رواية لعنة العشق الاسود الفصل الثاني كاملة - سارة علي
Mohamed Sadek
رواية متمردة عشقت كبريائه الفصل الخامس كاملة بقلم دودو محمد فى الاوضه عند فايزه دخلت مها وهى منهاره من العياط فايزه :- مالك يا مها مها :- مح...
Mohamed Sadek
رواية متمردة عشقت كبريائه الفصل الخامس كاملة بقلم دودو محمد
فايزه :- مالك يا مها
مها :- محمد يا ماما بهدلنى وقالى كلام يوجع اوى وقفل السكه فى وشى
فايزه :- معلش محمد عصبى شويه بس بيحبك وتلاقيه متغاظ منك علشان بيرن عليكى من امبارح قلق عليكى مش اكتر وشويه وهتلاقيه بيتصل بيكى يصلحك
مها :- بس اول مره يكون قاسى اوى عليا كده
فايزه :- يابت من حبه فيكى عمل معاكى كده
مها :- اترمت فى حضن امها وقعدت تعيط
فايزه :- خلاص بقى يا مها يا حبيبتى ياما بيحصل مشاكل فى الخطوبه وبعد الجواز ولازم تكونى اعقل من كده وتعرفى تصلحى امورك مش تقعدى تعيطى وتحطى ايدك على خدك
مها :- بدموع صعبان عليا نفسى اوى يا ماما والظروف بتحط علينا اكتر انا مش متفائله بالجاى خالص حاسه ان حياتنا اتقلبت لجحيم
فايزه :- يا حبيبتى استغفرى ربك وخلى الامل فى الله كبير وخليكى فكره الايه الكريمه بسم الله الرحمن الرحيم(قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم )صدق الله العظيم
يعنى اوعى تيأسى من رحمة ربنا علينا وخليكى واثقه ان ربنا عنده الخير كله وان ربنا هيفرجها علينا ولو بعد حين
مها :- ونعمه بالله وبصت للسما وقالت يارب افرجها من عندك يا كريم انت عالم بحالنا وغنى عن سألنا
فايزه :- اللهم امين
رواية متمردة عشقت كبريائه كاملة بقلم دودو محمد
وفى الوقت ده جت مىمى :- ايه ده هو فى ايه ومال مها معيطه ليه وفين مليكه هو الاهلى خسر ولا ايه
فايزه :- اهلى تصدقى انك عيله فايقه وريقه سيبه اللى احنا فيه وكل همك ان الاهلى كسب ولا خسر خلفه سوده
مى :- ما براحه ياست الحاجه انتى عندك شحنت نكد قولتى مفيش غيرها اللى بهزقها وارتاح مى الغلبانه
فايزه :- انتى غلبانه ده انتى تعبانه وبعدين فى واحده محترمه تقول على امها نكد
مى :- وايه الجديد يا حاجه ما احنا كلنا نكد الله يكون فى عون الرجاله الصراحه بياخدو كمية نكد من الست المصريه ملهاش مثيل
فايزه :- انتى ناويه تشلينى روحى يا مى شوفى هتعملى ايه احسن الضغط والسكر اول ما بشوفك بيعلو لوحديهم
مى :- والنعمه من معملتك دى ليا بحس ان انا مش بنتك وانك لاقتينى عند عتبت بيتكم
فايزه :- مى ارحمينى مش نقصاكى
مى :- خلاص يا حاجه بس متزقيش كده فى الكلام انا هقعد على النت احسن
فايزه :- هو ده اللى فلحه فيه
مى :- بعتت ليها بوسه فى الهوا وقعدت على السرير وفتحت النت
……………………………………………………
داخل فيلا ممدوح
كان الوضع متأزم
ممدوح :- على بركة الله نقراه الفاتحه
مليكه :- وانا قولت مستحيل ده يحصل
سهير :- بقى انتى ترفضى ابنى انتى مش عارفه ده مين
مليكه :- لا معرفش ومش عايزه اعرف
سهير :- انتى بنت قليلة الادب انتى شايفه نفسك على ايه انتى مش شايفه منظرك عامل ازاى ده انتى شبه الشحاتين ده انا ابنى البنات بتتحدف عليه وتحت رجليه علشان بس يبص ليهم بصه
مليكه :- وانا عجبنى منظرى وبعدين خليه يروح للبنات اللى بتتحدف عليه لكن انا لا وابنك ده مايسواش حاجه عندى خليه جمبك واشبعى بيه
رواية متمردة عشقت كبريائه بقلم دودو محمد
سوزى :- اما انتى بنت قليلة الادب بجد وامك معرفتش تربيكى صح ورفعت ايديها وضربت مليكه بالقلممليكه :- حطت ايديها على خدها وقالت انتى بتمدى ايدك عليا بصفتك ايه وبعدين امى مربيانه احسن تربيه ولو مكنتش متربيه كنت رديت ليكى القلم ده بس علشان امى مربيانى كويس مش هرد عليكى
فريد :- يا جماعه وحدو الله كده واهدو شويه وبص لمليكه وقال وانتى يابنتى فكرى تانى فى موضوع الجواز من فهد بجد مش هتندمى ده انتى عملتى معجزه ان تخلى فهد يتمسك بيكى لدرجاتى وان هو يقبل يسمع الكلام ده ويبقى هادى انتى بجد عملتى انجاز كبيره من غير ما تحسى
سهير :- وانا مش موافقه وهناخد رهف بنت سوزى مش بنت الشحاتين دول ده الفرق ما بنها وبين رهف زى الفرق ما بين السما والارض
