الفرق بين بطاقة MasterCard Code 30 و Visa e-shopping في الشراء من الانترنت سلام عليكم الإخوان و الأخوات، اليوم نكتاشفو الفرق ب...

Mohamed Sadek

	هناك تعليق واحد

	reviews

	أغسطس 18, 2020

الفرق بين بطاقة MasterCard Code 30 و Visa e-shopping في الشراء من الانترنت

سلام عليكم الإخوان و الأخوات،

اليوم نكتاشفو الفرق بين بطاقة MasterCard Code 30 و Visa e-shopping في الشراء من الانترنت e-shopping في الشراء من الانترنت و نعرفو، بالنسبة للناس اللي كيديرو عمليات بزاف، اينا وحدا اللي تصلاح لينا.

قبل ما نشوفو الفروقات Différences، نذكرو على أن MasterCard و Visa هوما علامتين تجاريتين Marques commerciales الرائدتين Leaders العالميتين فبطاقات الأداء Cartes de paiement مع تقدم نسبيا ل Visa (عندها 60,5% من حصة السوق Part de marché عالميا)، و هنا نبغي غير نوضح واحد القضية اللي غالطين فيها بزاف ديال الناس واللي كيعتابرو أن Visa كتعني أن البطاقة كتخليك تدير سحب Retrait من الشبابيك Guichets ديال جميع الأبناك، لا لا لا هاد القضية غير بقات راسخة فالأذهان حيت بطاقات Visa كانو هوما اللولين اللي خرجو كتقدر تدير بيهم هاد العملية، و الدليل البطاقة ديالنا Mastercard نقدرو نخرجو بيها من العالم كامل خاصنا غير Visa (ماشي البطاقة، ديال القنصلية) باش نخدمو بيها

أولا: مجال الاستعمال Champs d'utilisation

- بطاقة MasterCard Code 30 متعددة الخدمات Multiservices، أي كتخدم فال Guichet و فالمحلات عبر Tpe و فالتسوق عبرانترنت e-commerce، داخل و خارج المغرب (للإشارة راه كاينين كارط Visa اللي حتا هوما Multiservices غير حنا دابا غادي ديرو المقارنة مع e-shopping فقط)

- بطاقة Visa e-shopping كتخدم فقط فالمواقع الأجنبية، أي بطاقة كنستعملو فيها Dotation e-commerce اللي كيعطينا مكتب الصرف Office de change مبلغ ديال 10.000 درهم كحد أقصى plafond ديال الشراء. و نقدر ندير كارط Visa e-shopping فحسابي يعني نكون أنا Demandeur و لكن بسمية ديال شي واحد كنعرفو Bénéficiaire و كا نبدا نخدم ب Dotation e-commerce dialou

ثانيا: كيفية الاستعمال Méthode d'utilisation

- بطاقة Mastercard Code 30 كتخدم نيشان بالفلوس اللي كاينين فحسابنا، أي يكفي نحطو فلوس فالحساب ونقدرو نشريو بيها، و ما نساوش نديرو Activer ل Dotation e-commerce 

- بطاقة Visa e-shopping كتشارجا، بمعنى كندوزو ليها فلوس (فابور) من الحساب عبر Cih online أو Cih Mobile (Recharge carte prépayée) و كي وليو فيها هي ما تي بقاوش فالحساب (تقدر تشارجي فيها حتا 12 درهم و تدوز عملية ب 1$ مثلا). مع العلم أن فيها Dotation activée par défaut

ثالثا: الأداء

فالمعلومات ديال البطاقة اللي كندخلو باش ندوزو الأداء Paiement بحال بحال (غير e-shopping مكتوب فيها Code de sécurité لقدام). و لكن:

- بطاقة MasterCard بما أنها عندها علاقة نيشان ب Compte ديالنا، فاش تنديرو شي عملية، البنك كيدير ديك القضية ديال Blocage (باش ما تستعملش الفلوس فحاجة أخرى و يبقاو كيتسالوك) حتا تولي العملية Confirmée عاد كيرجعوهم، غير هو بعض المرات كيتعطلو، و فاش تي كونو بزاف ديال العمليات كيبدا يبان لينا بحالا الرصيد Solde مخربق و كي يستغرق أيام باش يتقاد

- بطاقة Visa e-shopping ما فيهاش هاد القضية، بما أنها معزولة على الحساب كيدوزو فيها العمليات نيشان.

