رواية علاقة ‏ساخنة ‏‏الجزء ‏الرابع للكاتبة/حنان حسن بعد ما سليم بيه طلب مني اني افكر في  طلبة الفظيع الذي  لا يقبلة شرع ولا قانون وهو اني ات...

Mohamed Sadek

	رواية علاقة ساخنة

	نوفمبر 20, 2021

رواية علاقة ‏ساخنة ‏‏الجزء ‏الرابع

للكاتبة/حنان حسن

بعد ما سليم بيه طلب مني اني افكر في  طلبة الفظيع الذي  لا يقبلة شرع ولا قانون

وهو اني اتزوج منه  هو واخوة .. في وقت واحد

 بحجة ان زواجي منهم هما الاثنين ..سيجعلة يستطيع ان   ينفذ شروط الوصية

للكاتبة..حنان حسن

رواية علاقة ساخنة الجزء الأول للكاتبة/حنان حسن عمري ما كنت اتصور ان الظروف ممكن تغصبني اني اابقي انسانة ساقطة وفظيعة وفيا كل الشر ده ايوه ان...

Mohamed Sadek

	رواية علاقة ساخنة

	نوفمبر 20, 2021

رواية علاقة ساخنة الجزء الأول

للكاتبة/حنان حسن


عمري ما كنت اتصور ان الظروف ممكن تغصبني اني اابقي انسانة ساقطة وفظيعة وفيا كل الشر ده


ايوه انا النهاردة هشتغل الشغلانة الزفت دي


اول شرط لمدام فيفي في الشغل ده اني اطيع الاوامر وانفذ كل الي تطلبة مني


النهاردة مدام فيفي قالتلي ..اني لازم البس واتظبط وابقي علي سنج عشرة عشان هبدء الشغل


وانا لازم اسمع كلام مدام فيفي وانفذة كمان اصلها اول مره ليه في الشغل مع مدام فيفي..واول مره ليا في الشغلانه دي اصلا..


طبعا زمانكم بتقولوا طيب ليه يا بنتي بتعملي في نفسك كده؟وتقبلي علي نفسك تبقي ......


هقولكم متحكموش عليا غير لما تسمعوا حكايتي
انا في التاكسي دلوقتي
ويا دوب


احكيلكم الي فات من حياتي لغاية ما اوصل


انا..ندي 25سنة.. من منطقة شعبية في امبابة..خرجت من المدرسة من اعدادي
.. لكن بعرف اقراء واكتب وهوايتي المفضلة هي القراءة كمان


جميلة زي ما بيقولوا.. والجمال هو الحاجة الوحيدة الي انا بمتلكها..


احنا ناس غلابة..غلابة اوي
ابويا الله يرحمة كان سواق علي عربية نقل باليومية..يعني مكنش موظف.. عشان كده لما مات..مكنش ليه معاش ناكل منه
انا واخواتي الخمسة..


كلنا كنا عايشين في اوضة تحت السلم
ابويا مات و احنا صغيرين
عشان كده امي اضطرت تشتغل خدامة في بيوت الناس..وبالرغم من كده الي امي كانت بتشتغل بية مكنش بيكفي اكل ولبس ومدارس و و و




ليالي كتير اوي كنا بننام انا واخواتي من غير عشا..واحيانا كنا بناكل عيش حاف..ولما نشتهي الشوربة والغموس..كنا بنجيب مرقة دجاج ونعمل فتة..بس سبحان الله .. اللقمة كان بيبقي طعمها حلو وكاننا واكلين ظفر ..
اهم حاجة اننا في اخر اليوم بعد ما بنتعشي ..كانت امي بتلمنا في حضنها زي الفرخة ما بتاخد الكتاكيت بتوعها تحت جناحها وبننام.. وفضلنا علي الحال ده لغاية ما كل واحد فينا انا واخواتي شد عودة وكبرنا شوية..وانا بقي عمري 19سنة..


في الوقت ده امي كانت صحتها اتدهورت من الشغل والشقاء في بيوت الناس..


عشان كده انا اول ما اتقدملي الحاج فرج الجزار عشان يتجوزني ..وافقت علي طول.. وقولت اخفف عن امي الحمل شوية.. وكمان بيني وبينكم عشان ادوق اللحمة ..وادوقها لاخواتي وامي كمان..لكن للاسف ..
لما اتجوزت الحاج فرج .. اكتشفت انه بخيل اوي.. ده غير انه كان علي ذمتة زوجاتة الاتنين غيري..
وعشان زوجاتة كانوا اكبر مني في السن وشخصيتهم صعبة ومعاملتهم اصعب.. انا كنت بخاف منهم واتقي شرهم وكنت بخدمهم كمان..من الاخر عيشت خمس سنين بهدلة ومرمرتة في بيت جوزي البخيل وزوجاتة المفتريين..


عارفين.. انا حتة لو كنت شوفت زل وتعب اكتر من كده في بيت جوزي كنت هصبر بردوا ..عشان مرجعش ابقي حمل علي امي تاني..
وفضلت مستمرة في جوازي وصبرة.. لغاية ما الحاج فرج مات..ساعتها اول حاجة عملوها زوجاتة الاتنين انهم لموا لي الهدمتين وقالولي علي امك


اصلي انا الوحيدة الي فيهم مخلفتش ومعنديش اولاد


بيني وبينكم انا كنت بقصد اخد موانع للحمل ..عشان مجبش عيل للدنيا اعذبة معايا كفاية انا واخواتي شوفنا المر والجوع والحرمان


طبعا انا خرجت من بيت المرحوم علي بيت امي ورجعت وسط اخواتي.


