رواية احفاد فرعون الحلقة التاسعة كاملة بقلم بنوتة الشيخ
ساجده:فكرت في الموضوع لقيته حرام نقعدو هكي ونحنا متزوجين
ولا شن رايك؟!❤️
مالك:حط تالفونه ع السيرير وقرب منها
ساجده:زاد قربت وحطت يديها على كتافه...منعرفش شنو هدفك من هاذا كله بس حتى انا عندي هدف 🔥
مالك:مركزش في كلامها ولا شنو قالت كل يلي في راسه يخلص الموضوع الليله وبس
كانت بينهم شعره بس وساجده مبينه من برا قويه وتبتسم بس من داخل قريب تموت من الخوف
وين خلاص قربت اللحضه فصل عليهم الباب يطق بقوه
رواية احفاد فرعون كاملة بقلم بنوتة الشيخ
طق طق طق طق
مالك :بعد من عليها وهوا داخله يسب ويلعن ع القصه يلي مبتش تكمل هاذي
ساجده:خذت نفس كأنها ارتاحت ❤️
مالك:شنو؟
رجاء:مالك الله يخليك لحق بنتك مريضه هلبا
مالك:طلع بسرعه ورا رجاء
اما ساجده خافت ع البنت ومقدرتش تصبر لبست وطلعت وراهم
خش مالك لي غرفة بنته وكانت زي العاده مريضه بي صدرها
مش قادره تاخذ نفس وداهشه هلبا ...قامها بين يديه ونزلها بسرعه لي السياره
ساجده؛بصوت خايف...نجي معاك؟!
رجاء:قاطعت مالك....لا خليك انا ماشيه حافضه الجرعات متاعها وكل شي
مهتمش مالك بي كلامهم وهوا مركز على بنته ركب السياره وركبت معاه رجاء ورجعت ساجده لي غرفتها
________________________________
ياقوت: خشت للحمام قعدت فتره وطلع تغسل في يديها
وقفت بتاخد كلينكس بتجفف بيه تفاجأت بي حد خابطها ع الحيط وعيونه بيطلعووو
احمد:تكذبي عليا انا يابنت ستين كللللللب
ياقوت:ماسكه يده بي يديها الزوز....احووو احووو
قاطعتهم مرا كبيره في السن شويه خشت للحمام
المرا:عفوا؟حمام نسائي هاذا؟
احمد:مسك ياقوت من يدها وطلعها ...نزل بيها من دروج الطوارئ وهيا تحاول تفك يدها منه لكن مش قادره وكل شويه اطيح ع الارض وهوا يجر فيها من يدها بدون اهتمام ! لين وصل بيها لي غرفة مواد التنضيف تحت الدروج وسكر الباب
ياقوت:تبكي بصوت عالي 😭😭
احمد:اقسم بالله لانك جيتي بنت قاعد مطول بالي معاك
ياقوت:هاذا كله ومطول بالك خليني في حالي والله مدخلي بي الحجات هيا ومعندي حاجه راس مالي شوية مكياج وعطورات مقلده
احمد:سكر عيونه ثواني يحاول يهدي نفسه ...منو عطاك الكيسه؟
ياقوت:سكتت شويه وهيا تدكر
طه:والله نسمعك جابده اسمي يا ياقوت صدقيني صورك تلقيهم في كل مكان على الشوارع وكان مش مصدقه جربي
احمد:نكلم فييييك
ياقوت:نخلعت وقعدت تمسح في عيونها ...مش حنقول
بتقتلني تفضل اقتل هي
احمد:انتي هكي !؟
ياقوت:اي اقتلني اصلا خلاص نبي نفتكى من حياتي
احمد:طلع المسدس
ياقوت:لالالالالا😭😭😭😭
احمد:مش تبي تموتي؟؟
ياقوت:لا نبصر خلاص
احمد:نعاود السؤال ولا حفضيه ؟؟
ياقوت:تخبط على وجها ...منقدررررش😭منقدرش نقول بيفضحني في كل مكان وربي
احمد:قام حاجبه...من هوا ؟
ياقوت:نقولك منو لكن بشرط تساعدني !
