طبعا حضراتكم تابعتم معايا المصيبة السودة الي انا فيها ..من ساعة ما دخلت شقة شوق بنت الفقرية..وعرفتو اني اتورطت لغاية دلوقتي في قتل اربع جثث....
Mohamed Sadek
طبعا حضراتكم تابعتم معايا المصيبة السودة الي انا فيها ..من ساعة ما دخلت شقة شوق بنت الفقرية..وعرفتو اني اتورطت لغاية دلوقتي في قتل اربع جثث..
والجثث دي لثلاث رجال وامراة..وعرفتوا كمان اننا لغاية دلوقتي محتفظين بالجثث الاربعة ولسة متخلصناش منها
عشان كده بدائنا نفكر انا وشوق بعد الفجر ازاي نتخلص من الجثث ؟
ولقينا اننا مينفعش نتخلص من الاربع جثث مرة واحدة وهما ملفوفين في السجاجيد كده لان العربية مش هتساع الاربع جثث
عشان كده كان ادامنا خياران..
الاول هو..اننا ناخد جثة واحدة في شنطة العربية ونتخلص منها ونرجع ناخد الي بعدها.. وهاكذا..
لكن طبعا الاختيار ده كان صعب لاننا كان لازم ناخدهم ونتخلص منهم في مكان بعيد .. وكده علي ما نتخلص من الجثة الاولي هيكون النهار طلع والناس صحيت ومش هنلحق نخرج باقي الجثث
عشان كدة..استبعدنا الاختيار ده وبداءنا نفكر..في الاقتراح التاني
وهو...اننا ننزع السجاجيد عن الجثث.. وناخدهم للعربية جثة تلو الجثة ..
وده طبعا ..كان باننا نقعد الجثة علي الكرسي وكانه شخص مريض وبنساعدة انه يركب العربية بالطريقة دي..لكن طبعا كنا بنلبس كل جثة منهم طرحة تداري وجوههم...
وفعلا ساعدنا بعض انا وشوق اننا نوصل الجثث للعربية جثة تلو الجثة. . لغاية ما وضعنا ثلاثة جثث الخاصة بالرجال في الخلف..بوضعية الجلوس
اما عن الجثة الرابعة ..الخاصة بالمراة..فادي وضعناها بالكرسي الي بجانب السائق لسببين.
.اولا عشان حجمها كان كبير
ثانيا..عشان لو حد شافها جنب السواق.. يقول دي ممكن تكون امة او زوجتة ونايمة او تعبانه والمنظر ده عادي وبيحصل كتير
المشكلة ساعتها بقي ان مكنش في مكان في العربية لغاية كده
يعني مكنش في مكان لشوق وكان لازم هروح انا لوحدي بالعربية الي فيها الجثث واتخلص منهم لوحدي..
للكاتبة..حنان حسن
في الوقت ده كان مفتاح الشقة معايا ..عشان لما كنا بننقل الجثث للعربية ..كنا بنقفل الشقة علي ما نرجع
وبعد اخر جثة..شوق قالتلي
انا مش هاجي معاك عشان مفيش مكان في العربية..
وافقتها وقولت ..ماشي انا هحاول اتخلص من الجثث والعربية ..واخفيهم في ابعد مكان عن هنا ..وارجعلك.. وياريت ترجعي انتي بسرعة للشقة تنضفي الدم وتتخلصي من اي حاجة خاصة بالضحايا
قالت..حاضر بس خلي بالك انت احسن حد يشوفك
قلت.. حاضر..