لكن لما رجعت لقيت الحالة في بيتنا بقت اصعب من الاول..لان امي صحتها اتدهورت.. واخواتي البنات كبروا.. والبنات كل ما بيكبروا مصاريفهم بتكبر معاهم..
المهم قرر اشتغل ونزلت فعلا ادور علي شغل في كل حتة.. وكنت مستعدة اشتغل اي حاجة.. انشلة حتة امسح سلالم او انظف البيوت زي امي..
لكن حظي الاسود وداني



رواية علاقة ساخنة كاملة

عند مدام فيفي ..ودي كانت سيدة مجتمع معروفة ..بصراحة انا مكتتش اعرف يعني ايه سيدة مجتع ولا بتشتغل ايه ..بس هما بيقولوا عليها كده طبعا كنت رايحة عشان اشتغل في بيتها وانظفة مقابل اجر زهيد ..واشتغلت في بيتها فترة ..لغاية ما مره واحد شاب وسيم من ضيوفها الاغنياء اوي .. وكانت بتقول انه من رجال الاعمال الكبار ..شافني. وطلب منها اني اروح انضف له البيت مره




طبعا انا اول ما هي قالتلي كده مكنتش موافقة لاني عرفت منها انه عازب هو واخوه وعايشين لوحدهم ..


واستمريت في الشغل عند مدام فيفي وكنت الي باخده من شغلي عندها يادوب مكفي الاكل والشرب لكن كنا بنقول الحمد لله وراضين انا واخواتي
لغاية ما امي ..جت في يوم اغمي عليها.. ولما جرينا بيها ع المستشفي وكشفوا عليها ..قالوا ان عندها انسداد في الشريان التاجي ولازم هتحتاج عملية ضروري..وطبعا العملية غالية ومكلفة جدا
فا جريت ساعتها علي مدام فيفي عشان تساعدنا وتكلم ناس من الدكاترة الي تعرفهم يعملو لامي العملية باجر بسيط...لكن مدام فيفي ساعتها ..قلبت لي وشها .. وردت وهي متعصبة
قالت..وانتي جاية عايزاني اعملك ايه بقي ؟ شايفاني دكتورة ولا عندي مستشفي؟
قلت.. معلش كنت فاكراكي ممكن تكوني عارفة اي دكتور في اي مستشفي يساعد امي
قال.. لا معرفش حد


شكرتها وخرجت من عندها وفضلت ماشية وانا بعيط وبدعي ربنا انه يساعد امي
ويشفيها.. وبعد ما رجعت لامي المستشفي تاني.. لقيت مدام فيفي بتتصل بالتليفون.. ولما رديت عليها ..قالتلي انها لقت حل لامي ولقيتها بتقولي خدي كلمي..
قلت.. الوو
رد صوت رجل
قال.. الوو اسمعي اديني اي دكتور من الي عندك
قلت حاضر.. وجريت بسرعة ادور علي الدكتور لغاية ما وصلتلة واعطيتة للمتصل عشان يكلمة.. وبعد مكالمة موبيل صغيرة.. الدنيا اتقلبت وامي اتعاملت احسن معاملة وعملت العملية وخفت وخرجت من المستشفي ورجعت البيت كمان
كل ده طبعا وانا مكنتش اعرف مين الساحر الي عمل كده
لغاية ما في يوم ..لقيت مدام فيفي بتقولي ان سليم بيه عايزني اروح له البيت..ولما سالتها ..مين سليم بيه.. قالتلي..ده الي ساعد امك عشان تعمل العملية
طبعا ساعتها..وافقت اني اروحلة طبعا عشان كمان اشكره.. وطبعا اخدت منها العنوان ..لكن قبل ما امشي من عندها لقيتها بتوصيني اني اكون لطيفة معاه..طبعا انا عملت نفسي كاني مسمعتش وروحتلة اشوفة عايز ايه
ولما روحت بيتة.. لاحظت حاجة غاريبة وهي ان حارس العمارة بتاعتة هو الي مسؤال عن ادارة البيت والحارس ده بصراحة كان شكلة مخيف ومقبض ..مش عارفة ليه خوفت منه ..يمكن عشان كان كشر ومش بيتكلم كتير؟


المهم..طلب مني حارس العمارة اني انتظر لما البية يجي وتركني وخرج
وفعلا فضلت منتظرة


لكن اثناء ما انا كنت متظرة في الصالون..سمعت صوت


غريب.. والصوت كان عبارة عن (عواء) يعني كان في انسان بيصدر منة صوت عواء وكان الصوت بيسكت شوية وبعدين يرجع يعوي تاني
بصراحة انا خوفت من الصوت ده وكنت عايزة اقوم امشي.. لكن لقيت الحارس جاي عليا ..لكن لما قرب مني مدخلش عندي.. ولقيتة بيفتح غرفة جنب السلم بالمفتاح ودخل فيها ..بعدها سمعت صوت صراخ
وكان نفس الصوت الي كان بيعوي من شوية..وفي اللحظة دي..قررت اني لازم امشي فورا..لكن اول ما قومت وجيت اامشي حصلت حاجة غريبة جدا


مع تحياتي
الكاتبة
حنان حسن

رواية علاقة ‏ساخنة ‏الجزء ‏السادس للكاتبة/حنان حسن بعد ما سمعت صوت خبط علي باب غرفتي  واكتشتفت بان الخبط جاي من الباب الموصل لغرفة ع...

Mohamed Sadek

	رواية علاقة ساخنة

	نوفمبر 02, 2021

رواية علاقة ‏ساخنة ‏الجزء ‏السادس

للكاتبة/حنان حسن

بعد ما سمعت صوت خبط علي باب غرفتي  واكتشتفت بان الخبط جاي من الباب الموصل لغرفة عمر بية

اتسحبت بهدوء ورحت لغرفة عمر بيه لاتاكد ان كان عمر بية بيخبط عليا قاصد عشان عايزني في حاجة..ولا انا بيتهيالي

للكاتبة..حنان حسن

رواية علاقة ساخنة الجزء الثامن للكاتبة/حنان حسن بعد ظهور تلك المراة التي كانت تدعي بانها حماة عمر بيه واحداثها فضيحة بالفرح للكاتبة....