مليكه :- وانا اصلا مش موافقه على ابنك وخليهم يشبعو ببعض ولسه هتمشى
فهد :- مسكها من درعها وقرب على ودنها وقال انا سايبك براحتك بس اوعى تكونى مفكره ان انا عايز اتجوزك علشان دايب فيكى وهموت عليكى لااصحى وفوقى كده انا هتجوزك علشان اكمل انتقامى منك وبراحتى واعملى حسابك ان هتجوزك يعنى هتجوزك برضاكى او غصب عنك وبعد عنها
مليكه :- قربت عليه وقالت لما تشوف صرصور ودنك هبقى مراتك سلام يا باشا وخرجت وسابتهم كلهم
سهير :- فهد هما كلمتين مستحيل تتجوز البنت دى ويااما تتجوز رهف يا اما ولا انت ابنى ولا اعرفك
فهد :- بص لامه وقال انا مش هتجوز غير مليكه انتهى الكلام وسبهم ومشى
رهف :- عيطت
سهير :- قعدت جمب رهف وقالت وحياتك عندى فهد مش هيكون غير ليكى
رهف :- ازاى يا انطى وهو قال مش هيتجوز غير البنت دى
سهير :- ملكيش دعوه خليكى واثقه فى فيا
سوزى :- خلاص بقى يا رهف اطنك وعدتك
فريد :- كان قاعد ومش عجبه الكلام اللى بيتقال وقال مش يلا بينا يا سوسو
سهير :- اوك يلا بينا
تحميل رواية متمردة عشقت كبريائه كاملة بقلم دودو محمد
ممدوح :- انا اسف يا جماعه على اللى حصل دلوقتى ده وانا ليا تصرف تانى مع مليكهسوزى :- بتوعد لا سيبهم ليا
ممدوح :- براحتك يا حبيبتى
فريد :- لا رجاء خاص محدش يعملها حاجه البنت شكلها غلبان خالص
سهير :- دى غلبانه دى بنت مش سهله بترفض ابنى علشان يتعلق بيها اكتر داخله على طمع وبصت لممدوح وقالت سورى يا ممدوح بيه لو زعلت من كلامى
ممدوح :- لالا عندك حق فى كل اللى قولتيه
فريد :- والله البنت دى شكلها مظلومه
سهير :- يلا يا فريد بلاش طيبت قلبك الزياده دى
ومشيت سهير هى وفريد
رهف :- طلعت تجرى وهى بتعيط على السلم وهى طالعه خبطت فى اسر
اسر :- فى ايه يا بنتى
رهف :- سابته ودخلت اوضتها
اسر :- ده ايه الفيلا دى اللى كل شويه بحال ونزل من على السلم وقال
هو فى ايه ومال البت رهف
سوزى :- بنت الشحاتين رسمت على عريس اختك واخدته منها
اسر :- مين
سوزى :- زفتت الطين مليكه
اسر :- لا والله طب ده طلع راجل بيفهم بجد زوقه عالى اوى فى البنات
سوزى :- انت معندكش دم فى واحد يفرح ان عريس اخته طفش منها
اسر :- يا امى ده الطبيعى صدقينى ده كويس ان استحملها يقعد معها ساعه على بعضيها ده انا اخوها ومش بستحمل اقعد دقيقتين على بعضيهم معاها
سوزى :- بصت لممدوح وقالت عجبك الكلام اللى ابنك بيقوله ده على اخته
ممدوح :- وانا مالى مش تربيتك وسبهم ومشى
سوزى :- بصت لاسر وقالت انت حسابك معايه بعدين انما دلوقتى مش فاضيه ورايا حاجه ولازم انفذها
اسر :- انا مالى انا هروح اسهر مع الشله سلام يا مزه وبعت ليها بوسه فى الهوا
سوزى :- عيل رخم ومستفذ
……………………………………………………
فى اوضت فايزه
كانت مليكه منهاره من العياط
مها :- اما بنأدم بارد بجد يعنى يطردنا من الشقه امبارح وجاى انهارده بكل برود يطلب ايدك
مليكه :- بدموع ده لو اخر راجل فى الدنيا مستحيل اتجوزه وبعدين انا رافضه موضوع الجواز من قبل ما اشوف وشه اصلا
فايزه :- اصلا وراه طلب ايدك ده فى سر وانا مش مستريحه ليه من اساسه
مى :- والله انتى عبيطه انا لو منك اوافق عليه ده شكله كده مقتدر ومعاه فلوس كتير انتى مشوفتيش امبارح العربيه اللى ركبها ومشى بيها جامده اخر حاجه
مها :- والله انتى واحده تافه وكل اللى همك الفلوس والعربيات ومش بتبصى على ان ممكن يكون جاى يتجوزها يومين يقضيهم معاها وبعدين يطلقها ويرميها لكلاب السكك اكتر الناس الاكابر بيعملو كده
مليكه :- لا غلط هو عايز يتجوزنى علشان ينتقم منى علشان القلم اللى ضربته ليه قدام الناس كلها
مى :- يا قلبك الجامد يا شيخه وجالك قلب تمدى ايدك عليه ده انا امبارح كنت خايفه من شكله بس
فايزه :- بطلو كلام عبيط دلوقتى المهم انتى قرارك الاخير ايه يا مليكه
مليكه :- مش موافقه طبعآ يا ماما على جثتى اكون مرات البنأدم ده
فايزه :- خلاص نقفل على الموضوع ده ومنفتحش الكلام فيه تانى
التلاته :- حاضر يا ماما
وفى الوقت ده جت سوزى
فايزه :- كويس انك جيتى انتى ازاى تسمحى لنفسك تمدى ايدك على بنتى