رابعا: الثمن

- بطاقة MasterCard Code 30 كن خلصو 44 درهم ديال Activation dotation e-commerce تي قطعوها بعد أول عملية فالعام، و ك تبقا صالحة حتال 31/12 ديال العام اللي شرينا فيه (كتسمى Par année civile)، و ما تتقطع تاني حتا كنديرو شي عملية شراء e-commerce international فالعام اللي من بعد، و يلا ما درناش ما تتقطعش.

- بطاقة Visa e-shopping صالحة 3 سنوات كنخلصو عليها 66 درهم كل عام ابتداءا من تاريخ الطلب، أي مثلا طلبتها اليوم غادي تتقطع ليا من حسابي و من بعد عام (12 شهر) غادي تتقطع و العام اللي من وراه تا هو. أي 66 درهم كنخلص عليها عام كامل (كتسمى Par date d'anniversaire) شريت بيها ولا ما شريتش

خامسا: Paypal

- بطاقة MasterCard Code 30 كيمكن تربطها مع Paypal باش تشري بيه و لكن ما تخرجش منو

- بطاقة Visa e-shopping كتقدر تربطها ب PayPal و تخرج منو الفلوس. و كا يدوزو نيشان للحساب، و ديك الساعة تيريهم ببطاقة Code 30

الخلاصة:

دابا من هاد الهدرة و البلابلا كاملة آش نفهمو ؟؟!

الناس اللي كي شريو بزاف من المواقع الأجنبية Sites étrangers، أي كيديرو ( 3 ديال العمليات فالشهر أو أكثر) + الناس اللي تيدوزو عمليات بمبالغ من 500 درهم و أكثر + الناس اللي كتبغي تفرق بين الفلوس ديال الشراء من فلوسهم الخاصة + الناس اللي كيحطو غير فلوس باش كي ديرو عمليات الشراء فقط فالحساب حيت خايفين + الناس اللي كي عانيو من القضية ديال Blocage و التغيير ف Solde ديالهم + الناس اللي كيخدمو ب Paypal و تي بغيو يخرجو الأرباح ديالهم + الناس اللي تسالات ليهم 10.000 درهم و بغاو يستعملو Dotation ديال أحد الأقارب

يلا حسيتي براسك كتنتمي لفئة من هادو اللي ذكرت عليك لزاما ب كارط Visa e-shopping، هي اللي تخدمها فانترنت و MasterCard Code 30 تخليها باش تخرج من Guichet و تخلص ف Tpe و éventuellement تخدمها خارج التراب الوطني (dotation touristique).

شخصيا، كنصح الناس اللي مازال ما أكتيڤاوش Dotation e-commerce (أي ما قطعوش ليهم 44 درهم) يخدمو ب Visa e-shopping، و الناس اللي أكتيڤاوها و ما باغينش يخلصو 66 درهم من دابا، يقدرو يتسناو حتا يقرب يسالي العام و يطلبوها.

المهم حاولت نبسط الأمور باش تكون واضحة للجميع، و اللي باقي عندو شي تساؤل مرحبا. و كنطلب من الناس اللي خدمو ب e-shopping (أنا براسي عمرني خدمت بيها) يعطيونا الانطباعات ديالهم حول الاستعمال ديالها. 

كانتمنى الموضوع يعجبكوم 

المصدر : GF

احسن استضافة مجانية بمميزات الاستضافات المدفوعة السلام عليكم كاملين اليوما موضوع جديد كانظن الاغلبية بغاو استضافة لمشاريعهم الصغيرة ولايجربو...