احمد:من هوا ؟
ياقوت:انلا والله منقول لين توعدني انك تساعدني ومتخليشي يفضحني
احمد:خذي نفس وطلعه بملل...تمام وعد
ياقوت:واعدني بصبعك
احمد:🤨🤨
ياقوت:اي شنو تشبحلي ....مسكت يده وربطت صبعها في صبعه ...وعد يا ياقوت ناخدلك حقك منه ومنخليشي يفضحك
احمد:يقلب في عيونه بملل...وعد
ياقوت:ومستحيل نخلي الموضوع يطلع ونجيبلك صندوق سنكرز
احمد:نعم؟🤨
ياقوت:اوكي الاخيره نبصر 😂
احمد:سحب يده...تكلمي معنديش وقت
ياقوت:طلعت كلينكس تمسح في عيونها ....اسمه طه
كنت نكلم فيه علاقه مش عارف وين كان عقلي وبعتله صوري
بدي يستفز فيا وخلاني انا نسلملك كيسة الهديه بسيف
احمد:طلع تالفونه..اكتبي ارقامه
ياقوت:مسكت تالفونه وكتبت
احمد:مسكها من وذنها....المره هاذي وربي لو طلعتي تكدبي رصاصه بين عيونك
ياقوت:فكت نفسها منه....ااااه ودني المهم تحافض على الوعد بس
احمد:فتح الباب بيطلع بس لقي الدنيا زحمه قدامه يطلعو في جثة حاله متوفيه رجع وسكر الباب ....الزززح مش وقته
ياقوت:بصوت واطي ...رغم ان احفاد فرعون خوانين مفهمتش كيف صدقت الوعد متعك
احمد:يحاول يتجاهلها ويشوف من طبقة الباب
ياقوت:عادي نعرف شنو فيها الكيسه يلي درت ع خاطرها العار؟
احمد:بصوت جاف....مدخلكش وسكري فمك دقيقه
ياقوت:سكتت
احمد:ساكت ويتجاهل في ياقوت يلي كانت تفصل فيه بشير
ياقوت:بعد تشده حتى انا بتقتلني لاني شاهده على الجريمه ولا🥺💔
احمد:جريمة شنو ...شن تخرطي انتي؟
ياقوت:وين نعلم هكي نشوف فيهم في الافلام
احمد:لتفت للحيط ومقدرش يخبي ضحكته اكتر من هكي
ياقوت:اسمع فوتهم اللقطات يلي ادير فيهم والله مره تانيه كان لقيتك في داري ولا تطلعلي في الحمامات اقسم بالله لما يجيني السكر راهو صحتي على قدي انا
احمد:مردش عليها وقاعد يراقب من فتحت الباب
ياقوت:قصدي حتى التهديد بطله في النهايه انت سلف بنت عمي يعني عيله وحده وهكي وباين ان عيلتك كويسه
احمد:سبحان الله امس سمعت ان فلوسنا حرام وحقراء ع قولتك
ياقوت:امس نساير في صاحبتي ماهو تاخد بلعين وهكي منبيش نشكركم قدامها
احمد:به خلاص ضمي فمك مكتر دوتك
ياقوت:سكتت شويه...به توا وين بتمشي؟
بتمشي لي طه وتقتله وادور وين تدفن الجثه زي في الافلام ولا!
احمد:فتح الباب وطلع وخلاها...طلع بسرعه عشان متلمحش وجها كيف يبتسم من دون ميقدر يتحكم فيه على هبالها ولسانها يلي ابدا ميسكتش
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ساجده:قعدت مقعمزه على صالون الصاله وبالها مشغول على نجمه لان حالتها لما طلعت كانت تاعبه بشكل يخوف 💔
نهال:نازله من الدروج تتكلم بي التالفون ومنسجمه حاطه في بالها كلهم راقدين ومفيش حد نايض
لين وصلت في الصاله واول ما شافت ساجده نزلت تالفونها بسرعه
نهال:ساجده؟شنو اديري هنايا!!