Mohamed Sadek

	رواية علاقة ساخنة

	نوفمبر 02, 2021

رواية علاقة ساخنة الجزء الثامن

للكاتبة/حنان حسن

بعد ظهور تلك المراة التي كانت تدعي بانها حماة عمر بيه واحداثها فضيحة بالفرح

للكاتبة..حنان حسن

وبعدما عملت فضيحة وجلبة امام الجميع وقدمت لمحامي العيلة اوراق وتقارير طبية  تؤكد علي ان عمر بيه لا يصلح للزواج لان به عيب خلقي لا يمكنة من الزواج او الخلفة...

للكاتبة...حنان حسن

 وكان من نظر في تلك الاوراق واطلع عليها.. محامي العائلة والذي بيدة الوصية التي تركها ابو سليم وعمر.. وقد كان ذلك المحامي يحترم مهنته ويتقي الله ..فقد كان محامي  شريف .. ورجل محترم يخاف الله

للكاتبة..حنان حسن

وبعد ان اطلع المحامي علي الاوراق ..اكد لسليم بيه علي ان الاوراق سليمة وليست مزورة ...

لكن سليم بيه هاج وفقد اعصابة.. وراح ينوي ان  يفتك بتلك المراة لتقر بمن جعلها تاتي لتدعي تلك الادعاءات..

للكاتبة.. حنان حسن

رواية علاقة ساخنة الجزء التاسع (الأخير) للكاتبة/حنان حسن بعدما قضيت اسوء ليلة في عمري كله في غرفة عمر بيه..وانا اشعر بالخوف والهلع.....

Mohamed Sadek

	رواية علاقة ساخنة

	نوفمبر 02, 2021

رواية علاقة ساخنة الجزء التاسع (الأخير)

للكاتبة/حنان حسن

بعدما قضيت اسوء ليلة في عمري كله في غرفة عمر بيه..وانا اشعر بالخوف والهلع...

للكاتبة..حنان حسن

استيقظت في الصباح علي يد سليم بيه وهي توقظني من النوم.. ليطلب مني سليم بيه ان اذهب معه لغرفة المكتب..

وعندما دخلنا حجرة مكتبة..

نظر الي سليم بية وهو يسالني

قال..قلتي ايه يا ندي في العرض الي عرضتة عليكي امبارح؟

قلت..بصراحة يا سليم بيه انا فكرت في كلامك ولقيت اني موافقة  لكن ليا شرطين

للكاتبة.. حنان حسن

قال..ايه هما الشرطين؟

رواية علاقة ساخنة - الجزء السابع للكاتبة/حنان حسن بعد ما الدنيا ضلمت في عيني ومبقتش لاقيه حل ولا مخرج من المشكلة والكارثة الي احنا ف...

Mohamed Sadek

	رواية علاقة ساخنة

	يونيو 21, 2020

رواية علاقة ساخنة - الجزء السابع

للكاتبة/حنان حسن

بعد ما الدنيا ضلمت في عيني ومبقتش لاقيه حل ولا مخرج من المشكلة والكارثة الي احنا فيها انا وعمر بيه حطيت ايدي علي راسي وانا بساله..

قلت..وبعدين وايه العمل دلوقتي؟

للكاتبة..حنان حسن

وفي تلك اللحظة لمحت بريق مصحوب بابتسامة في عين عمر بيه تنم بانه وجد حل ما

وكان نفسي اطمن منه ان كان وجد فعلا حلا ومخرج من ذلك المآزق ام لا

للكاتبة..حنان حسن

ولكنني لم استطيع ان اسالة... لان في تلك اللحظة شعرنا بوجود احد بالخارج وتاكد ذلك الاحساس ..عندما سمعنا صوت رنين المفاتيح التي تستعد لتفتح باب عمر بيه

للكاتبة.. حنان حسن

في تلك اللحظة كان يجب ان نفكر بسرعة

وبالفعل..فكرت بسرعة واتصرفنا بسرعة اكبر

فاخذت تمثال من الحديد واعطيتة لعمر بيه

وطلبت من عمر بيه بان يقف خلف الباب ويخبط من سيدخل علي راسة ايا من كان ليفقدة الوعي

للكاتبة.. حنان حسن

اما انا فقد جذبت مفرش التربيزة ووضعته علي راسي واخفيت وجهي ثم اغلقت النور..

وجلست علي طرف السرير حتي يتخيل لمن يدخل للحجرة في ذلك الظلام بان عمر بيه يجلس في الظلام علي طرف السرير

وبالفعل.. وقف عمر بية خلف الباب ينتظر دخول ذلك المتسلل الذي يدخل غرفة عمر بيه بعد الفجر ..

للكاتبة.. حنان حسن

وفجاءة يفتح الباب من الخارج.. ويظهر عثمان..وهو يقف محاولا استيعاب ما بداخل الغرفة المظلمة..

وبعد ان يدقق عثمان النظر يلمح شخصا جالسا علي السرير ..

فيدعوه هذا المنظر علي الدخول ليفتح النور ليتبين الصورة اوضح..وبمجرد ما بيدخل عثمان الي الغرفة

للكاتبة..حنان حسن

بيخرج عمر بية فجاءة من خلف الباب ليخبطة خبطتان قويتان.. متتاليتان علي راسة حتي يقع مغشيا عليه

وبينتظر عمر لبرهة ليتاكد بان عثمان كان يدخل الغرفة بمفردة ام معه شخص اخر..

للكاتبة حنان حسن

وبعدما تاكدنا بعدم وجود احد مع عثمان ..قمنا باعادة فتح النور مرة اخري..

لنكتشف بان عثمان معه حقنة بها عقار ما.. وكان واضح ان عثمان كان عايز يستغل وقت ما عمر كان نايم ودخل ليعطية تلك الحقنة

للكاتبة..حنان حسن

وعندما رايت تلك الحقنة ..

تذكرت كلام سليم بيه عندما قال بانه سيعطي لعمر بيه حقنة تجعلة ساكنا وهادئا ومستجيبا لكل ما يطلب منه دون عنف..