Mohamed Sadek

	الربح من الأنترنت

	يناير 30, 2018

احسن استضافة مجانية بمميزات الاستضافات المدفوعة

السلام عليكم كاملين اليوما موضوع جديد كانظن الاغلبية بغاو استضافة لمشاريعهم الصغيرة ولايجربو السكربتات ولكن اغلبية الاستضافات المجانية عيانة حيث فابور ولكن اليوما جبتليكوم استضافة زوينة وقاضية الغرض الموهيم نخليكوم مع الفيديو

رابط الاستضافة

000WEBHOST

شرح بسيط لخدمة Contactless | CIHBANK السلام الإخوان و الأخوات، أولا سنة سعيدة 2018 ببزاف ديال الفلوس نعمرو بيهم الكونط نختاتمو هاد العام...

Mohamed Sadek

	reviews

	يناير 02, 2018

شرح بسيط لخدمة Contactless | CIHBANK

السلام الإخوان و الأخوات،
أولا سنة سعيدة 2018 ببزاف ديال الفلوس نعمرو بيهم الكونط
نختاتمو هاد العام بشرح بسيط لخدمة Contactless (أي sans contact أو بدون ملامسة)، و اللي من خلالو الخلاص ببطاقة Mastercard 💳 Code 30 فديك Appareil اللي كا تكون فالمحلات التجارية و المسماة TPE) (Terminal de paiement électronique كيدوز غير بتقريب البطاقة بدون تركيب Code pin (اللي كنستعملو فال Guichet 🏧).
هاد الخدمة مفعلة أوتوماتكيا فالبطاقة (ما كتحيدش) و لكن ما نخافوش لأن أكبر مبلغ اللي نقدرو نخلصو بهاد الطريقة هو 200 درهم (فأداء واحد ولا أكثر، يعني المجموع ديال العمليات يكون 200 مثلا جوج عمليات ديال 100 درهم) حيث العملية اللي من بعد خاص ضروري تدخل الكود باش تدوز، بمعنى آخر غير كتوصل ل 200 درهم ب Contactless كتبلوكا هاد الخدمة حتا كتدوز شي أداء بالكود. إذن فحالة ما طاحت ليا البطاقة أو هزها شي واحد و ما وقفتهاش قبل من Cih online ولا Cih Mobile المبلغ الأكثر اللي نقدر نضيع فيه هو 200 درهم. للتذكير ماشي جميع المحلات فالمغرب يمكن لينا نخلصو عندهم بطريقة Contactless لأن خاص المحل تكون عندو Appareil Tpe ملائمة Compatible مع Contactless.
للإشارة Cih Bank هو البنك الوحيد اللي عندو بطاقة مرتبطة مباشرة بالحساب (ماشي اللي كتشارجا) بحال Mastercard 💳 Code 30 اللي فيها خدمة Contactless و البنك الوحيد اللي البطاقة ديالو يمكن تخلص بيها ب Contactless حتا خارج المغرب اللي فيه هاد الخدمة جاري بها العمل و متواجدة على نطاق واسع خصوصا بأوروبا.
هاد القضية كتبان ليا مزيانة و خاص نولفو عليها استباقا للمشروع اللي كيوجد لينا بنك المغرب ديال الأداء بالهاتف paiement mobile و اللي من المرتقب الإنطلاق ديالو ف 2018.
تحياتي الخالصة و سنة سعيدة وكانتمنى يعجبكوم الموضوع
مصدر الموضوع : CODE30CLUB

بطاقة CODE30 ديال CIH : المميزات والعيوب ديالها بطاقة CODE30 ديال CIH : المميزات والعيوب ديالها عندك 30 عام ولا قل يعني نتا بامكانك تطلب بطا...