ساجده:ولا شي ...طلع مالك رافع نجمه مريضه قعد بالي مشغول عليها
نهال:قعمزت جنبها....ااااااااه ديمه نجمه هكي يناري
على صغرها بس ديمه تاعبه من صدرها
ساجده:سكتت شويه بعدين تشجعت...نهال بنسألك
نهال:نعم
ساجده:رجاء شن موقعها بزبط!؟
نهال:ولا شي قاعده هنايا دايره بالها ع نجمه وبس
ساجده:بس هاملتها ...انا نشوف في سكينه هاذي البنت يلي تخدم عندكم هيا يلي توكل فيها وتغيرلها
نهال:عارفه اي ...بس !!
ساجده:شنو؟
نهال:من يوم وفاة مرت مالك ونجمه تعلقت بي رجاء وتقلها ماما
رفضت نجمه تنادي اي حد لا انا ولا امي ولا حد بي ماما
هاذا باش مالك مخليها هنايا رغم ان ميجي شي من وراها غير المشاكل وبس
ساجده:ومدام هكي ليش متزوجهاش؟
نهال:مستحيل ...هيا كانت اخت مرته مفيش ولا شي يخليه يتزوجها حتى لو ع خاطر بنته
ساجده:بس ليش يعامل في بنته هكي مالك؟؟
حتى تجيني لي الدار يلز فيها مفيش مره شفته يكلم فيها بي حب حتى لما تحضن فيه واضح انه بسيف علاش؟
نهال:اضايقت....صايره شوي مشاكل بينه وبين مرته قبل ما تموت و.....
تنهدت....صارت قصه كبيره عشان بنته
ساجده:خيرك تحكيلي بتقسيط انتي 😂هدرزيلي
نهال:ابتسمت بخوف...لا منقدرش والله
فكيني بعدين انتي قاعده شهر بس هنايا لو مالك سمع اني قلت حاجه يفرمني
ساجده:مستحيل نقول نهال انتي قاعده متعرفينيش
نهال:لاني منعرفكش منقدرش نقولك 💔اعذريني
ساجده:ابتسمت...ولايهمك براحتك
نهال:وقفت كأنها بتمشي....بس رح نعطيك نصيحه صغيره عشان تقعدي بدون مشاكل لين تطلعي
ساجده:شبحتلها بنضرة شنو؟
نهال:بعدي هلبا على رجاء ومهما قالتك متصدقيهاش وردي بالك توثقي فيها مهما بينتاك انها طيبه
ساجده:هزت راسها بمعنى تمام
نهال:يالله توا نوضي ارقدي متخافيش ان شاء الله نجمه امورها تمام لان مش اول مره تمرض
ساجده:تصبحي ع خير
نهال:تلاقي الخير ❤️
ركبت ساجده لي غرفتها تفكر ....في الف سر مش قادره نعرفه على ها العيله وحاسه ان كل الاسرار متعلقه بي مرت مالك قبل ما تموت !
مقدرتش نرقد بدون ما نطمن على البنت الصغيره يلي فاقده امها وبوها مش معدل عليها ولا عاطيها اي اهميه 💔
_____________________________
مالك:كيف؟🤨
الدكتور:اي يعني انا تكلمت وقلت لازم من المحافضه اي عطر او مطهر قوي يأثر على البنت طول والازمه يلي جتها توا واضح شامه شي قوي عليها متحملاتاش
مالك:شاف لي رجاء
رجاء:لا والله انا دايره بالي عليها كويس حتى الغرفه يلي ترقد فيها معاي مش مخليه ولا عطر فيها
الدكتور:يالله حصل خير ع العموم هيا توا كويس كملت الجرعه وتقدرو تروحو بيها بس ردو بالكم الف مره
رجاء:خذت نجمه يلي كانت راقده وركبت بيها لي السياره
اما مالك قعد فتره مع الدكتور يشرحله على كم حاجه وطلع لي السياره
ولع مالك السياره وطلع وهوا يفكر في الف حاجه وحاجه
رجاء:مالك 🥺
مالك:نعم
رجاء:خطمني ع البحر شويه
مالك:شبحلها🤨
رجاء:نبي نغسل وجه نجمه بي اميه البحر بالك تتحسن شويه
مالك:لف السياره ورجع من الطريق .