سوزى :- وهكسرها رقبتها كمان السهونه دى خطافت الرجاله
فايزه :- اولا مش من حقك تمدى ايدك على بنت من بناتى ثانيآ انا بنتى مش سهونه ولا خطافت رجاله علشان هى مش موافقه عليه اصلا
سوزى :- لا الاعيب دى مش عليا بترفضه علشان يتمسك بيها اكتر هقول ايه تربيت مره
مليكه :- خدى واشربيه انتى وبنتك انا ميشغلنيش بنأدم زى ده وثانيآ احنا اه تربيت مره بس الكل بيشهد بيها وبيشكر فى التربيه دى وانا فخوره ان اتربيت على ايد واحده ست زى امى
سوزى :- راحت لمليكه وقالت اظاهر كده شكلك عايزه تتربى من اول جديد ورفعت ايديها بس قبل ما تنزل بيها على وشها
فايزه :- مسكت ايديها وقالت مش من حقك تمدى ايدك عليها ومش هسمح بده
سوزى :- شدت ايديها من ايد فايزه وقالت كده انتى والزباله اللى معاكى متقعدوش لحظه هنا اخرتكم تترمو فى الشارع يا جربيع
مى :- بقولك ايه بقى انا من بدرى سكتالك وعامله حساب انك مرات عمى بس الواضح كده انك واحده مهزقه وعايزه علقه تنسيكى اسمك
فايزه :- ممممممممى عيب اللى انتى بتقوليه ده
مى :- مش شايفها طيحه فيكم ازاى ومحدش فيكم عارف يرد عليها
فايزه :- لا انا اقدر ارد عليها كويس بأسلوبها كمان بس كل واحد وتربيته
وبصت لتلاته وقالت كل واحده تشيل شنطتها ويلا بينا
سوزى :- يلا فى داهيه تخدكم
مى :- اللهم يطولك ياروح يلا يا ماما بدل ما ارتكب جريمه دلوقتى
ومشيو الاربعه من الفيلا
مها :- هنروح فين دلوقتى
فايزه :- ارض الله واسعه
مى :- ماشى ارض الله واسعه بس هنام فين فى الشارع
فايزه :- رفعت عنيها للسما وقالت ياررررب افرجها من عندك وفى الوقت ده سمعو كلاكسات عربيه
مليكه :- ده مين ده اللى عمال يضرب لينا كلاكسات ويشغل نور العربيه
مى :- تلاقيهم من الشباب اللى شاربه ابتدينا
فايزه :- حطت بناتها التلاته وراه ضهرها وبصت للعربيه
وقالت نعم وبتبص لاقت اسر
اسر :- تعالى يا مرات عمى اركبى انتى والبنات
فايزه :- لا شكرآ
مها :- شكرآ مش عايزين حاجه منكم
اسر :- تعالى والله يا مرات عمى انا مليش دعوه بأمى ولا ليا علاقه بأى حاجه حصلت جوه
فايزه :- ماشى يا ابنى بس احنا مش هنركب مع حد اتفضل انت شوف كنت رايح فين
اسر :- ماهو انا مستحيل اسيبكم فى الشارع لوحدكم فى الوقت ده
مى :- لا شهم يا ولا
اسر :- مش انتو بنات عمى يعنى من لحمى ودمى يبقى فى حد يسيب لحمه مرمى كده فى الشارع
فايزه :- يا حبيبى الله يخليك امشى انت وملكش دعوه بينا
اسر :- طب انتو هتقعدو فين
فايزه :- ارض الله واسعه
اسر :- يعنى انتو مش عندكم مكان
مليكه :- ياابنى انت بتلك كتير كده ليه وشاغل بالك بينا ليه ما تروح مكان ما انت رايح
اسر :- انتو ممكن واخدين فكره وحشه عليا وكمان من حقكم تعملو معايه كده بعد اللى حصل جوه بس انا بجد غيرهم جوه انا اه بحب الهزار والضحك بس مش وحش والله ولا عمرى هقبل ان مرات عمى وبنات عمى ينامو فى الشارع وبكره لما تتعملو معايه هتعرفونى كويس
مها :- ولا عايزين نتعامل معاك ولا نعرفوك
اسر :- شكرآ يا ستى وبص لفايزه وقال ها يا مرات عمى مش هتركبى
فايزه :- ياابنى احنا مش عارفين رايحين فين اصلا
اسر :- انا عندى شقه خاصه بتعتى كل يوم بسيب الفيلا واقعد فيها لوحدى ومحدش يعرف عنها حاجه خالص ممكن تقعدى فيها انتى والبنات
فايزه :- ها لالالا شكرآ مش هينفع
اسر :- متخفيش والله يا مرات عمى هديكى المفاتيح ومش هزعجكم خالص هاجى اطمن عليكم وامشى علطول واعتبرو الشقه بتاعتكم
فايزه :- بس يعنى
اسر :- ولا بس ولا حاجه ويلا اركبو بدل الوقفه اللى فى الشارع دى
فايزه :- بصت لبناتها وركبت العربيه جمب اسر قدام والتلاته ركبو وراه
اسر :- شغل العربيه ومشى بيهم
على الشقه
……………………………………………………
فى شقه كبيره فى افخم مكان بالاسكندريه تقعد ست كبيره فى العمر فى البلكونه وبتبص على منظر البحر الرائع وتشرب فنجان الشاى وسمعت جرس الباب بيرن
راحت الشغاله فتحت الباب ودخل فهد
فهد :- دخل البلكونه وقال حبيبت قلبى بتعمل ايه
ناديه :- لا انا زعلانه منك ومش هكلمك
فهد :- ليه يا نانا
ناديه :- كل ده متسألش على نانا اهون عليك يافهد
فهد :- والله يا نانا كنت مشغول اوى اليومين اللى فاتو