Mohamed Sadek

	earn

	يوليو 14, 2017

بطاقة CODE30 ديال CIH : المميزات والعيوب ديالها

بطاقة CODE30 ديال CIH : المميزات والعيوب ديالها

عندك 30 عام ولا قل يعني نتا بامكانك تطلب بطاقة كود 30 ديال cih وهي كارط ماستركارد انترناسيونال يعني تقدر تفعل بها بايبالك ولا تشري بها م الانترنت فابور اييه فابور الاقتطاعات 0 درهم فالسنة ماعليك غير تمشي لشي اجونس ديال الcih القريبة منك وقاد الوراق والكونط عندهوم عمرو فقط ب100 درهم كافيا وماغايقطعو والو
نشوفو المميزات ديالها هي بطاقة محمية ب Mastercad Secure Code يعني فينما تشريو كايطلبو كود التحقق للعملية ديالكوم باش تدوز عادي ويمكن تختار الديزاين دالبطاقة اللي بغيتي كاينين بزاف دالاشكال وكيما قلنا هي ماستركارد انترناسيونال يعني تقد تفعل بها بايبالك وتشري من المواقع العالمية فحال ايباي ولا المغربية فحال جوميا المغرب وغيرها من المواقع والمعاملات محدودة ف 10000 درهم فالسنة اي مايعادل 1000 دولار ويمكن كذلك تستفد من تخفيضات كبيرة عبر برنامج Fabuléos وتستفد من تعويضات على الشراء ديالك فبزاف دالمواقع .+ كاين الدعم يوميا من الدعم التقني دالبنك وكايجاوبو دغيا + يمكن تشارجي التعبئة ولا تسيفط الفلوس فقط من لوحة التحكم دالموقع
بالنسبة للعيوب السقف هو 10000 درهم يعني ماشي كبير + كايقطعو بعض المرات اقتطاعات غريبة وغير مبررة وسعر الصرف ديال الدولار والدرهم ديما كايكون عالي عندهوم هادا حال جميع البنوك المغربية
المهم هاهو رابط البطاقة اللي بغا يعرف عليها كثر http://www.code30.ma/
كانتمنى يكون فادكوم الموضوع وشكرا

تعويم الدرهم وعلاقتو بالكريديات وكيفاش غاياثر على الناس دالويب

تعويم الدرهم وعلاقتو بالكريديات وكيفاش غاياثر على الناس دالويب تعويم الدرهم شحال من واحد ايتعجب علاش حطيت هاد الموضوع ولكن اخوتي موضوع كايهم...

Mohamed Sadek

	reviews

	يوليو 12, 2017

تعويم الدرهم وعلاقتو بالكريديات وكيفاش غاياثر على الناس دالويب

تعويم الدرهم

شحال من واحد ايتعجب علاش حطيت هاد الموضوع ولكن اخوتي موضوع كايهم 

المغاربة كاملين الموهيم تبعو معايا

هادشي لي غيوقع لينا مجرد بداية غيصدمنا ديال بصح و غادي يبدل الوجه ديال المغرب، يعني غير تسناو الصدمة ، وباش تفهمو شنو غيوقع، تبعو مزيان

المغرب غارق في الديون، خداهم من صندوق النقد الدولي، حاليا واصلة الديون ديالو تقريبا (142,8 مليار درهم) وهاد البنك ماكيتفاكش، باش يسلفك الفلوس خاصو يضمن أنك أترجع ليه فلوسو (وبأسرع وقت) و سطرو مزيان على (و بأسرع وقت)، وباش يضمن هادشي تيدخل معاك في العظام و تفرض عليك شنو خاصو يدار فإقتصادك باش ترد ليه فلوسو دغيا،

قالو للمغرب عندك هاد الحوايج خاصك ديرهم، أولا، رفع الدعم عن المواد والسلع الاولية (مثلا الثمن ديال البوطة الكبيرة بلا دعم هو 120 درهم نتا كتشريها ب40 درهم، و لي بقا كتخلصو الدولة)، يعني الدولة مدام معندهاش الفلوس، خاصها تخلي الشعب يشري السلعة بفلوسو، بلا متعاونو الدولة، ولي معندوش ميشريش يقضي بالفاخر، بكل بساطة هاكذا تيفكر البنك الدولي، المشكلة أن بنكيران من بعد ما طبق هاد الإقتراح ديال البنك الدولي، الديون ديال المغرب مازال كتزاد، يعني بحالي تقول الخزينة ديال المملكة المغربية فيها تقبة، (للإشارة فقط الفلوس لي كتعاون بيهم الدولة المغاربة باش يقدرو يشريو السلع الأساسية كتسميها "صندوق المقاصة") وحاليا بدات كتلغيه بشوية بشوية ولغاتو على ليصانص و المازوط

