا يا حلوة فوقي انتي لو متعدلتيش انا هنشرالفيديوهات وهعملك فضيحة ما قبلها ولا بعدها
قلت ..في استسلام لابتزازة
عايزني اعمل ايه دلوقتي؟
قال تكملي الخطة لغاية ما يتزفت يموت ونورثة ..وبعد كده غوري في داهية تاخدك
قلت ..ماشي هنفذ الي انت عايزه بس انت كمان اختفي من الصورة زي ما اتفقنا
قال ..تمام بس انجزي لاني صبري مش كتير
قلت ..ماشي
وقفلت مع عصام وانا افكر في تلك الورطة وكيف لي ان اخرج منها
وقررت ان احكي لادهم كل ما كان مع عصام واخبره بما ينوي ومدي الشر الذي يكنة له
وبالفعل اتصلت بادهم
قلت..ايوه يا ادهم ازيك ؟
قال اخيرا اتصلتي ؟
قلت ..في ايه يا ادهم انا لسه سيباك من كام ساعة؟
قال.. انا مش عايزك تغيبي عني كده تاني.. انتي مش قولتي انك اختي ؟هو في اخت تسيب اخوها في الظروف دي؟
قلت ..انا عايزة اشوفك يا ادهم ..في حاجة خطيرة جدا عايزة اقولك عليها
قال ..تحت امرك تحبي نتقابل امتي وفين؟
قلت ..دلوقتي
قال..تمام انا هاجي بالعربية واتصل بيكي اول ما اوصل تنزلي
قفلت مع ادهم واول ما نزلت من البيت حدث مالم اكن اتوقعة ...
يتتتتتبع
ليست هناك تعليقات:
إرسال تعليق