رواية دعارة مشروعة الجزء السابع (الأخير) للكاتبة/حنان حسن بعد انتهاء مراسم العرس ورجوعي انا وادهم لبيتنا الجديد دخل ادهم حجرتي وطلب ...
Mohamed Sadek
رواية دعارة مشروعة الجزء السابع (الأخير)
للكاتبة/حنان حسن
بعد انتهاء مراسم العرس ورجوعي انا وادهم لبيتنا الجديد دخل ادهم حجرتي وطلب مني ان اجلس معه ليتحدث معي في امر ما
فقلت ..اتفضل اتكلم
قال .. عايز احكيلك حكاية وعايزك تركزي معايا جدا
قلت وانا اكاد اتنفس بصعوبة من شدة التوتر
قلت ..اتفضل احكي
قال ..انا كان عندي اتنين اصدقاء رجال ..لكن الاتنين مكنوش مقربين من بعض .. واحد منهم كان مريض ايدز ..كان قد اصيب به بسبب علاقاتة المشبوهة وانا كنت متابع كل تطورات مرضة لدرجة ان تقارير مرضة كلها عندي وفضلت معاه ومسبتوش في مرضة لاخر يوم في عمرة
قلت ..يعني ..هو ده الي نقل ليك العدوي؟
ضحك ادهم ووضع يده علي فمي
وقال..اسكتي واسمعي للاخر ..
قلت حاضر
قال ادهم مسترسلا صديقي الثاني كان ليه اخت وكان بيتمني اني اتجوز اخته وبصراحة انا كنت بحبها جدا وهي كانت معايا طول الوقت لغاية ما في يوم عرفت بطريق الصدفة انها كانت تعرف شخصا غيري وكانت تحمل في بطنها طفلا منه ولما واجهتها قالتلي انها كانت تريد ان تصارحني بالحقيقة ولكن اخوها (صديقي) اجبرها علي الزواج مني دون ان يعرف شيئا عن حقيقة الرجل الذي تحبه وانها لا تحبني.. ولكنها وافقت خوفا من اخاها وتوسلت لي علي الا افضح امرها امام اخاها.. (صديقي) والا قتلها فقررت الابتعاد عنها متعللا بكوني لا اصلح لها وقد استغلييت فكرة الاشاعة التي اطلقها البعض عني باني قد اخذت العدوي من صديقي مريض الايدز الذي توفي واكدت كلامي ببعض التقارير الطبية التي كانت تخص صديقي المتوفي لاتخلص من ارتباطي بتلك الفتاةوعهدي واتفاقي مع اخوها (صديقي) ودون ان يؤذيها اخوهاوبالفعل ابتعدت عنها..وتخلصت من تلك الورطة... عارفة مين صديقي الي كان عايز يزوجني اختة؟؟؟
قلت ..مين؟؟
قال .. عصام
قلت ..يعني انت الي فهمتة انك .... مريض؟ وانت مش مريض
قال بالظبط كده
الحمد لله انا سليم ومعنديش اي مرض وبكره هاخدك لاكبر معمل تحاليل وفحوصات وساجري جميع التحاليل والفحوصات التي تؤكد لك كلامي ده
وسالتة.. واختة فين دلوقتي؟
قال .. سمعت انها هربت منه ومن قسوته عليها ومعرفش عنها حاجة من ساعتها
قلت ... طيب ممكن سؤال
قال .. اسالي
قلت لما هي الحكاية كده ..كنت بتتجوزني ليه؟
قال .. هجاوبك لما تجاوبي علي سؤالي
قلت .. اسال
قال..لما انا مفروض كنت مريض ايدز بالنسبالك كنتي بتتجوزيني ليه؟
ابتسمت ..وابتسم ادهم
قلت ..انت لا تتخيل انا فرحانة دلوقتي ازاي
قال تعالي ناجل الفرح دلوقتي لغاية ما نؤدب عصام وياخذ جزاءة
قلت .. انت ناوي علي ايه؟؟
قال .. هقولك الصبح بعد ما نرجع من معمل التحاليل .. تصبحي علي خير ..وتركني ادهم وذهب الي الغرفة المجاورة .. وانا في منتهي السعادة .. فقد ايقظني ادهم من هذا الكابوس وقلب معاناتي لسعادة
وفي اليوم التالي .. عدنا انا وادهم من معمل التحاليل بعدما تاكدت انه لا يحمل اي مرض والحمد لله .. وكنت في منتهي السعادة .. وطلب مني ادهم ان اتصل ب عصام واقول له ان ادهم مريض ويريد ان ياتي حالا
وبالفعل اتصلت بعصام واتي
وادعي ادهم المرض الشديد وقال لعصام رتب لنا السفر للندن فا انا اريد ان اجد علاج باي ثمن وساذهب للندن فقدت سمعت انهم توصلوا لعلاج ما
قال عصام ..حاضر هجهز لك كل حاجة وهخليك تسافر في اسرع وقت .. وغادر عصام
نظرت لادهم وقلت .. انت هتسافر بجد
قال طبعا هسافر ومش لوحدي ..انتي معايا ..
قلت ..انا كمان هسافر؟
قال .. ايوه انتي ناسية اننا عندنا شهر عسل لازم نسافر عشان نعملة ولا ايه؟
ابتسمت وكنت في غاية السعادة
واكتملت سعادتي بعدما سافرنا قضينا اجمل اسبوعان في العمر ..وكان ادهم اتفق مع المحامي بتاعة علي وضع خطة محكمة للايقاع ب عصام وبالفعل
اتصل المحامي بعصام ليخبره انه كان معنا في لندن اثناء رحلة العلاج وقد مات ادهم متاثرا بمرضة او بهذا اوهم عصام وكان عصام يستقبل الخبر وهو في منتهي السعادة طبعا ..وكنت قد نزلت انا الي القاهرة وحدي وذهبت الي بيت الزوجية..وطبعا وجدت عصام بانتظاري..ومعه المحامي ودخلنا جميعا حجرة المكتب الخاصة بادهم ..