ناديه :- وايه الجديد يا فهد ما انت كنت بتبقى مشغول وبتيجى تبص عليا
فهد :- خلاص بقى يا نانا قلبك ابيض ومسك ايديها وبسها وقال حقك عليا انتى عارفه انك انتى الوحيده اللى فى الدنيا دى مقدرش على زعلها
ناديه :- باست راسه وقالت ربنا يخليك ليا يا حبيبى انت ابنى انا بس مش ابن العقربه سهير
فهد :- ههههههههههههههه العقربه
ناديه :- دى كلمة عقربه قليله عليها
فهد :- واحشانى والله يا نانا واحشانى خفت دمك دى وبص على البحر
ناديه :- مالك يا فهد
فهد :- سلامتك يا نانا
ناديه :- انت هتخبى عليا انا بعرفك من نظرت عنيك ونبرت صوتك فيك ايه
فهد :- حكى ليها كل اللى حصل ما بينه وبين مليكه من اول مقبله لاخر مقبله
ناديه :- وانت عايز تتجوزها علشان تنتقم منها ولا علشان سبب تانى
فهد :- انتقم طبعآ انتى عارفه يا نانا ان انا حلفت لانتقم من بنات حوا كلهم بسبب اللى عملته فيا مروه بس دى مختلفه دى هنتقم منها علشان القلم اللى ضربته ليا وعلشان هى اول واحده قابلتها تتحدانى وتقف قصادى
ناديه :- وانا معاك فى الراى متسبهاش غير لما تتجوزها
فهد :- بأستغراب انتى يا نانا اللى بتقولى كده ده انتى كنتى اكتر واحده رافضه طريقة الانتقام من البنات وكنتى تملى تزعلى منى لما تعرفى ان انا انتقمت من بنت
ناديه :- بس انا فى دى موافقك وعايزاك تتجوزها
فهد :- اشمعنا
ناديه :- مش مهم تعرف دلوقتى بعدين ابقى افهمك
فهد :- نانا انتى هتكلمينى بالالغاز
ناديه :- ولا الغاز ولا حاجه ولو تعرف تجيب ليا البنت دى هنا انشالله بالغصب هاتها
فهد :- انا مش فاهمك الصراحه
ناديه :- مش لازم تفهمنى المهم انا فهماك
فهد :- وقف
ناديه :- رايح فين
فهد :- هروح اتشقى شويه هههههههه
ناديه :- ولد خلبوص
فهد :- بس بحبك يا مزتى وبسها فى راسها وقال سلام انا بقى
ناديه :- مع السلامه يا ابن قلبى ربنا يهديك ويصلح حالك يا فهد يا ابن س
وسكتت وقالت لا خساره فيها وبعدين كملت وقالت يا فهد ياابن قلبى يارب
……………………………………………………
فى شقه فى عماره فخمه بالاسكندريه
وصل اسر بالعربيه للمكان ونزلت فايزه والبنات ولسه هيشيلو الشنط
اسر :- لالا سيبو الشنط هطلعها انا والبواب
فايزه :- شكرآ يا ابنى هنتعبك معانا
اسر :- ولا تعب ولا حاجه يا مرات عمى وبعدين احنا هنطلع فى الاسانسير
ونده على البواب وشايله الشنط وشال هو كمان معاه وطلعو ركبو الاسانسير
وشغله ووصلو عند دور الشقه وخرجو من باب الاسانسير
اسر :- من هنا يا مرات عمى تعالو يا بنات
مى :- واو يا اسر المكان اللى انت ساكن فيه روعه
اسر :- ولسه كمان هتعجبك الشقه اوى
فايزه :- بصت لمى بغيظ علشان تسكت
اسر :- فتح الباب وقال تعالى يا مرات عمى ادخلو يا بنات واخد الشنط من البواب وقفل الباب
الكل انبهر من جمال الشقه
مى :- لا بجد تحفه لوحه فنيه بجد
اسر :- يارب تكون عجبتكم
فايزه :- حلوه يا ابنى كتر خيرك
اسر :- والتلاجه فيها اكل والتلفزيون عندكم وفى لاب توب لو حد من البنات بيحب يقعد على النت
مى :- قشطه يا معلم دى مهمتى انا دى
فايزه :- تعرفى تسكتى وتحطى لسانك فى بؤق شويه
مى :- الله مش بقول رأى
فايزه :- اللهم يطولك يا روح
مى :- خلاص خلاص سكتنا اهو
مها :- اسر هو انا ممكن اسألك سؤال
اسر :- اه طبعآ
مها :- مين اللى اختار الديكور بتاع الشقه
اسر :- هههههههه ليه
مها :- اصل الديكور بتاع الشقه رقيق جدآ فنان بجد اللى عامله
اسر :- انا اللى اخترت الديكور وانا اللى عامله
مها :- بجد بس انت اللى عامله ازاى
اسر :- ماهو انا مهندس ديكور وعندى شركه صغيره هندسة ديكور
مليكه :- اول مره اعرف انك مهندس
اسر :- شوفتى يا ستى انكم متعرفوش حاجه عنى ازاى
مى :- على اساس ان انت اللى عارف كل حاجه عننا يعنى
فايزه :- يابت اتلمى
مى :- لا إله الا الله يا حاجه ما هما بيتكلمو من بدرى معاه اشمعنا انا اللى كلامى بيعصبك
اسر :- سبيها براحتها يا مرات عمى وبص لمى وقال اه اعرف مليكه مخلصه كلية تجاره ومها فى كلية تربيه اما انتى فى كلية صيدله
مى :- ماشاءالله دا انت مذاكر بقى
اسر :- مش حكاية مذاكر بس انتو بنات عمى واكيد لازم اعرف انتو فى جامعة ايه