___________________________
ياقوت:رجعت جنب سريرين وكان لونها مخطوف بشكل مش طبيعي وطول الوقت خايفه احمد يجي يخلص عليها
وخايفه اكتر من طه لو يفضحها
سيرين:ااااه
ياقوت:خيرك
سيرين:وين جاسم؟
ياقوت:راجلك يرا ياحنى ضارب النوم متخافيش عليه خيرك نضتي انتي!؟
سريرن:عطيني نبي نشرب عتشانه
ياقوت:هاك ...ومدتلها الميه
سيرين:شربت ورجعت وقدت من جديد ❤️
ياقوت:مجاهاش النوم وقعدت تتصفح في الفيس
طلعلها حساب في اشخاص قد تعرفهم بي اسم
احمد فرعون ....وحاط صورته واقف و لابس نضارات
ياقوت:مقنينته الواطي الله ياخده
بعتت طلب صداقه ومسج
ياقوت:اذكر انك وعدتني بي صبعك الصغير ره
احمد:كان واقف في داره يغير في حوايجه لما سمع صوت المسج يلي وصله ...اول ما قراه شاف لي صبعه وابتسم رد عليها
احمد:صبعي يلي واعدتك بيه رح نخنقك بيه لين تموتي لو طلعتي تكذبي عليا
ياقوت:ضحكت لما قرت الرساله....ولو ما وفيتش بي وعدك تلقاني مقعمزه في غرفتك وسط الضلام زي مادرتلي
احمد:جربي كان قدرتي
ياقوت:كانت تتصفح في صوره ع الفيس ولما وصلت رسالته وجعت للماسنجر
ياقوت:عمري ما كنت نتخيل ان فرعون عنده حفيد طرف هكي تفووو سم في جمالك
احمد:كانت تقريبا اول مره يسمع بي كلمات غزل من بنت 😂....داراها حضر ورقد
ياقوت:😨حضرني الواطي 🥺الله لا تربحك وين بنلقى كرامتي ياوسخ
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
بعد دقايق طويله نزل مالك من السياره وقعمز على الشط
رجاء:كملت غسل وجه نجمه يلي كانت تبكي بصوت عالي ورجعتها لي السياره
رجاء:سكرت على نجمه باب السياره وكانت تبكي
وقربت من الشط قعمزت جنب مالك
مالك:ولع دخانه
رجاء:حاسه بيك مش متريح ؟
مالك:امتى كنت متريح انا اصلا؟
رجاء:سكتت شويه...اءءءمالك انت تبي شي مني ؟
نقصد تبيني ندير شي معين يخليك سعيد؟
مالك:مردش عليها وقعد يشوف للبحر
رجاء:كيف حال عروستك الجديد؟
مالك:ماشيه امورها
رجاء:هدرز معاي به متقعدش هكي تحكي معاي بجفاف
مالك:شافلها بنضره حاده....متخليش يلي صار قبل يتكرر لان لو تكرر دقيقه وحده مش رح تقعدي
رجاء:🥺اسفه مكانش قصدي
مالك:سيبها ورجع لي السياره وبنته تبكي قاعده
نتضت وجاء بنضرات حقد وغللل ركبت السياره بدون اي اهتمام لي نجمه يلي كانت راقده من تالي وتبكي
____________________________
هبه:فتحت عيونها شافاته قدامها
عبدو:قاعده تبكي؟
هبه:قلت اني منبيكش !!!منبكيش
عبدو:وين بتمشي لو متبينيش؟
هبه:لفت راسها لي الجيها الثانيه
عبدو:قعمز جنبها وقرب عليها ...قعد يمسح على شعرها بحنان ...خلاص انسي
من البدايه كان الولد هاذا غلط وجوده في الدنيا ولو جي رح يتعدب
هبه:بس انا كنت نبيه 💔نبيه لان منك انت
عبدو:تبيه ولا تبيني انا؟!