واخدت العربية ومشيت مسافة صغيرة..لكن ساعتها اكتشفت ان شوق نسيت معايا مفتاح الشقة
فا اضطريت ارجع بالعربية تاني عشان اعطيها المفتاح عشان تقدر تفتح الشقة وتدخل تنظفها من اثار الدم
ولما رجعت لقيت الشقة مفتوحة وشوق جوة الشقة وكانت بتتكلم في الموبيل
ساعتها عرفت اننا ممكن نكون تركنا الباب مفتوح وقت ما خرجنا اخر جثة ونسينا نقفلة
وقلت كويس ان شوق دخلت الشقة..لكن لفت نظري ان شوق بتتكلم في الموبيل وبتضحك باسلوب مياصة ودلع..مما جعل فضولي يستوقفني خارجا قليلا دون ان احدث صوت لاستمع الي المكالمة ..الاتية
سمعت شوق بتضحك وبتقول
ايوه اخيرا خلصنا من الهم يا حبيبي ودلوقتي نقدر نتجوز بما ان جوزي مات
ثم اكملت الحديث لترد علي من يحادثها علي الهاتف
قالت..شوفت بقي لو كنت سمعت كلامك وطلبت منه الطلاق ؟مكنتش هقدر اورثة لكن دلوقتي ..انا ضربت ثلاث عصافير بحجر واحد
اولا..خلصت من جوزي الي كان قارفني في عيشتي
ثانيا..هورثة وابقي صاحبة املاك
ثالثا وده الاهم..اننا هنتجوز انا وانت يا حياتي اخيرا
طبعا انا وقفت مذهول بعد ما استمعت للمكالمة الي صدمتني دي
لا دي مش صدمتني بس دي خلتني اعرف اني اغبي انسان في العالم
دلوقتي بس فهمت ان شوق لما خرجت تنده عليا وهي بتتحجج بموضوع الكهرباء..انها كانت بتستدرجني عشان اساعدها تنفذ خطتها لما لقتني هموت عليها..
شوق فهمتني ان جلال طليقها لكن في الحقيقة هو مكنش طليقها ده كان جوزها وكانت عايزة تتخلص منه
وفهمتني انه بيغير عليها عشان لسه بيحبها وعايز يردها بالعافية
وفي نفس الوقت ده هي كانت عارفة ان جلال جوزها بره وهيشوفني وانا داخل..فا بالتالي هيتعصب ويحاول يتهجم عليا وخصوصا انها استفذت غيرتة دي في الاول ومرضيتش تفتح له الباب
وكانت عارفة ان جوزها هيتهور لما يشوفني معاها في شقتها والباب مقفول علينا لوحدنا
و طبعا..كانت عارفة ان دي هتكون النهاية..
لكن طبعا فات عليها ان جلال يكون جايب سعد صاحبة معاه في العربية ولا كانت عامله حسابها ان صاحب البيت وزوجتة هيدخلوا في الموضوع
بس هي هتشيل هم ده كله ليه والحمار الي كان بيريل عليها هيخلصها من ده كله ويحاسب هو ع المشاريب عشان ترجع هي وتتجوز حبيب القلب
في اللحظة دي الدم غلي في عروقي وكان لازم اشرب من دمها زي ما خدعتني
وفتحت باب الشقة عليها بعد ما نويت اثبتلها باني مش الحمار الي استعبطتة وضحكت عليه عشان يخلصها من جوزها عشان تورث وتتجوز
واول ما دخلت من باب الشقة ..شوق اتفزعت لما شافتني لانها عرفت باني سمعت كلامها كله في المكالمة الي كانت بتعملها مع عشيقها من خلال الموبيل
وقراءات شوق في عيني باني ناوي ع الشر ..فا رجعت بسرعة لورا وهي بتمسك ايد الهون الي قتلنا بيها اكتر من واحد النهارده... وكنت عارف انها لو اتمكنت مني هتقتلني زي الي قتلتهم قبل كده..لكن انا عكست الموقف لصالحي وتمكنت اني امسك ايدها الي فيها ايد الهون.. وفضلت اضربها علي دماغها بدون وعي لغاية ما مبقتش شايف من الدم الي جه علي وشي وهدومي وغرق المكان كله
ودي كانت خامس قتيل اقتلة النهاردة
وطبعا شوق معدتش موجوده .. عشان تقولكم سبب القتل المرة دي
ان حياتها كانت مقابل حياتي..
لا خالص اسباب حالات القتل الي فاتت مكنش سببها كده
لكن انا هقولكم
سبب القتل للخمس جثث كان سببة ايه
كان سببة احساسي بالحرمان والعطش الشديد والماء حولي في كل مكان وزوجتي للاسف لم تكن تريد ان توصلني للشعور بالارتواء..