فايزه :- راجل يا ابنى ربنا يحميك ويحرسك
اسر :- شكرآ يا مرات عمى هقوم انا بقى امشى ولو احتاجتو حاجه خدو الرقم اهو اتصلو بيا فى اى وقت سلام عليكم
فايزه :- مع السلام يا ابنى ربنا يكفيك شر طريقك يارب
ونزل اسر من الشقه وركب عربيته وراح بيها على الفيلا
مليكه:- شكله كويس بس احنا اللى كنا ظلمينه
فايزه :- ان بعض الظن اثم مش المفروض ان احنا نحكم على حد من غير ما نعرفه وهو فعلا شكله كويس عن ابوه وامه اخته
مها :- بس الشقه روعه بجد وزوقها رقيق جدآ حتى العفش شكله جميل ورقيق شكله ممتاز فى شغله
فايزه :- ربنا يزيده من عنده ويرزقه يارب
مى :- انا هخش اشوف اللاب توب اللى هو بيقول عليه ده
فايزه :- تعالى يا اخرت صبرى خدى شنطت هدومك معاكى
مى :- البركه فى ملوكه بقى هاتيها معاكى اللهى يسترك
مها :- يابارده شيلى الشنطه بتاعتك علشان هى هتشيل الشنطه بتعتها
مى :- وانتى مالك هى كانت وكلتك محاميه ليها
مها :- انا مش عارفه انتى طالعه معندكيش دم لمين الصراحه
مى :- لاختى الوسطانيه ههههه
مها :- ههه خفه شيلى ابت الشنطه بتعتك
مى :- هوف بقى وشالت الشنطه بتعتها
وكل واحده اختارت اوضه ودخلت فيها ورصت هدومها فى الدولاب وفايزه دخلت المطبخ تحضر اكل ليهم
……………………………………………………
فى شقة فهد
كان نايم على السرير وبيشرب السجار الكوبى بتاعه
سحر :- مالك يا باشا شكلك مش فى المود خالص انهارده
فهد :- وانتى مالك انا جايبك هنا علشان تبسطينى ولا علشان تستجوبينى
سحر :- لا عاش ولا كان يا باشا انا قولت اطمن عليك مش اكتر
فهد :- خليكى فى حالك ومتدخليش فى اللى ملكيش فيه بعد كده
سحر :- من عنيا يا باشا
وقربت عليه وقالت ده انا هخليك تنسا اى حاجه شغلاك
فهد :- ياريت
سحر :- قربت منه اكتر واخدت السيجاره من ايده وحطتها جمبها فى الطفايه وقربت على شفايفه وباسته و(فعلو ما حرمه الله)
وبعد وقت قام فهد من على السرير وولع السيجار وفتح الستاره وبص على الشارع وهو بيشرب السيجاره.
سحر :- وهى نايمه على السرير ومغطيه نفسها بالملايه قالت فهد باشا
فهد :- اممم
سحر :- كنت عايزه اسألك سؤال بس من غير ما تتعصب
فهد :- لو بيعصب يبقى بلاش
سحر :- لالا مش بيعصب اوى يعنى هو سأل عادى
فهد :- قولى
سحر :- هو ليه المرادى كنت مختلف واول مره من يوم ما عرفت حضرتك متقولش الاسم اللى كنت بتنادينى بى
فهد :- شئ ميخصيكيش
سحر :- الا تقول عليه يا باشا
فهد :- قومى يلا امشى
سحر :- طب خلينى شويه لسه الليل طويل
فهد :- بصلها وقال انتى عارفه ان انا بحب اقول الكلمه مره واحده قومى يلا
سحر :- ح.ح.حاضر يا باشا وقامت من على السرير ولبست هدومها
فهد :- عندك فلوس فى الدورج خدى اللى انتى عايزه
سحر :- متحرمش منك يا باشا وفتحت الدورج واخدت فلوس ومشيت
فهد :- فكر فى كلام سحر اللى قالته وعن عدم تفكيره فى مروه وقال معقول بعد الوقت ده كله اقدرت انساها
بس فعلا مش بفكر فيها زى الاول حتى لما اسمها بيجى قدامى مبقدش اتعصب زى الاول ياريت يكون فعلا قدرت انساها علشان اعيش حياة طبيعيه زى اى حد ودخل الحمام اخد شاور وقرر ان هو ميروحش الفيلا وينام فى الشقه
……………………………………………………
فى شقة اسر
الكل انتهى من ترتيب هدومهم فى الدولاب
وحضرت فايزه الاكل وحطته على السفره
فايزه :- يلا يا مليكه انتى ومها ومى حضرت الاكل يا بنات
مليكه :- ايوه يا ماما جاين اهو
وخرجو التلاته من اوضهم وراحو قعدو على السفره
مى :- اممم الاكل ريحته تحفه بقلنا كام يوم بناكل نواشف لما معدتنا نشفت من جوه
فايزه :- طب كلى وانتى ساكته
مى :- حاضر
واكلو كلهم الاكل وبعد وقت انتهو من الاكل
فايزه :- واحده تلم السفره والتانيه تغسل المواعين والتالته تعمل الشاى
مى :- لا يا ماما انتى عارفه مليش فى الجو ده مع نفسكم انا هخش اقعد على اللاب
فايزه :- ودينى لو ما اتلمتى واشتغلتى مع اخواتك هقوم اجيبك من شعرك وهقطعهولك
مى :- يوووووه بقى حاضر حاضر ودخلت المطبخ مع اخواتها
مها :- افرضى وشك على اخر اليوم
مى :- هو كده لو مكنش عجبكم
مليكه :- ههههههه مالك يا اوزعتى