هبه:نقرت حواجبها بعدم فهم!!..كيف؟
عبدو:يتلمس في عيونها التاعبات....اول ما تروحي من هنايا نقرو فاتحتنا بورقه رسميه من المحكمه
زي ما تبي ...تمام؟
هبه:تعبو عيونها دموع...قول والله!؟عبدو انت متضحكش عليا. صحححح
عبدو:باسها ع راسها ...اطلعي من هنايا عشان تتأكدي اني صادق
هبه:نحبك نحببببك وربي اقسم بالله نحبك 😭😭
عبدو:ابتسم ورجع باسها وبعد بدون ما يقوللها ان يحبها حتى هوا 💔
وهبه اللحضه هاذي كانت بتموووت من الفرحه ❤️
اخيرا بتفتكى من الحرام
____________________________
ساجده:قعدت نسمع في صوت نجمه تبكي هلبا
طلعت من الغرفه لقيت رجاء مسكره باب الدار ومالك خش للحمام طول
نبي نخش نشوف نجمه بس مقدرتش نطق عليهم💔
قعدت في مكاني واقفه مش فاهمه شنو ندير !!ونجمه موقفتش عياط
مالك:طلع من الحمام لي السرير طول
ساجده:شن صار مع بنتك؟
مالك:امورها طيبه
ساجده:بس تبكي هلبا موقفتش عياط !؟
مالك:مدوريهاش سكري الباب وارقدي ...وتغطا
ساجده:كنت حاسه ان البنت فيها شي💔
وربي مقدرت نرقد وصوتها قاعد هكي ...قعدت متحمله منبيش نمشيلها لين ناض مالك طلع من الدار وواضح انه متعصب لحقته بسرعه
خش مالك لي غرفت رجاء وهوا يعيط....خلاااااااص النم سكري فمك خلينا نرقدو
نجمه:تبكي ووجها احمررررر من البكي
رجاء:طلعت من الحمام بي فوطة الدوش
ساجده:😨😨
مالك:طلع بسرعه اول ما شافها
رجاء:حي مكنتش نسحابه مالك داخل🤭
ساجده:تجاهلت الصدمه وقربت على نجمه
رجاء:خليها لو سمحتي متعوده عليها انا تبكي لين ترقد ديمه هكي
ساجده:خذت نجمه في حضنها وطلعت
رجاء:هي انتتتتي انتتتتي جيبي البنت نكلم فيك
ساجده:خشت لي غرفتها ونجمه في حضنها
مالك:فصل عليها ....مشيت نبيها تسكتها تجيبيهولي هناياااااا
ساجده:بنشوف البنت خيرها دور وين ترقد لو بنتك متهمكش ...وطلعت بي نجمه للبلاكونا
مالك:قعمز ع الصالون وماسك راسه يلي كان بيتفجر بين يديه💔
ساجده:خلاص ياقلبي اشش خلاص انا سوجي ❤️
صاحبتك ولا
نجمه:هزت راسها بمعنى اي وهيا تحاول تكتم بكيتها
ساجده:مسحت دموعها ...توا قوليلي بشويه هي ليش تبكي شنو تبي
نجمه:وجهي يوجع فيا😭😭
ساجده:ليش من شنو😨
نجمه:ماما دارت بحر في وجهي
ساجده:فهمت ان الملح يقرص في وجه نجمه وكانت بشرتها حساسه متتحملش 💔
دخلتها للحمام غسلتلها وجها وعطتها حليب دافي
لحضات بسيطه ونجمه خشت في نوم عميق ❤️
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
محمد:خش وسكر الباب
احمد:منو مات؟
محمد:طاح ع السرير بحركه عفويه ...علاش النم شايف عزرائيل قدامك؟
احمد:هكي متعود تجي غير بي الاخبار يلي زي وجهك
محمد:خدي نفس ...مبكري وانت طالع خديت الكيسه يلي وصلاتك
احمد:من سمحلك ؟؟؟
محمد:فكنا من الدوا هاذي توا وخلينا نهدرزو في الصحيح
مالك دارها ولا لا؟
احمد:شنو بيدير!؟...محمد شنو هبلت انت ؟؟
خوك هاذا كيف تفكر فيه هكي
محمد:لان دماغي ستككككككك بتريس ستككككككك معش فاهم شي
احمد:تنهد....مش وقتها القصص هاذي توا!
رجلك شن فيها!
محمد:شي عركه بسيطه
احمد:شبحله بنضره طويله وهوا ساكت
محمد:شني !