وقريبا البوطة و الزيت و السكار و أتاي والتعليم و الصحةمعليناش، الخطوة التانية هي تحرير او تعويم الدرهم، صندوق النقد الدولي، قال للمغرب، شوف أشريف، بغيت فلوسي، وهاد الإجراءات لي درتي ماغتسلككش، ماعليك غير بتحرير العملة ديالك باش تقدر ترجع ليا فلوسي كاملين

هنا غنديرو سطوب، لحقاش هذا هو الموضوع المهم ديالنا، البنك فاش قال للمغرب هاد الهضرة قالها على واحد الأساس، و هو أن المغرب زعما حاس بالأزمة، وخاصو يطور راسو و يبني راسو باش يخرج منها، وبالتالي خاصو للضرورة يحرر العملة ديالو باش يقدر يزيد لقدام، وإلا بالطريقة لي غادي بيها غيحتاج وقت طويل باش يرد ليا فلوسي.

كيفاش ؟ بمعنى أن المغرب إلا كانت العملة ديالو القيمة ديالها طالعة، و مطلوبة، غادي يسهال عليه يخلص الديون ديالو. مثلا إلا المغرب ولا تيصنع الصوارخ، و العالم كلو محتاج الصوارخ ديال المغرب، يعني كلشي غادي يبغي يشري العملة ديال المغرب باش يخلص بيها، و بالتالي العملة ديال المغرب غتولي مطلوبة في السوق و زايدة في الثمن، و فاش المغرب غيبيع العملة ديالو بالدولار ولا بالأورو غيربح فلوس كثيرة، و يقدر يخلص بيها الديون، بكل بساطة هذا هو التفكير ديال البنك الدولي من موضوع تحرير الدرهم،

ولكن المغرب العملة ديالو ماشي محررة، علاش؟ لحقاش، المسؤولين ديال الإقتصاد في المغرب، عارفين العملة ديال المغرب ماكاين لي مديها فيها من غير ولاد بلادها، و بالتالي رابطينها بقيمة الأورو و الدولار في السوق في حدود ناحي 10 دراهم باش ماياكلوش الضق.

الخلاصة :

حنا كاملين عارفين المغرب ما تيصنعش الصوارخ ولا الكيماوي ولا الاسلحة ولا النووي، و ما عندوش لا الرغبة ولا العزيمة ولا حتى الإرادة باش يخلي المغرب يصنع أيتها حاجة تخلي العملة ديالنا مطلوبة في العالم باش العالم يشري من عدنا داكشي لي تنصنعو، و بالتالي فإن قرار تعويم الدرهم هو عملية إنتحار للإقتصاد المغربي، لي عاجلا أو آجلا غيكشط كاع المغاربة بسبب الغلاء باش يرد للبنك فلوسو، لي هو أصلا خداهم ومدار بيهم والو نهبوهم الشفارة و محاسبو حتى واحد فيهم واخا كلهم معروفين بالإسم و كل واحد شحال شفر، المغاربة غادي يغلى عندهم كلشي من أبسط الحوايج ونتا طالع... لحقاش القيمة ديال الدرهم غتنزل، وبلاصت ما كنتي كتشري ستيلو ب30 ريال غتولي تشري ب5 دراهم،

المشكلة الكبرى أن الدولة غتغمق على المغاربة من بعد ما تنزل قيمة الدرهم، بمعنى أن القيمة ديال السلع غتزاد 50% ولكن الصالير ديال المغاربة غادين يزيدو فيه 20% الشعب غادي يفرح و ماغاديش يظاهر كيف 20 يونيو 1981، ولكن فاش غادوز شهرين لا 3 شهور غادي يحس بالقالب ديال بصح...