للكاتبة..حنان حسن

وقد كنت علمت من سليم بيه سابقا بان هذة

الحقنة ستجعلة مغيبا وساكنا وهادئا بحيث يكون باين انه جالس وموافق علي كل ما يحدث ..لكنة في الحقيقة مسلوب الارداه

للكاتبة..حنان حسن

وكان المفروض انه سيستمر مفعول الحقنة لمدة يومان حتي ينتهي عقد القران ومغادرة المعازيم جميعا وخصوصا المعازيم التي ستاتي من البلد..

كما قال لي

رواية علاقة ساخنة كاملة

للكاتبة.. حنان حسن

وفي تلك اللحظة.. وبعد وقوع عثمان علي الارض دون ان يراني ..

تركت عمر بية وذهبت لغرفتي سريعا..قبل ان يكتشف سليم بيه وجودي بغرفة عمر بيه في ذلك الوقت ويعلم ما فعلناه بعثمان

للكاتبة.. حنان حسن

وفي الصباح..

استيقظت علي طرق علي باب غرفتي.. وعندما فتحت ..وجدت سليم بيه يقف امامي متعصبا وهو يقول.. انتي كمان لسه مجهزتيش والساعة بقت عشرة صباحا؟

للكاتبة.. حنان حسن

قلت.. معلش يا سليم بيه محصلش حاجة ..الساعة لسه عشرة صباحا والماذون ميعادة بعد العصر يعني لسه في وقت..

للكاتبة.. حنان حسن

قال.. يا هانم المعازيم بداءوا يوصلوا فعلا .. انتي ناسية ان قرايبنا من البلد ..كلهم جايين ومنهم ناس وصلوا في قطار الفجر .. يعني شوية وهتلاقي المعازيم كلهم هنا وحضرتك لسه مجهزتيش..

للكاتبة..حنان حسن

ثم قال بعصبية بالغة ..مش عارف هلاقيها منك ولا من الحمار عثمان الي مش عارف ماله النهاردة ده كمان؟

للكاتبة.. حنان حسن

قلت وانا ارتعد.. ماله عثمان؟

قال.. متنح ومدهول ومش مركز معايا طول الوقت ومفيش حاجة بطلبها منه بيعملها ..ده غير ان الاكل الي امرته انه يطلبة عشان الفرح لسه مجاش ومش عارف الناس الي بره دي هياكلوا ايه؟

للكاتبة..حنان حسن

قلت.. عموما متدايقش نفسك ..احنا لسه بدري..وانا هجهز حالا وهخرج.. اشوف عثمان كان مكلم انهي مطعم وانا هتابع معاهم بنفسي لغاية ما يخلصوا الاكل..

للكاتبة..حنان حسن

قال.. بسرعة انجزي عشان نخلص من اليوم الي باين من اوله ده

قلت حاضر لحظة وهكون جاهزة

بعد ما مشي سليم بيه وقفلت الباب.. حمدت ربنا ان سليم بية معرفش حاجة من الي حصلت بليل..

للكاتبة..حنان حسن

ودخلت فعلا لبست بسرعة جدا وخرجت تابعت محلات الاكل واستعجلتهم في ارسال الطعام بالدليفري..ومش كده وبس لا دنا كمان كنت برحب بالضيوف والمعازيم.. وسليم بيه كان راضي عني اخر رضا

للكاتبة حنان حسن

وبعد العصر..وصل الماذون.. وبداءت النساء بالزغاريد..وكان الجميع ينتظر العريس والعروسة ومستنين يشوفوهم جنب بعض والماذون بيكتب كتابهم

للكاتبة..حنان حسن

وفي تلك اللحظة..اخذني سليم بيه من يدي ودخلنا عند عمر بيه.. الذي كان يبدوا عليه بانه مغيب تماما..ولم يكن يبدي اي معارضه ولا يظهر اي عداء ..بل كان يبدوا مطيعا.. عندما كان سليم بيه يساعدة علي حلاقة ذقنة وارتداء ملابسة..

للكاتبة..حنان حسن

وبعد ان ..انتهي سليم بيه من اعداد عمر بيه وتجهيزة للفرح..

في تلك اللحظة طلب مني سليم بيه بان امسك بيد عمر بيه لنخرج الي المعازيم ويدي بيد عمر بيه كا اي عريس وعروسه في يوم كتب كتابهم..

للكاتبة...حنان حسن

وبالفعل ..اقتربت من عمر بيه وانا ادعي الخوف والرهبه من الاقتراب منه.. ولكن سليم بيه( الله يحرقة) طمني وقالي.. متخافيش يا ندي هو واخد الحقنة ومش هيفوق منها غير بعد يومان..يعني اطمني هيفضل هادي كده ومش هيعمل اي حاجة ولا هيتصرف اي تصرف عنيف

للكاتبة..حنان حسن

طبعا سمعت كلام سليم بيه.. ومسكت ايد عمر بيه ومشيت معاه.. وعندما دخلنا علي المعازيم وجدنا .. الكل كان بيهني وبيجامل والنساء بتزغرد

وكنت انا وسليم بيه بنتجاوب وبنرد كلمات المجاملة للمدعويين ..

للكاتبة.. حنان حسن

بينما عمر بيه كان يمشي معنا بدون ان يتفاعل مع احد مكتفيا بالنظر للامام..

وعندما وصلنا..لنجلس بجانب الماذون الذي بدء يستعد بفتح دفاترة...

للكاتبة.. حنان حسن

ظهرت امراة في وسط المعازيم تصرخ ..

وتقول.. استني يا حضرة الماذون قبل ما تكتب الكتاب عايزة اخلص زمتي من ربنا واقول شهادة حق ادام الناس دي كلها .. ولازم اعرف العروسة قبل ما تتجوز عمر بيه وتتورط في الجواز منه ولازم اعرفها بحقيقة عريسها..