احمد:انت عارف لو نكتشف انك مداير شي من وراي راسك هاذا بندير بيه برديم؟
محمد:تصبح ع خير ....وتغطى
احمد:شنو تصبح ع خير متعك 😨...نوض لي غرفتك تحرك
محمد:مكيفي فاسد اليوم بنقعد ضيف عندك
احمد:نوووض دور وين ترقد
محمد:خخخخخخخخخهش
احمد:بلا حركات فروخ محمد نوض
محمد:خخخخخخخخخش
احمد:عيل🤦🏻
_______________________
ساجده:حطت نجمه ع الصالون وغطتها❤️
تلفتت وشافت مالك وراها بزبط
ساجده:قامت عيونها بي ارتباك ...شفت؟
البنت محتاجه حد يفهمها وبس
مالك:وامتى بتفهميني وتخلي الموضوع يمشي؟
ساجده:ابتسمت بتوتر ....إني تايم
مالك:مسكها وقرب بيها لعند السرير ❤️
طق الباب عليها بس المره هاذي مالك كمل بدون ما يسمح لحد يقاطعه 🔥
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ثاني يوم⛅️⛅️⛅️
الدكتور؛العشيه نقررو لو كانت بحاله تسمحلها مكتبلها خروج او لا!
هبه:انا كويسه والله كويسه نبي نطلع
عبدو:تمام دكتور خود وقتك
الدكتور:ابتسم وطلع
هبه:علااااش عبدو قتلك نبي نطلع انا كويسه ها شووف...وجايه بتنزل من السرير
عبدو:رجعها....اهدددي
عارفك كويس بس قعادك هنايا عشان يطمنو عليك وبس
هبه:نبي نروح 🥺
عبدو:خدي نفس....بطلي الحركات متعك ومتخافيش قلتلك مش رح نولي في كلامي خلاص
هبه:ارتاحت شويه وسكتت
_______________________
على سفرة الفطور:-
فرعون:حرك عيونه بنضره قدام مالك بدون كلام
مالك:فهمه ..وهز براسه بمعنى تمام
فرعون:ابتسم وطلعت منه كلمت....اخيرا
جميله:وين نجمه ؟!
رجاء:من امس حابستها عندها ع قد ما طقطقت امس مفتحلي حد
مالك:زايد فتح الباب امس البنت رقدت خلاص
نهال:رقدت عند ساجده امس؟😨
رجاء:اي خدتها من حضني مفهمتش شنو مشكلتها
مالك:شافلها بنضره بمعنى ...بطلي كدب
نزلت ساجده وكانت لابسه سروال جينز ازرق مع سوريه بيضه وبشت اسود
شنطه انيقه بيضه وكندره بنفس اللون ...وكانت جنبها نجمه لابسه فستان خفيف وشعرها يجنن ❤️
ساجده:صباح الخير
كلهم:صباح النور
جميله:محلاها بنتي ومحلا شعرها
نجمه:شفتي ماما دارتها سوجي ليا
نهال:ضحكت ...يجنن محلاه
ساجده:قعمزت جنبهم تفطر
جميله:طالعه؟
ساجده:اي عندي اختي جابت امس. اليوم بنمشي نزورها
جميله:الحمد الله ع سلامتها
ساجده:الله يسلمك
نهال:الف مبروك عليها
ساجده:يبارك فيك❤️
رجاء:معليشي انتي نجمه متعوده تفطر من الصبح وشوفي توا الساعه كم موعد فطورها متأخر هلبا
نجمه:اصلا فطرت من بكري هلبا ودرت حمام وصليت مع سوجي
نهال:😂😂😂
فرعون:تعالي نجمتي تعالي
نجمه:قعمزت في حجر جدها ...امس بابا راقد م....
مالك:وقف وخدي مجمه قبل ماتكمل كلامها وشاف لي ساجده...هيا وقت
ساجده:خدت رشفه من القهوا وطلعت معاه
نهال:طبست على محمد...قعد خاطري في الفضيحه يلي مكملتهاش نجمه
محمد:زيدي تبعي فضايح الناس جاياتك فضيحه هكي كبرها من جمه حتى انتي
نهال:اسكت يا مهزب حتى انت ضحاتك
محمد:ضربها على عنفقتها....ضمي فمك
رجاء:خدت مالك وتوا نجمه😡....به تمام ياساجده
________________________
ساجده مقعمزه من القدام ومالك يسوق...مش قادره تقيم فيه عيونها بعد يلي صار امس 🤭❤️
بين الكراسي الزوز نجمه واقفه
نجمه:بابا ...قتلي سوجي ديمه صلي ربي يرفعك للجنه
مالك:به كويس
نجمه:حتى انت صلي باهي 🙃
مالك:به
نجمه:باش بعدين نمشي انا وياك للجنه ونلقو ماما غادي م.....