و المغرب لي كتعرفوه دابا غيولي مجرد أيام غتوليو تعاودو عليها. و السبب أن الشفارة لي خداو القروض من البنك و شفروها و مخدموش بيها البلاد متحاسبوش. بكل بساطة. هوما يشفرو و الشعب يخلص ببساطة

الموهيم من هادشي كامل اتقولي ناس الويب كيغايتاثرو المشكل اخوتي هو انه اسعار النت غاتولي عالية بزاف والناس اللي كايشريو من الانترنت بكارط مغربية غادي يعانيو حيث سعر الدرهم ضعيف وتامن اي حاجة تالجيمرز غايتاثرو ولي كارت ستيم وداكشي ايولي غالي والبيسيات والبلايستيشن وبزاف دالحوايج حتى الجمارك اتخلص بزاف ومثلا لاشحنتي باراميكس ولا فيديكس استخلص بزاف حيث من التحويل للدولار للدرهم اتخسر بزاف

كان هدا مقال شامل حول تعويم الدرهم وعلاقتو بناس الويب كانتمنى تبارطاجيو وتنشرو المقالة على اوسع نطاق باش كاع الناس يعرفو الحقيقة وشكرا

مراجعة للديوانة المغربية  : معلومات ونصائح مراجعة للديوانة المغربية  : معلومات ونصائح موضوعنا اليوم حول الجمارك والنسبة المخصصة والحالات الل...