للكاتبة.. حنان حسن

رد سليم بيه بعصبية

قال..انتي مين يا ست انتي وعايزة ايه؟

قالت.. انا حماة عمر بيه ..الي اخوك اتجوز من بنتي وكشفت سترة وعرفتة علي حقيقتة..عشان كده طلقها ولم يعطي لها حقوقها

للكاتبة..حنان حسن

قال سليم بيه وقد اقترب ان يفقد عقلة

اسمعي يا ست يا مجنونة انتي.. انتي لو مبطلتيش جنان وخرجتي من هنا حالا ..انا هتصل بمستشفي الامراض العقلية تيجي تاخدك فورا

للكاتبة.. حنان حسن

ردت المراة التي تدعي بانها حماة عمر

قائلة..انت بتقول اني مجنونة؟..ماشي انا معايا ورق واثباتات تؤكد اني مش مجنونة وتؤكد بان كلامي صدق ومش بتبلي علي اخوك..

للكاتبة.. حنان حسن

فرد محامي العائلة الذي كان حاضرا بين المدعويين

قال.. اثباتات ايه الي بتتكلمي عليها دي يا ست انتي؟

للكاتبة حنان حسن

اقتربت تلك المراة من المحامي واخرجت بعض الاوراق من صدرها واعطتها للمحامي وهي تقول..دي شهادات طبية بتثبت ان عمر بية.. عنده عيب خلقي بيمنعة من الزواج ..وطبعا بيمنعة من الخلفة والانجاب كمان ..

للكاتبة حنان حسن

ولما اكتشفنا ان عمر بيه ضحك علي بنتي واتجوزها وهو عارف انه مش راجل طلبت بنتي منه الطلاق..

للكاتبة حنان حسن

فقام اخوك واكل حقوقها بحجة انها هي الي طلبت الطلاق

للكاتبة.. حنان حسن

واخذت تصرخ وهي تردد طيب وهي طلبت الطلاق ليه يا ناس ؟مش لما اكتشفت انه مش راجل ومش هيعرف يخلف كمان؟

واخذت تؤكد مرة اخري علي صدق كلامها وهي تقول..

للكاتبة حنان حسن

ولو مكدبني.. اسألوا عمر بيه وهو ادامكم اهوه وعايزاه يرد عليا ويقول محصلش

وانا امشي من هنا حالا دلوقتي

للكاتبة.. حنان حسن

نظر المحامي في الاوراق ثم وجه حديثة لسليم بيه قائلا..

للاسف يا سليم بيه الاوراق سليمة وموثقة يعني الست دي مش بتكدب

للكاتبة ..حنان حسن

ردت تلك المراة في هذة اللحظة لتؤكد علي صدق ما تقول

قال.. واحنا هنروح بعيد ليه ..ده حتي المثل بيقول.. قالوا الجمل طلع النخلة ..اداي الجمل وادي النخلة..واحنا هنا ومعانا عمر بيه.. ولو انا كدابه.. انا عايزاه يكدبني ويقول محصلش..

للكاتبة.. حنان حسن

وفي هذة اللحظة صمت الجميع بعدما وجهوا انظارهم جميعا لعمر بيه.. الذي لم ينطق بكلمة واحده ..مما جعل الجميع يتاكد من صحة ادعاءت تلك المراة

للكاتبة.. حنان حسن

ولكن سليم بيه لم يسكت وفي هذة اللحظة

..حدث شيئ لن تتخيلوه

لو عايز توصل لباقي احداث القصة..ضع عشر ملصقات..مع متابعة صفحتي الشخصية

رواية علاقة ‏ساخنة ‏الجزء ‏الخامس للكاتبة/حنان حسن بعد ما ورطت بالتزامي بمسؤلية عمر بية ..ساعتها لقيت عثمان بيطلب مني اني ادخل صينية...

Mohamed Sadek

	رواية علاقة ساخنة

	يونيو 19, 2020

رواية علاقة ‏ساخنة ‏الجزء ‏الخامس

للكاتبة/حنان حسن

بعد ما ورطت بالتزامي بمسؤلية عمر بية ..ساعتها لقيت عثمان بيطلب مني اني ادخل صينية الاكل لعمر بيه.. واقوم باطعامة

للكاتبة..حنان حسن

ولم يكتفي بذلك فقط  بل وقف ليشاهد فشلي في ادء المهمة ..

لانه كان يعتقد بانني ساتردد واخاف وربما اتراجع علي ماعزمت عليه

للكاتبة..حنان حسن

ولكنني اخذت منه صينية الطعام ودخلت لغرفة عمر بية واغلقت الباب في وجه عثمان في محاولة مني لاثبات انني لا اهاب شيئ

للكاتبة.. حنان حسن

ولكنني بعد ان دخلت واغلقت الباب عليا انا وعمر بيه ووجدتني اقف امامة ونحن بالغرفة معا

 

بصراحة..في اللحظة دي شعرت باحساس من دخل  قفص احد السباع واغلق الباب عليه واخذ ينتظر نهايتة

للكاتبة..حنان حسن

فقد كنت اشعر بالرعب من نظرات عمر بيه نحوي 

فقد كانت نظراتة..  مثبتة عليا

ولكن الغريب في الامر هو ان عمر بية كان هادئا ولا يقوم باي عمل عدائي تجاهي..

مما شجعني علي ان اتحدث معه لامهد للتقرب منه وتقديم الطعام له

للكاتبة..حنان حسن

قلت..من فضلك يا عمر بيه.. انا مش عايزاك تخاف مني

انا مش هأذيك ..ولا هسمح لحد بانه يؤذيك..

للكاتبة..حنان حسن

قلت تلك الكلمات وانا طبعا غير منتظرة لاي رد ولا تعليق علي كلامي.. ولكنني انتظرت بعد هذة الجملة لاري رد الفعل علي تعابير وجه عمر بية..

