سامسونج طلقات تيليفونها الجديد Galaxy J7 Nxt ب1800 درهم طلقات سامسونج تيليفونها الجديد  “جالاكسي جي7 نكست” من بعد ماطلقات جي 7 قبل هادي عامي...

Mohamed Sadek

	technews

	يوليو 25, 2017

سامسونج طلقات تيليفونها الجديد Galaxy J7 Nxt ب1800 درهم

طلقات سامسونج تيليفونها الجديد “جالاكسي جي7 نكست” من بعد ماطلقات جي 7 قبل هادي عامين

التيليفون جا مع شاشة “سوبر أمولد” Super AMOLED بقياس 5.5 بوصات وبدقة 1280×720 بكسل

ومن مميزاتو انه في العرض ة 7.6 ميليمترات وكايوزن 170 غرام والرام 2 جيجا والديسك 16 جيجا يمكن تزيدها تا 256 دجيجا بكارط ميموار

البروسيسور ديالو فيه 1.6 جيجاهرتز، والباطري ديالو 3000mAH وكايدعم 4 جي الجيل الجديد

         

الفيرسيون دالاندرويد اللي فيه هي اندرويد نوجا 7.0 وبالنسبة للكاميرا عندو 5 ميغا فالقدام وفالجهة الاخرى 13 وكايدعم الفيديوات FULLHD 1080p

التيليفون دابا متوفر فعدة دول فالعالم ولكن مازال ماوصل للمغرب وثمنو كيما قلنا 180 دولار اي مايعادل تقريبا 1800 درهم مغربية

الموضوع سالا كانتمنى يكون عجبكوم

كاع داكشي اللي كانعرفو على Atari Box واش يقدر يمكن يكون المنافس د اكسبوكس وبلايشتيشن ؟ لاحظنا فهاد العام بزاف دالشركات دالالعاب بداو ينتجو ا...

Mohamed Sadek

	technews

	يوليو 25, 2017

كاع داكشي اللي كانعرفو على Atari Box واش يقدر يمكن يكون المنافس د اكسبوكس وبلايشتيشن ؟

لاحظنا فهاد العام بزاف دالشركات دالالعاب بداو ينتجو اجهزة جديدة باش ينافسو بعضياتهم ناخذوا مثلا ناينتندو اللي علنات على الجهاز الجديد ديالها Switch وتا مايكروسوفت ماكانتش من الناعسين وجابت لينا جهاز زوين اللي هو Xbox ONE X
قبل هادشي شركة داتاري اللي كاتعتبر من اقدم الشركات وكانت شي حاجة شحال هادا ولكن مات ليهوم الحوت خصوصا ملي بان بلايستيشن و اسكبوس ودريم كاست والنينتندو وي واجهزة حسن من اجهزتها تما ضرباتها بغبرة وبدات كاتنتج غير شي العاب فيديو ولكن فهاد العام اتاري فاقت من النعاس وعلنات سابقا فهاد العام باللي غادير جهاز جديد وغير هادي شي يامات طلقات الجهاز ديالها الجديد Atari Box فواحد الفيديو كايبان غامض ماعطات فيه لامواصفات لاوالو غير جهاز وماباينش كاع مزيان زعمت بغاو يديرو عنصر التشويق وغالباهاد اليامات الجايا غادي يديرو الاعلان الرسمي
الموهيم حنى انهضرو غير على داكشي اللي بان فالفيديو وشويا دالتوقعات
دابا السؤال المطروح شنوهوا هاد Atari Box ؟
علا حساب الفيديو كايبان فحال شي صندوق كحل ماكبيرش بزاف يعني تقريبا قول فحال شي راوتر دالواي فاي ولا شي حاجة فحال هاكا وانحناءات فالجنب ديالو كاتخليه يبان بشكل غير شي شوية ومميز وزوين على باقي الاجهزة وشي فتحات دالهاوا فالفوق ديال هاد الجهاز





اتاري باينا بغات ترجع للمنافسة وتضارب مع الشركات الاخرى ولكن عاد ضرباتها الفيقا والسوق مشا ليها من زمان ولكن لاكان هاد الصندوق زوين وفيه شي حاجة مميزة وجاب افكار وحداخرا تقدر ترجع الجيمرز والجمهور ديالها خصوصا انها كانظن غادي تطور الالعاب القديمة ديالها ولا لما لا تصاوب العاب جديدة وتدعم المطورين دالالعاب باش ينتجوا العاب لهاد الجهاز ديالها
دابا انوصلو للشكل هادو شي تصاور لهاد الجهاز اللي كايبان الديزاين ديالو واعر بزاف

كاع داكشي اللي كانعرفو على Atari Box واش يقدر يمكن يكون المنافس د اكسبوكس وبلايشتيشن ؟

كاع داكشي اللي كانعرفو على Atari Box واش يقدر يمكن يكون المنافس د اكسبوكس وبلايشتيشن ؟

كاع داكشي اللي كانعرفو على Atari Box واش يقدر يمكن يكون المنافس د اكسبوكس وبلايشتيشن ؟

 دابا سؤال اخر شنوهيا المواصفات دهاد الجهاز العجيب ؟
على حساب مابان فالتصاور وماشي متاكدين بزاف من هادشي ولكن كايبان انه فيه 4 ديال البورتات يوسبي ومنفدين واحد ديال HDMI و Ethernet + غالبا ومن الماكد غادي يدعم كارط ميموار
يمكن تكون هاد المواصفات لاعلاقة مقارنة بالاجهزة الاخرى فحال بلاستيشن 4 واكسبوكس وان خصوصا ان الشركة مامرفحاش فحال مايكروسوفت وسوني ولكن غالبا يقدر يصدمنا كاملين ويطلع شي حاجة زوينة

         

دابا شحال ايكون كايدير هاد الصندوق ؟
الشركة مازال ماعلنات على والو ولكن كانظن ماغايفوتش 200 يورو اي 2000 درهم مغربية خصوصا انها بغات ترجع فالسوق اما لاعطات ثمن غال فغايبقى عندهوم الصندوق وماغايلقاو مايديرو بيه
الموهيم هادي غير معلومات بسيطة عليه في انتظار الاعلان الرسمي دالشركة
كانتمنى يكون عجبكوم الموضوع وشكرا

Vizmato من احسن التطبيقات ديال المونتاج بعد ماكان فالايفون دابا ولاحتى فاندرويد Vizmato ابليكاسيون ديال المونتاج من بعد مانجح نجاح باهر فايف...

Mohamed Sadek

	android

	يوليو 17, 2017

Vizmato من احسن التطبيقات ديال المونتاج بعد ماكان فالايفون دابا ولاحتى فاندرويد

Vizmato ابليكاسيون ديال المونتاج من بعد مانجح نجاح باهر فايفون دابا ولا فاندرويد نسخة تجريبية وقريب ايديرو نسخة صطابل وتابثة 
البروغرام اللي كايمكنك انك تمونطي بكل سهولة كايعطيك بزاف دالفيلترات والكتابات والموسيقى والتاثيرات وبزاف ديال الحوايج نخليكوم تكتاشفوهوم
المهم رابط تحميل نسخة الايفون
Vizmato For IOS

 رابط تحميل نسخة الاندرويد -نسخة تجريبية اي بيتا 
Vizmato For Android