Mohamed Sadek

	reviews

	يوليو 11, 2017

مراجعة للديوانة المغربية  : معلومات ونصائح

مراجعة للديوانة المغربية  : معلومات ونصائح

موضوعنا اليوم حول الجمارك والنسبة المخصصة والحالات اللي غير خاضعين لتضريب الجمركي والحالات اللي خاضعين وكاينين حالات الله يستر فيهم السجن او اعتقال .
لابد قبل البداية نعرفوا القاعدة العامة في التضرييب او الجمركة
ماهي الجمارك وماهي الجمركة : الجمارك هي مؤسسة تابعة لوزارة المالية دورها هو تحصيل الرسوم و الضرائب إلى الرقابة على حركة البضائع الداخلة و الخارجة من الدولة و كذلك محاربة التهريب والبضائع الممنوعة قانونا.
الجمركة : هي الضريبة على الاشياء المستوردة من الخارج والمصدرة من الدولة الي الخارج (يعني طالع واكل هابط واكل)
الان نأخدو القاعدة الاساسية في النسبة المخصصة لكل الاشياء المستوردة مثلا الاشياء اللي كنشريوها من المواقع بحال جيربست – تينيديال – الاكسبرس – اباي …
-1- الالكترونيات 23.5 في المئة من الثمن الاصلي اقول هنا الثمن الاصلي بمعني الحقيقي حيث بعض الاخوان كيبدلو الاثمنة مثلا هاتف كيدبر 2000 درهم وهو كاتب علي الورقة ديال السلعة 49 دولار (واش فناظركم الجمركي غبي كيحل الباكية كيلقا تلفون كبير وزوين ونتا داير ليه 49 دولار يعني مفروشة ) يقدر تا داك الجمركي يسالي من الوظيفة العمومية ويقلبها بيع وشرا تاهوا قلنا 23.5 قاعدة عامة
الاختلاف فين كاين : كاين حسب نوع الحاجة الالكترونية اللي شريتي مثلا تلفون 23.5 ومثلا سكانير ديال الطبيب فعلا هو من الالكترونيات ولكن ماشي الطبيعة ديالو بحال التلفون هنا الجمارك تقدر تمشي معاك بعيد فالضريبة * 100 في المئة
مثلا الساكانير 20 مليون غدي تخلص 20 مليون
اما السلع اللي باينة في الالكترونيك ولا قل من 500 درهم هاديك كيدوزوها عادي لكن كاين بعض الجمركيين كيطبقوا الجمركة علي الحاجات تا ديال 200 درهم وهدا ممنوع في القانون حيث كاين نص منظم لهادشي هو عندو السلطة التقديرية فوق 500 درهم فقط .لهدا الاخوان حاولوا تقنعو الجمركي فهاد الامر انه مخالف لقانون المالية ونظام التعشير الجمركي .
-2- الملابس اللي المجموع ديال القيمة ديالها 500 درهة فالضريبة هي 50.5 في المئة وهي غالية بزاف معرفتش علاش ونفس الشيء كيطبق علي الملابس الاكني جايب شوية ديال الحوايج قل من 500 درهم هنا الاعفاء جبتي كتار من 500 درهم الي حدود 1500 درهم الضريبة 50.2 في المئة اما الا جبتي بزاف هنا التصنيف كيتبدل بحال الاكترونيك حيت نتا جايب بزاف لغرض تجاري ونزيدك انه تقدر تخلص كتر الاكانو الحوايج ماركة عالمية ومن الجلد او اي ملابس بانت للجمركي انها غالية او راقية بزاف هنا كيولي حساب اخر + الحساب ديال 50.5 في المئة
نصائح تجنبوا DHL و فيديكس .وكل الشركات اللي كتجيب ليك الاشياء بسرعة حيث وخا كتخلص النقل قبل كيرجعوا يحسبو ليك الترانزيت هنا في المغرب وكيدخلو ليك السلعة ديالك للديوانة ديال المطار وكطيح عليك غالية السلعة لكن الناس اللي ف كازا قراب المطار يمكن يمشيو ياخدو السلعة ديالهم بلا ضريبة علي النقل ديال DHL
اضافة الي كانت الحزمة في المطار وبتحديد في منطقة الشحن فمن الممكن أن يتم الإعفاء من الرسوم الجمركية والضريبة إذا كانت الفاتورة بها أقل من 1000 درهم هادي قليل اللي كيعرفها يعني تاخد السلعة ديالك فابور وهادشي كاين فالقانون غي حنا مكنعرفوهش.
بالنسبة الحالات اللي يمكن يتعرض فيها الشخص الاعتقال او السجن وهاد السؤال كنضن عمر فكر فيه شي حد قبل
– عدم التصريح بالقيمة الحقيقة للمنتجات الا كانو بزاف لغرض تجاري هنا ستتابع بالتهرب الضريبي
– السجن كيكون فالاشياء اللي كتههد سلامة الاشخاص وهي بزاف حيث الانترنيت سوق مفتوح تشري منو اللي بغتي مثلا طابعة 3D كتصوب الاسلحة اطابعة رقمية متطورة كطبع العملة
الان وحاليا نصائح للاخوة تجنبو الدرونات والطيارات اللي فيهم الكامرا تجنبو الساعات اللي فيهم التسجال فيديو كاميرا وكل ادوات التسجيل الخفية فالداخلية منعاتها بالمرة والا جبتي شي سلعة بحال هاكا يقدر يكون فيها اعتقال والتحقيق علاش جبتي هادشي .
احيانا شنو كيوقع كيقوليك الجمركي بالنسبة الهاتف جيب ليا تصريح من عند ANRT كيقولو فيه هاد التليفون مطابق للمعايير في المغرب وباش تجيب تصريح خاصك شاهادة ديال المطابقة من عند هدا اللي باع الليك في الموقع وتما بقيتي حيت كايخافو دخل شي وسائل الاتصال ممنوعة بحال الطلكي ولاكي راه كاينين اللي ممنوع بالمطلق تجيبوا للمغرب
لكن هاد شهادة المطابقة والتصريح قانونا كيكون الا كني جايب كتر من 3 ديال الهواتف او طابليط حيث كتدخل في النشاط التجاري وبالتالي كيشوفو المنتوج واش محتارم معايير السلامة اما غير باياسة وحدة لا لا قانونا طيطبق عليك غي 23.5 اللي هدرنا عليها

في الاخير نتمنى نكون فدتكم شوية اي استفسار او سؤال مرحبا