وكان مفروض احل مشكلتي مع زوجتي بالحوار اولا واطلب منها ان تتقي الله فيا وتعصمني من الوقوع في الحرام
وان رفضت او اصرت علي العصيان..فكان لدي الحل الذي انزلة الله ووضعة في قوانينة وشرعة علي الارض وهو التعدد
فقد كنت استطيع الزواج باخري لاعصم نفسي خصوصا وان نسبة العنوسة اصبحت ظاهرة والكثير من النساء والفتيات ستقبل الزواج بي وباقل التكاليف
ولكنني اخترت الحل الغلط للمشكلة
كمان لما اتورطت في جريمة القتل الاولي..بدل ما اصلح الغلط وابلغ البوليس واشرح لهم ملابسات الحادث وازاي انا كنت بدافع عن نفسي.. لا دنا حليت الغلط بغلط اكبر وصلني للنتيجة دي دلوقتي وهي اني اتورطت في قتل خمس ارواح بريئة ملهمش اي ذنب غير انهم جم في طريق انسان غبي في وقت كان خايف من الفضيحة وبيتصرف غلط
انا خلصت حكايتي وعارف انكم من حقكم تحكموا عليا وتقولوا اني جبان وخاين وبتاع نسوان وقاتل..بصراحة عندكم حق في كل الي هتقولوه..
لكن انا مش لا يشغلني الان ما سيقولة الناس عني
..المهم هقابل ربنا ازاي وانا عملت كل المعاصي تقريبا
كدب وزنا وقتل وخيانة وسرقة..تقريبا مفيش ذنب معملتوش
زعلانين عشاني؟
لا متزعلوش منا من شدة خوفي من ربنا فضلت ابكي واستغفر واقول سامحني يارب.. وفي عز صراخي ده..لقيت نفسي بصحي من النوم.. وجنبي شوق وزوجتي وحماتي ..وبصراحة انا اول ما شوفت الثلاثة دول قولت اني كده روحت جهنم..
لكن لم بصيت علي باقي الناس الي حواليه وكان واضح انهم كلهم .. خايفين عليا ومرعوبين عشاني..عرفت اني كنت بحلم وسالتهم
قلت..هو فيه ايه؟
ردت شوق بعد ما بلعت ريقها من الرعب والقلق عليا
قالت..في ايه بس يا شيخ دا انت وقعت قلبي..ثم استطردت قائلة..انا لو اعرف انك مش بتعرف في الكهرباء مكنتش استعنت بيك ..بس انا سالتك ان كنت بتفهم في الكهرباء وانت قولتلي ايوه بفهم في الكهرباء..وحضرتك بمجرد ما حطيت ايدك في الكهرباء الا والكهرباء شدتك ولقيتك وقعت علي راسك وطلعت اجري انادي علي الكل عشان ينقذوك ومن ساعتها واحنا جنبك وبنفوقك
قلت في نفسي .. فعلا؟يعني انا كل ده كنت بحلم؟
وفي اللحظة دي لقيت الكل اتلم عليا وبيقولولي سلامتك الف سلامة عليك
ومره واحده .. لاقيت زوجتي بتقرب مني والدموع في عنيها وبتقولي حرام عليك انت هربت دمي انا كنت هموت عشانك ..ولقيتها بتمسك ايدي وبتقولي..قوم بقي نطلع شقتنا
ردت شوق قائلة..لا يا جماعة مش هتطلعوا غير لما نشرب الشاي
قالت زوجتي..لا يا حبيبتي شكرا انا هاخدة ونشرب الشاي في شقتنا
رديت انا عشان احسم الامر واريحهم هما الاتنين
قلت..ريحوا نفسكم انتوا الاتنين..انا بعد صعقة الكهرباء والخضة الي شوفتها دي..معدش هيبقي ليا في الشاي اصلا ..
وربنا بس يقدرني واعرف اطلع السلم من الدور الارضي
كده القصة خلصت اتمني تكون عجبتكم..وعلي فكره انا قمت بتاليف هذة القصة عشان اكسر من حدة رتم التراجيديا والقصص الانسانية الي غلبت علي مؤاالفاتي..اتمني تكون القصة نالت اعجاب حضراتكم ..والي اللقاء في قصص اخري جديدة
ملحوظة لو كانت القصة قد نالت استحسانك..فضع تعليقا ليشجعني علي سرد المزيد
مع تحياتي
الكاتبة..
حنان حسن