مى :- ماما مصممه ان اساعدكم وانا مليش فى الجو ده بصراحه
مليكه :- طب وهتعملى ايه لما تتجوزى هتخليه هو اللى يشتغل فى البيت بدالك
مى :- والله هو ملزوم يجيب ليا خدامه تشتغل فى البيت
مها :- لا والله
مى :- اه والله وبصت لمليكه وقالت ملوكه حبيبتى
مليكه :- نعم
مى :- تعالى نعمل صفقه
مليكه :- ايه هى الصفقه
مى :- انتى اشتغلى مكانى وانا هدور ليكى على شغل على النت بدل ما تنزلى وتتعبى نفسك
مليكه :- بجد يا مى
مى :- بجد يا عيون مى ها اتفقنا
مليكه :- اتفقنا
مى :- باست مليكه فى خدها وطلعت تجرى على اوضتها
مها :- البت اكلت بعقلك الحلاوه
مليكه :- انتى عارفه ان هى مش بتحب شغل البيت لكن انا مش بمل من شغل البيت وبحبه
مها :- اشتغلى يا اختى واخلصى
مليكه :- يارب تلاقى ليا شغل يا مى
وبعد وقت انتهت مليكه ومها من شغل المطبخ وخرجو من المطبخ وكانو عملو الشاى قعدو قصاد التلفزيون وشربو الشاى
مى :- ملوكه يا ملوكه لاقيت شغل
مليكه :- بجد
مى :- اه والله مدت ايديها بورقه وقالت وده العنوان بتاع الشركه
مليكه :- اخدت منها الورقه وقرت اللى فيها وقالت شركة فريد المنشاوى الاسم ده مش غريب عليا حاسه ان انا سمعته قبل كده
مى :- اكيد لازم تسمعى عنها دى اكبر شركه فى مصر المهم الميعاد بكره الساعه 11 انا كده تمام
مليكه :- شكرآ يا ميزو
مى :- العفو انتى تأمرى بس يا كابيره
مليكه :- ههههههههه مشكله
مى :- تصبحو على خير
مها ومليكه :- وانتى من اهله
والكل نام استعداد لليوم الجديد
رواية نبض وادم الجزء السابع كاملة بقلم جنا عيد _البارت السابع__ "بقلم جني عيد" بعد ما أخدوا حياه والدة نبض وطلعوا عند الباقي عبدال...
Mohamed Sadek
رواية نبض وادم الجزء السابع كاملة بقلم جنا عيد
_البارت السابع__
"بقلم جني عيد"
بعد ما أخدوا حياه والدة نبض وطلعوا عند الباقي
عبدالرحمن :يوسف إنت جيت إمتى
يوسف :لسه جاي من شويه يا عمو
عبدالرحمن : حمدالله على سلامتك
يوسف : الله يسلمك يا عمو
ليكمل بحب :حضرتك عامل إيه
عبدالرحمن : الحمدلله يا إبني إنت عامل إيه
يوسف :يارب دايما،،،، أنا تمام الحمد لله
ليكمل يوسف بقلق : نبض و آدم عاملين إيه
عبدالرحمن : الحمدلله يا إبني حالتهم عدت مرحلة الخطر
يوسف :طب كويس
ليكمل بحب :هو أنا ممكن أدخل لنبض قصدي أدخلهم الإتنين
عبدالرحمن :اه ممكن بس مش تتطول
يوسف :تمام عن إذنك
ودخل عند نبض
*بقلم جني عيد *
! _____________________!
يوسف دخل بعد ما صلح غلطته في الكلام لما قال إنه عايز يدخل لنبض وبعدين قال إنه هيدخل ليهم الإتنين
بس للأسف لما قال كده معرفش إنه كسر قلب للمره المليون
كسر قلب أريج لما قال كده لأنها بتحبه جدا من وهيا صغيره حتى لما سافر كانت كل يوم بتدخل على الأكونت بتاعه على الفيس البوك وتشوف صوره يوسف بالنسبة لأريج هو حب الطفوله والمراهقه والشباب فضلت تحبه من وهيا صغيره بس للأسف قلب يوسف مش معاها قلب يوسف ملك لنبض هو بيحبها من وهو صغير ولما يوسف عرف إن نبض بتحب آدم وآدم بيحبها سافر
يا ترى الأيام مخبيه ليهم إيه وهل يوسف هيفضل كده يجرح قلب أريج
! _____________________!
عند أريج
والدة أريج نادين : هيه شوفتي يوسف يا إختي جيه علطول لما سمع إن الست نبض تعبت
أريج وهيا عايزه تنهي الحوار معاها : عادي يا ماما نبض بنت عمه
نادين بحقد على نبض :نفسي أعرف عملالهم إيه نبض ديه عشان يحبوها واخد يضحي بحياته عشانها وواحد ييجي من لندن عشانها برده
أريج :ماما لو سمحتي نبض تعبانه هيا وآدم ومش وقته الكلام ده وبعدين على فكره إبنك الموجود جوه في العنايه وإنتي قاعده هنا بتتكلمي
نادين بحقد وشر :هييه يا أختي عليكي إنتي وأخوكي جبتولي إيه يا أختي إلا معرفتوش تورثوا حاجه من نبض ويوسف وقال إيه ولاد عم
أريج وهيا على وشك البكاء :ماما لو سمحتي حرام عليكي إنتي مش تفتكري إننا ولادك غير في حكاية الورث والفلوس
نادين بجشع وطمع :ما كله عشانكم وعشان مستقبلكم هو أنا هاخد حاجه ليا
أريج :ماما متخافيش علينا إحنا مستقبلنا متأمن وبعد إذنك بقى هروح لطنط حياه
نادين :روحي روحي
! ___________________!