للكاتبة..حنان حسن

 والغريبة اني لتاني مره  كنت حاسة انه.. فاهمني ومستوعب كلامي

قلت هعرفك بنفسي.. انا ندي ..والمفروض اني هبقي زوجتك المستقبلية ..وكنت اتمني تكون فاهم كلامي ده او حتي مستوعبة ..لكن ولا يهمك انا مقدرة حالتك النفسية بسبب حبستك دي

للكاتبة..حنان حسن

ثم استطردت قائلة.. انا عايزة اقولك ان من النهاردة انا الي هدخلك الاكل واوعدك محدش منهم يدايقك تاني طول منا موجوده

لكن من فضلك ساعدني.. وتقبل وجودي .. عشان اقدر اقوم بخدمتك وعثمان ميدخلش عندك تاني

للكاتبة..حنان حسن

وعندما وجدتة مازال هادئا.. استغليت تلك الفرصة.. وتقدمت منه بحذر لاقدم له الطعام واضعة له في فمة كما طلب مني عثمان..

وعندما اقتربت منه وجلست بجانبة..ونظرت لعينية عن قرب..قراءت فيهم كم عاني من عذاب وخوف وهلع ..افقدة ثقتة بنفسة وبالعالم اجمع...

رواية علاقة ساخنة كاملة

للكاتبة..حنان حسن

وظل عمر هادئا ..ينظر الي وهو يتامل وجهي بتركيز شديد

للكاتبة..حنان حسن

وانتهزت انا فرصة هدوءه هذا وبدات اضع اول ملعقة بفمة لياكل ولكن فجاءة..

امسك بالطعام والقاه علي الارض مما احدث جلبة وصوت ارتطام الاواني بالارض احدث ضوضاء شديدة..

للكاتبة..حنان حسن

ساعتها انا عرفت ان مفيش فايدة ..واتاكدت ان سليم بيه عنده حق لان فعلا كان واضح ان عمر بية بره الدنيا وعقلة فعلا مغيب

فوجدت نفسي اقوم من مكاني واحاول الخروج من غرفتة بسرعة قبل ان ينقض عليا..ولكن اثناء محاولتي للخروج سمعته يقول.. اهربي..

للكاتبة..حنان حسن

استوقفتني تلك الكلمة لارجع بنظري له مره اخري لاتاكد ان ما سمعته منه كان حقيقي وليس تهيؤات

فوجدتة يعيد نفس الكلمة

قائلا.. اهربي من البيت ده بسرعة ..احسن هيقتلك زي ما قتلهم..

للكاتبة..حنان حسن

سمعت كلماته تلك وتاكدت انه لم يتكلم فقط وانما كان  يوجه لي رسالة ايضا..

في تلك اللحظة اردت ان اعود لاسالة عن قصدة وما كان يعني بتلك الجملة..

للكاتبة حنان حسن

لكنني وجدت سليم بيه بيفتح الباب علينا وقد اتي به  صوت الجلبة التي احدثتها الاطباق عندما قام عمر بيه بقذف الصينية بعيدا علي ارض الغرفة

للكاتبة..حنان حسن

ووقف سليم بيه وهو ينظر لتلك الاطباق المكسورة علي الارض وهو يوجة حديثة لي 

قائلا.. يارب تكوني اقتنعتي بانه مينفعش تدخلي عنده تاني؟

للكاتبة..حنان حسن

وفي هذة اللحظة نادي سليم بيه علي عثمان ليدخل ويجمع بقايا قطع الزجاج المتناثرة بارض الغرفة..وكان طبعا عثمان سعيد جدا بتلك..الهزيمة التي منيت بها امامه

ولكنني لم استسلم لمحاولتهم احباطي ونعتي بالفشل ..فا وجهت حديثي لسليم بيه 

قائلة..مش معني اني فشلت في اول مره ادخل عنده فيها يبقي معناه اني  مش هينفع ادخله تاني..

الي حصل ده طبيعي لانه لسه مخدش عليا

للكاتبة..حنان حسن

وتركتهم وخرجت من الغرفة..وانا في راسي الف سؤال

اهمهم هو ..

هل عمر فعلا كان قاصد يحذرني لما قالي اهربي؟ولا دي كانت مجرد كلمات هذيان واحد مريض نفسي؟

للكاتبة..حنان حسن

ورجعت اقول لنفسي ..لكن عمر توقف عن الكلام بمجرد ما سليم بيه وعثمان دخلوا الغرفة؟

يعني لو كان بيهذي كان فضل مستمر في هذيانة طول الوقت دون توقف..

للكاتبة..حنان حسن

وبعدين رجعت قولت لنفسي..طيب لو كان الي قالة عمر ده تحذير حقيقي ومش مجرد هذيان..ياتري كان يقصد ايه لما قال اهربي لانه هيقتلك زيهم..وكان يقصد بكلامة مين؟ لما قال (هيقتلك)

ومين هما الي (اتقتلوا)؟

للكاتبة..حنان حسن

كلام عمر فضل يرن في وداني طول الوقت

 حتي  وانا بتناول العشا مع سليم بية..وكان واضح ان سليم بيه كان ملاحظ اني سرحانة وفي حالة شاغلة تفكيري..

للكاتبة..حنان حسن

فا اراد ان يفتح معي الحديث وبدء بسؤالي

قال.. لسه خايفة ومتوترة؟

قلت.. خايفة ومتوترة من ايه؟

قال..من ساعة ما عمر هجم عليكي في غرفتة وانا شايفك سرحانة

قلت..لا انا مخوفتش ولا حاجة..

قال.. امال سرحانة في ايه؟

قلت.. بفكر في ترتيبات الفرح الي حضرتك قولتلي عليها وبفكر هعمل ايه؟

قال.. منا قولتلك متشيليش هم وانا هخلص كل شيئ

قلت..تمام..

للكاتبة..حنان حسن

ووضعت الملعقة من يدي استعدادا مني لمغادرة السفرة والعودة لغرفتي..

قلت..طيب انا هروح انام ..حضرتك عايز مني حاجة؟

قال..ايوه عايز اكلمك في موضوع مكنش ينفع اكلمك فيه ادام عثمان

قلت.. اتفضل..