مالك:خلااااااص عاد متتعبيش من الدوا ياسر
نجمه:قعمز ع الكرسي بهدوء ونزلت عيونها
مالك:لبس نضراته وكمل سواقه
ساجده:تحكي داخلها....لو نعرف بس سبب كرهك لي بنتك لو نعرف💔
___________________________
في المشفى:-
ياقوت:مقعمزه تاكل من بعيد والنصحه زحمه بسبب الزياره
خشت ساجده ومالك مع بعض سلمو عليهم كلهم وتحمدولهم بسلامه
سيرين:من جدك انت ؟مخليتيها معاك وعادي؟
ساجده:شن ذنبها البنت؟
سلوى:والله ساجده وكيرت وبدي عقلها كبير
ساجده:ضحكت ...بالله شوفيها مش دمها خفيف؟
سيرين:شافت لي نجمه
نجمه:ابتسمت ☺️
خشت الممرضه ماسكه البيبي عطاته لي سيرين عشان ترضعه وطلعت
قدمو كلهم على البيبي يشوفو فيه ويباركو
ساجده:حست بي شخص ماسكها من ملابسها
نزلت عيونها شافت نجمه❤️
نجمه:نبي نشوفه البيبي🥺
ساجده:مسكت نجمه في حضنها وجابتها جنب البيبي
يلي في الغرفه كلللللهم يضحكو على تعابير وجه نجمه وتصرفاتها لما شافاته والكل حبها من دمها الخفيف
لين خشت ياقوت
ياقوت:فمها معبي ....ساجده قالك راجلك هيا
ساجده:جايه هي ....وبدت تسلم عليكم كلهم
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
سلوى:مسكت بنتها ع جنب ...متأكده؟مفيش حد مضايقك
ساجده:حالي كويس امي متخافيش عليا❤️
سلوى:متخبي عليا شي راني امك ونحس
ساجده:والله اموري تمام متشغليش بالك
فايزه:تراقب فيها من بعيد
سلوى:به الحمد الله المهم يوم الجمعه اختك بدير اسبوع نبيك تحضري زي اي عروس كيف متزوجه قدام الناس
ساجده:ان شاء الله يصير خير...وطلعت هيا ونجمه
_______________________
ساجده:وين مالك؟
ياقوت:يسحابك معطيله قال بيجيب قهوا وجاي
ساجده:به تمام
نجمه:سوجي ديريلي التندره
ساجده:نزلت ع الارض تربط في خيوط سبيدرو نجمه
ولما رفعت راسها شافت عبدو قدامها
عبدو:نورت المشفى
ساجده:برسميه...بوجودك
عبدو:شاف لي نجمه...سمعت بي الخبر ...طلع نتزوج وعنده صغار !
تعيشي وتاكلي غيرها
ساجده:ابتسمت...اي ومرته متوفيه ...فقررت نربي بنته وصغاري منه مع بعض
عبدو:ضحك بهزوه وخدي نفس....متقدريش ولا رح تجيك الجرأه
ساجده:بعدد وشاحها من على رقبتها شويه
عبدو:شاف اثر ع رقبة ساجده وفهم شن تقصد على طول
ساجده:رجعت الوشاح في مكانه...تعيش وتاكل غيرها
عبدو:خليتيه؟؟؟خليته يقرب منك
ساجده:مسكت يد نجمه...هيا ماما ❤️
عبدو:مسكها بعنف ....انس ندووووووي خليتيه ولا لا
ساجده:غبي انت؟والله هاذا الشي الطبيعي يلي رح يصير بين اي اثنين متزوجين
عبدو:ويا ترى راجلك يعلم؟!
ساجده:بلعت ريقها
عبدو:يعلمان ..