عند نبض
يوسف دخل وشافها نايمه على سرير المرضى والأجهزة الطبيه في جسمها وجهاز الأوكسجين على وجهها
ودخل عندها قعد على الكرسي قصادها
يوسف : حبيبتي قومي يلا،،، يا نبض وحشتيني أوي،،،، ووحشني جنانك،،،، وكلامك يعني ينفع كده لما أرجع عشان أشوفك تتعبي كده يلا قومي بقى،،،، يا نبض قومي،،،،، يلا
وكان لسه هيمسك إيدها بعد علطول لما إفتكر إن هيا مرات آدم يعني مرات أخوه وإبن عمه مينفعش كده هو المفروض يحمي نبض في غياب آدم مش يمسك إيديها هو اه بيحبها بس عمره حتى ما رفع عينه فيها دايما بيغض بصره
وبعد صراع طويل قام وخرج عشان يروح لآدم
*بقلم جني عيد *
! ____________________!
بعد أسبوع
عند نبض في المستشفى
بعد ما فاقت
نبض بتعب :ماما
حياه :أنا أهو يا حبيبتي حمدالله على سلامتك يا بنتي ربنا يحميكي ويحفظك يا حبيبتي يا رب
بعد شويه لما كلهم سلموا علي نبض
نبض سألت عن آدم
نبض :إمال فين آدم؟؟
أريج بتوتر : آ،،، آد، آدم
لتقطع حديث أريج نادين وهيا تقول بحقد :آدم في غيبوبه يا نبض عشان إتبرع بدم كتير ليكي عشان تعيشي يا ست نبض يارب تكوني إرتاحتي إبني هيموت بسببك
و يتبع
رواية نبض وادم الجزء الثامن بقلم جنا عيد نبض ببكاء :آ،، آدم حصله إيه آدم يا أريج حصله إيه نادين بحقد :زي ما قلت يا أختي حرام عليكي إبتي هيمو...
Mohamed Sadek
رواية نبض وادم الجزء الثامن بقلم جنا عيد
نبض ببكاء :آ،، آدم حصله إيه آدم يا أريج حصله إيه
نادين بحقد :زي ما قلت يا أختي حرام عليكي إبتي هيموت بسببك
نبض ببكاء وتعلثم :لا،، لا،،، مش ممكن آدم آدم
وشدت إبرة المحلول من إيديها ومش إهتمت بإيديها ال البتنزف وحاولت تقوم
و وهيا بتقوم داخت وكانت هتقع بس يوسف لحقها ومسكها من إيديها وسندها
يوسف بخوف :حرام عليكي يا نبض إيه ال بتعمليه ده
عبدالرحمن بخوف :يا نبض آدم كويس يا حبيبتي
نادين بشر ومش إهتمت بنبض ال هتموت من الخوف :لا مش كويس إبني دخل غيبوبه وبيموت بسببك يا نبض
عبدالرحمن خلاص جاب أخره وقام ماسك إيد ناجين وشدها لبره الغرفه
يوسف قعد نبض علي السرير :إستني هنادي الممرضه تيحي تركبلك المحلول تاني
نبض ببكاء :لا لأ أنا عاوزه آدم آدم والنبي يا يوسف عاوزه أشوفه عاوزه آدم
يوسف :طيب هوديكي ليه لس الأول سيبيني أعالج إيديك حتي
إنتي مش حسه بيها
نبض :لا لأ لا مش حسه أنا عاوزه آدم بس ودوني لآدم
أريج : حاضر يا نبض هتروحي لآدم بس خلي يوسف يعالح ليكي إيديك الأول يا نبض إنتي مش حسه بالوجع
(لا تسأل عاشقه عن جروح جسدها فأنت لم تعرف بعد ما معني العشق فالعاشقه روحها وقلبها موجوع علي معشوقها وهذا أكبر وجع لها فليذهب كل الشيئ إلا الجحيم ولكن لا تري معشوقها موجوع 
)
) نبض بصراخ وعصبيه :لا مش حسه مش حسه
وتقول بعصبيه شديده :آدم ودوني لآدم آآآآآآآآآدم
آددددم
أريج نادت الدكتور
والدكتور إدي لنبض حقنه مهدئه وفيها نسبة منوم عشان تنام
نبض : إنتوا بتعملوا إيه إبعدوا عني آدم آدم
لتنام من آثر المهدئ
حسناً لمتي ستنام ستفيق حتما لتري مالك قلبها ومعشوقها
الدكتور :هيا هتنام شويه وهتفوق
أريج :طب لما تفوق هنعمل إيه
يوسف :لما تفوق إنا هوديها ليوسف هيا مش هتهدي غير لما تشوفه
أريج :تمام
وتخرج أريج مع الدكتور بس هيا كانت خارجه بتهرب من يوسف عشان ميشوفش دموعها
وراحت للكافتريا الخاصه بالمستشفي
بقلم جنا عيد
! __________________!
بره في مكان في المستشفي
عبدالرحمن :ممكن أعرف إيه ال إنتي عملتيه ده
نادين بشر :عملت إيه قولت ال حصل
عبدالرحمن : حرام عليكي البنت مصعبتش عليكي وهيا بتحاول تقوم عشان تروح لآدم
نادين بحقد :لا مصعبتش عليا ديه واحده حربايه بتتشكل علي ميت لون
عبدالرحمن ضربها بالقلم لأول مره
نادين بصدمه :إنت بتضربني يا عبدالرحمن
عبدالرحمن :ومن هنا وجاي لو غلطتي في بنت أخويا مش هتشوفي غيره كده أنا سكتلك كتير أوي والظاهر إن كل ما بسكتلك كل ما بتزيدي فيها بس أنا هعرف أقضي علي الحقد ال جواكي ده إزاي
ويمشي ويسيبها
نادين بشر وبغل :أنا هوريكي يا نبض و هعرفك يا عبدالرحمن إزاي تمد إيدك عليا والحقد ده هيحرقكم كلكم
(لا عزيزتي فمن يكون بقلبه حقد لا يحرق أحد سوي حامله )
)*بقلم جنا عيد *
! ___________________!