قال..موضوع انك تصلبي دماغك وتحكمي رايك علي ان عثمان ميضربش عمر تاني ده ..انا عديتة ادام عثمان عشان احفظلك مقامك ادامة واجبره انه يحترمك ..

للكاتبة..حنان حسن

لكن الاسلوب ده انا مش هسمح بيه تاني

قلت..اسفة وانا كمان مش هسمح لعثمان يضربة او يقرب منه تاني طول ما انا هنا في البيت ده..

الا بقي لو حضرتك لغيت موضوع الصفقة وشيلتة من دماغك

قال.. يعني افهم من كده انك بتحطي دي ادام دي؟

للكاتبة..حنان حسن

قلت.. يا سليم بيه .. المفروض ان موقفي ده يكون .. موقفك انت 

وكان لازم يكون ليك رد فعل رادع  تجاه التصرف المشين ده من عثمان 

للكاتبة..حنان حسن

قال..ماشي يا ندي..اتفضلي روحي نامي عشان عندنا بكره حاجات كتير هنعملها للتحضير للفرح

قلت.. تمام انا هروح انام..تصبح علي خير

قال..وانتي من اهله

للكاتبة..حنان حسن

تركت سليم بيه وتوجهت لغرفتي.. وبعد ما فتحت الدولاب لاخذ بعض الملابس لادخل واخد الشاور بتاعي قبل النوم.. وجدت خبط علي الحائط التي تفصل بيني وبين عمر بية..

للكاتبة..حنان حسن

واعتقدت ساعتها بان عمر بيه يصدر اصوات غريبة كا العادة ولكن هذة المرة بالخبط علي الحيطان.. ولم اعير تلك الخبطات اي اهتمام.. حتي سمعت صوت خبطات علي الباب.. وذهبت لافتح الباب لكنني لم اجد احد امام الباب وقبل ان اغلق الباب سمعت خبطات اخري علي باب اخر..فا اغلقت باب الغرفة مره اخري وروحت ابحث بعيني علي جدران الغرفه.. 

للكاتبة..حنان حسن

حتي

 وجدت بابا صغيرا موصل بحجرة عمر بية وقد كان صوت الطرق ياتي منه..فقلت في نفسي.. معقولة تكون الخبطات دي مقصودة من عمر بية وهو فعلا قاصد يخبط عليا؟

للكاتبة.. حنان حسن

فوضعت اذني علي الباب لاتاكد من تلك الخبطات علي الباب وبالفعل عاد الطرق علي الباب مره اخري وبنفس الهدوء وكانة كان يطرق الباب برفق لكي لا يسمعه احد غيري..

فا حاولت ان افتح ذلك الباب ولكنه كان موصدا باحكام..

للكاتبة..حنان حسن

فا افتعلت بانني ذاهبة لسؤال سليم بيه عن شيئا ما وخرجت من غرفتي وتوجهت لغرفة عمر بيه..لاتاكد ان كان عمر بيه هو من يطرق الباب عندي من الجهة الاخري بغرفتة ام لا؟

للكاتبة..حنان حسن

 وفتحت الباب علي عمر بيه ..وقد كان مفتاح الغرفة لايزال معي من وقت ما اخدتة من عثمان عشان ادخل الاكل لعمر بيه 

للكاتبة..حنان حسن

ولما فتحت غرفة عمر بية..كان النور مغلق والغرفة معتمة.. وبينما انا امد يدي للبحث عن مفتاح الكهرباء.. وجدت من امسك بي من الخلف واضعا يده علي فمي وهو يهمس في اذني قائلا

ادخلي وحذاري تعملي اي صوت ..

التفت وانا في قمة الفزع..لاري من ذلك الرجل الذي يمسك بي بداخل غرفة عمر بية..ولكن كانت الغرفة مظلمة..ولم استطيع ان اتحقق منه لكنة اعاد النور مره اخري بعدما داس علي زرار النور..لاتفاجاء بمن يمسك بي وهو.......

مع تحياتي

حنان حسن

رواية علاقة ساخنة الجزء الثالث للكاتبة/حنان حسن بعد ما سليم بيه عرض عليا صفقة العمر.. علي حد وصفة وطلب مني اني اوافق علي الزواج من ع...

Mohamed Sadek

	رواية علاقة ساخنة

	يونيو 17, 2020

رواية علاقة ساخنة الجزء الثالث

للكاتبة/حنان حسن

بعد ما سليم بيه عرض عليا صفقة العمر.. علي حد وصفة

وطلب مني اني اوافق علي الزواج من عمر بية مقابل 2 مليون جنيه.. عشان يحقق الشرط الاول في الوصية الي هتمكنة من السيطرة علي ثروة عمر اخوة المريض

للكاتبة..حنان حسن

سالتة ..ازاي هيحقق الشرط الثاني من الوصية وهو ان ازاي عمر هينجب اطفال في حالتة دي؟

قال..انا هقولك علي الحل بس لازم تتفهمي ومتتسرعيش في الرد لان الي هقولهولك ده الحل الوحيد للمشكلة

قلت..ايه هو الحل ده؟

قال..انتي هتتجوزي عمر علي الورق فقط وده طبعا لان عمر مريض ومش هينفع تقيمي معاه علاقة زوجية متكاملة...وطبعا انتي فاهمه اقصد ايه؟

للكاتبة.. حنان حسن

قلت.. تمام وبعدين

قال..عشان كدة انتي هتتجوزي عمر علي الورق وهتتجوزيني انا عرفي بيني وبينك فقط

اول لما سمعت كلامه ده ..لقيت نفسي بقف وبستعد لمغادرة مكتبة قاطعة الحديث معه
قلت.. متكملش من فضلك ..خلص الكلام وانا هعتبر نفسي مسمعتش من حضرتك اي حاجة

للكاتبة..حنان حسن

نظر الي في ثبات..
وقال في حسم ..اقعدي لاني لسه مخلصتش كلامي

ثم صاح في غضب
قال..بقولك اقعدي

للكاتبة.. حنان حسن

جلست وانا انظر اليه نظرة احتقار ..
فقد كان حديثة يثير الاشمئزاز

قلت..الي حضرتك بتطلبة مني ده لا يجوز شرعا ولا قانونا ولا يرضي ربنا من الاساس ..ثم سالتة متعجبة