قال المحامي ..البقيه في حياتك يا مدام
قلت وانا ادعي الحزن ..حياتك الباقية
قال عصام ..انا مش قادر استوعب ان ادهم صاحبي وعشرة عمري راح في غمضة عين كده .. مش ممكن .. وظل يزرف بدموع التماسيح...
قال المحامي .. طبعا يا مدام انتي عارفة ان المرحوم كتب لحضرتك كل حاجة بيع وشراء يعني حضرتك ورثتي جميع ما كان يملكة
قلت .. الله يرحمة
قال المحامي انا اخدت معايا كل الاوراق الي بتثبت ملكيتك للشركة . وباقي الاملاك زي ما حضرتك امرتي..وانصرف المحامي وتركني..انا وعصام..الذي اخذ يحدق فيا وقال..انتي الي طلبتي من المحامي انه ياخد كل الاوراق معاه؟
قلت .. وانت ايه دخلك في كده؟
قال .. لا اسمعي يا قطة .. احنا فيه بينا اتفاق
قلت.. لا مش واخده بالي معلش اتفاق ايه؟
قال.. نعم يا روح امك .. انتي هتستهبلي ولا ايه احنا مش اتفقنا انك تتجوزي ادهم ولما يموت الميراث هيكون بالنصف بيني وبينك؟
قلت.. تمام واتفقنا كمان انك هتجيبلي الفيديوهات والصور كلها
قال وانا عند وعدي ..الصور والفيديوهات معايا اهيه ووضع يده علي موبيل كان في يده
قلت وانا ايه يضمن لي انك مش عامل نسخ تانيه؟
قال..اي ضمان تطلبية هنفذة
قلت.. اكتبلي شيك بعشرة مليون جنية كضمان انك لو ظهر معاك فيما بعد اي صور او فيديوهات ساعتها هطالبك بالمبلغ
قال .. انتي اتجننتي ولا ايه.. انا ايه يغصبني اكتب علي نفسي شيك زي ده؟
قلت .. والله لو مش عايز بلاش ..بس يعني ثروة بالحجم الي معايا هيبقي نصفها ملكك بمجرد ما تكتبلي الشيك بالمبلغ الصغير ده لانك عارف طبعا ان عشر مليون مش رقم بالمقارنة مع حجم الثروة
وعموما انت حر بس انا مش هتنازل عن نصف الثروة الا لما تكتب الشيك ..اخذ يفكر مع نفسة ثم قال.. بشرط امضي علي الشيك دلوقتي وانتي كمان تمضي دلوقتي بالتنازل عن نصف الثروة
قلت .. موافقة .. واخرجت قلم وورق من درج المكتب ودفتر الشيكات وبالفعل مضي علي الشيك واخذتة منه ومد يده ليعطيني الورق كي اتنازل له عن نصف ثروتي .. لكنني قلت.. اشوف الفيديوهات الاول وامسحهم بنفسي وبالفعل فتح الموبيل واخذت امسح كل الصور والفيديوهات جميعها.. نظر الي عصام وقال.. اتفضلي بقي الدور عليكي ..في هذا الوقت تحديدا ظهر ادهم من خلف الباب وقال بصوت عالي ..الدور عليها في ايه يا عصام ؟ يا اقذر خلق الله ؟
قال عصام ..وهو لا يصدق ما يراه
ادهم؟؟
قال ايوه ادهم الي هيدخلك السجن ويرجعك لاصلك يا نصاب
عصام..سجن ؟انت عارف مين الي مفروض يدخل السجن؟ الي ضحك علي اختي وخلاها تحمل منه وكان السبب اني قتلتها هو الي مفروض يدخل السجن
قال ادهم .. انت قتلت اختك؟
قال عصام .. ايوة وانت السبب .. وانا عمري ما نسيت انك كنت سبب في اني قتلتها وردتهالك وطعنتك في عرضك زي ما سمحت لنفسك تنتهك عرضي
قال ادهم.. يشهد ربنا اني ما انتهكت عرض اختك ولا اختك كانت حامل مني اصلا وفي لحظة دخل رجال المباحث الذين كانوا يسجلون لعصام اعترافة بجريمة النصب والابتزاز ولكنهم ولسوء حظه سجلوا ايضا اعترافة بجريمة قتلة لاختة .. وتم القبض عليه لياخذ عقابة
وعدنا انا وادهم لبيتنا ومسك يدي وقال كده احنا انتهينامن عقاب عصام ..بس عايز اسالك سؤال
قلت اسال طبعا
قال بصراحة قال .. ايه اكتر حاجة انتي سعيدة بسببها
-سجن عصام؟
-اكتشافك لحبي العظيم ليكي؟
-زواجك من رجل ثري؟
قلت ..بصراحة حاجة اهم من كل الاسباب دي؟
قال .. ايه؟؟؟
قلت.. اني اكتشفت ان حبك ليا كان انقاذ ..لاني بجد مش عارفة لو مكنتش ظهرت في حياتي انا كنت ممكن يحصلي ايه
ربنا يخليك ليا
وادامك الله منقذا لي طول العمر
فا حقا ..(من الحب ما نقذ) .
اتمني تكون القصة عجبتكم
لو فعلا
نالت استحسانكم
ضع تعليق لائق
يشجعني علي الاستمرار في سرد مزيد من القصص