في الكافتريا
أريج قاعده بتعيط في صمت بتعيط علي سوء قدرها إن ال بتحبه يكون بيحب حد تاني
بس كان فيه شاب جاي ناحيتها
الشاب :مش معقول أريج عبدالرحمن إزيك عامله ايه
أريج وهيا بتمسح دموعها : أنا أسفه بس مين حضرتك
الشاب :أنا حسن يا بنتي حسن الراشد زميلك إنتي ونبض ال سافرت من خمس سنين
أريج :إيه ده حسن إذيك،،،، بتعمل إيه هنا
حسن :هههههههه انتي لسه زي ما إنتي بتقولي الكلام وخلاص بس قولي لي الأول كنت بتعيطي ليه
أريج :مش بعيط
حسن مد إيده علي وشها ومسح دمعه عنه
حسن :إمال إيه ديه
رواية نبض وادم الجزء الرابع عشر كاملة - جنا عيد مصطفي بشر :هقولك ليكمل بحقد :يوسف قالي مره إن هو بيحب نبض وسافر ليا عشان عرف إن نبض وآدم بيح...
Mohamed Sadek
رواية نبض وادم الجزء الرابع عشر كاملة - جنا عيد
مصطفي بشر :هقولك
ليكمل بحقد :يوسف قالي مره إن هو بيحب نبض وسافر ليا عشان عرف إن نبض وآدم بيحبوا
نادين بحقد وشر :بيحبوها علي إيه نفسي أعرف...؟
مصطفي :المهم ال هيفرق آدم ونبض مش حاجه سهله ال هفرقهم لازم يكون سبب قوي إنهم ميرجعوش لبعض تاني
نادين بحقد : الخيانه.. ال هفرقهم الخيانه.. لازم نبض تخون آدم عشان هو يسيبها
مصطفي في نفسه :فاكره كل الناس زيها خاينه...!
مصطفي :بس إزاي نبض هتخون آدم ومع مين...؟؟!
نادين :هتخونه مع يوسف إما إزاي فا أنا هخليها تشرب دوا بيخلي الإنسان مش فى وعيه بس بيبقي صاحي
مصطفي بذهول : يخربيت دماغك سم...!
نادين بتكبر :ميرسي
مصطفي :طب هتشربي آدم العصير إزاي ويوسف هتعملي معاه إيه
نادين :أنا هعرف أشربها ويوسف هنبعته أوضة آدم وهتصل علي آدم من خط جديد ونقوله إن نبض بتخونه بس طبعا هنستخدم برنامج تغيير الصوت
مصطفي بذهول : تمام خطه حلوه وهنفرقهم عن بعض بيها
نادين بحقد وجشع :وتبقي ست نبض توريني هتتجوز آدم إزاي
*بقلم جنا عيد *
رواية نبض وادم كاملة بقلم جنا عيد
نبض كانت تجلس في غرفتها وترتدي منامه صيفيه باللون الورديوطرق الباب
ودخلت نادين وهيا تحمل كوب عصير
نبض بإبتسامته :طنط إتفضلي
نادين بإبتسامه مصتنعه :إتفضلي بس إنتي العصير ده إشربيه
نبض بإستغراب :لا ميرسي مش عاوزه
نادين بتمثيل :تبقي لسه زعلانه
لتكمل وهيا تمثل البكاء :متزعليش مني يا نبض إنت زي أريج بالظبط بس أنا ال كنت متعصبه شويه
نبض ببرائه :مش زعلانه والله يا طنط
نادين بتمثيل :لو مش زعلانه تبقي تثبتي لي وتشربي العصير ده وتقولي لي رأيك
نبض ببرائه :أي حاجه بتعمليها حلوه يا طنط
وأخذت منها العصير بحسن نيه
نبض بحب :جميل يا طنط
نادين بتمثيل :طب أقوم أنا بقي
لتلفت لنبض وتقول :اه نبض آدم مستنيكي في أوضة يوسف
نبض :في أوضة يوسف....!؟
نادين بتمثيل وكذب:أيوه يا حبيبتي وأريج هناك كمان
نبض :تمام يا طنط هروحله
*بقلم جنا عيد *
رواية نبض وادم الجزء الرابع عشر كاملة بقلم جنا عيد
وآدم كان في عربيته رايح البيتجاتله رساله بس لما فتحها الدم غلي في عروقه وإتعصب جامد كان مضمون الرساله
مراتك بتخونك مع إبن عمك!!
وساق عربيته بسرعه كبيره وراح البيت
ولما وصل
دخل علطول أوضة نبض
آدم :نبض!
بس ملاقهاش
وراح علطول أوضة يوسف ولما دخل
كانت الصدمه ليه
إنه شاف نبض حضنه يوسف وبتقوله
نبض ببرائه وعدم وعي وهيا تظنه آدم :بس بقي مش تبعدني
لتكمل بحب :أنا بحبك أوي
يوسف وهو يحاول إبعادها :إبعدي يا نبض مينفعش كده إبعدي
نبض ببرائه وهيا في مخليتها أنه آدم :لا ينفع أنا بحبك إوي
آدم مستحمس أكبر من كده
وراح شد نبض
يوسف :آد، هفهك،،، بس
ليقطعه آدم بضربه علي وجهه
نبض بتملص وهيا لا تعي شيء :بس سبني أنا بحبه سبني
ليصفعها آدم علي وجهها بقسوه وأخذها لغرفته