قلت..ازاي حضرتك عايزني اتجوزك انت واخوك في وقت واحد دي جريمة في الارض وفي السماء؟

للكاتبة حنان حسن

رد سليم بيه وهو مازال محتفظا بنفس الهدوء

قال..منتي لو سمعتي للاخر هتفهمي .. ولما تفهمي هتعرفي ان كل الي انتي بتقوليه ده مش صحيح

للكاتبة..حنان حسن

قلت.. طيب اتفضل فهمني

قال..عمر اخويا مريض عقلي يعني فاقد للاهليه وزواجة غير جائز شرعا.. يعني زواجك منه باطل وانتي كده مش هتكوني علي ذمته اصلا

للكاتبة.. حنان حسن

ثم اضاف قائلا ..بس احنا عايزين عقد الزواج عشان نخلص بية مصالحنا من الناحية القانونية..

قلت..ممكن سؤال؟
قال.. اتفضلي

للكاتبة.. حنان حسن

قلت ..طالما حضرتك هتستطيع تسيير امورك من الناحية القانونية بعقد زواجي انا وعمر بيه... ايه بقي لزمة زواجي انا وحضرتك عرفي؟

رواية علاقة ساخنة كاملة

للكاتبة..حنان حسن

قال.. عشان لازم عمر ينجب ولد او فتاة حسب شرط الوصية
وبما ان عمر لن يستطيع الانجاب نظرا لظروفة دي
فا انا قررت ان الولد يبقي ابني انا لكن هكتبة باسم عمر اخويا وهدعي ان عمر انجب منك ولد ووريث شرعي له وطبعا هيبقي مثبت في الاوراق الرسمية باسم عمر اخويا ..بحيث اضمن ميراث عمر يروح لابنه الي هو هيبقي ابني انا في الحقيقة

للكاتبة..حنان حسن

لكن لازم طبعا عشان ننجب انا وانتي فا لازم اعمل معاكي علاقة ومش هينفع نعمل علاقة الا لما يكون في عقد زواج عرفي

قلت..علاقة ايه؟
قال.. العلاقة الي بتحصل بين اي اتنين متزوجين ثم اضاف ب استحياء
قال..(علاقة ساخنة)
فهمتي ليه بقي لازم اتجوزك عرفي؟

قلت..لا معلش استني عليا لما اجمع ..عشان استوعب الي حضرتك بتقولهولي..

للكاتبة حنان حسن

ثم سالتة
قلت.. يعني حضرتك عايزني اتجوز عمر اخوك بعقد شرعي..؟ واتجوزك انت بعقد عرفي؟ عشان اخلف ولد من صلبك انت ..لكن بيحمل اسم اخوك عشان الولد يورث اموال اخوك كلها وتبقي الثروة في الاخر كلها في حوزتك انت ؟

للكاتبة..حنان حسن

قال.. لا مش في حوزتي لوحدي ..هتبقي في حوزتك انتي كمان
انتي ناسية انك هتبقي ام الولد وزوجة عمر اخويا شرعا؟

للكاتبة..حنان حسن

بصراحة..بعد ما سمعت كلامه ده وعرفت افكارة الشيطانية..وخططة القذرة للاستيلاء علي اموال وثروة اخوة..بصراحة اترعبت ومعرفتش ارد عليه واقولة ايه..

للكاتبة..حنان حسن

لاني بصراحة اخاف اقوله لا يؤذيني بعدما عرفت عنه كل حاجة وكشفت سره.. وبعدين ده مش غريبه عليه انه يقتلني او يحبسني او يمحيني من علي وجه الارض..
لان الي خلاه عايز يسرق اموال اخوة ..مش هيتردد انه يؤذي اي حد..

للكاتبة..حنان حسن

طبعا سليم بيه كان قاعد منتظر ردي علي طلبه ومستني اقول اه او لا..

للكاتبة..حنان حسن

فا حاولت اني اشككة فيا عشان يتراجع من نفسة عن العرض الي بيعرضه عليا ده
قلت.. وحضرتك جايب الثقة الكبيره فيا دي منين؟؟؟..ايه يضمن ليك اني بمجرد ما اتجوز من عمر بيه واخلف منه ما استبعدكش انت من الصورة خالص؟..

واعتمد علي اني متزوجة من عمر بيه زواج شرعي ومعايا ابني باسمة الي هيورث امواله كلها؟

للكاتبة..حنان حسن

ابتسم سليم بيه ابتسامة ساخرة وهو يقول
اولا مش هتعرفي تعملي كده مع سليم بيه ..

ثانيا.. انا وانتي هيبقي في رابط بينا وهو ابننا الي مصلحتة هتكون مشتركة بينا احنا الاتنين..

ثالثا.. وده الاهم..العقد العرفي الي هتوقعي عليه بايدك.. هيوديكي في ستين داهية لانك هتبقي ساعتها جامعة بين زوجين واخوات كمان..

للكاتبة..حنان حسن

ده غير اني ساعتها هاخد منك ابني وهجتهد اني اخلي مصيرك يكون السجن مدي الحياة ..ده لو ربنا كان لسه كاتب ليكي عمر ساعتها يعني

ثم استطرد قائلا ..ده طبعا لا سمح الله لو عقلك وزك وفكرتي في انك تستبعديني من الموضوع

للكاتبة..حنان حسن

ثم اقترب مني هامسا في اذني ..
قال ..لكن طول ما احنا شاطرين وبنسمع الكلام وبنطيع سليم بيه في كل الي بيقول عليه..هنلاقي الخير جاي با لملايين وهنعيش عيشة البرنسيسات وهنجيب ولد يورث الملايين ونبقي في عيشة و مستوي عمرك ما كنتي تحلمي بيه

للكاتبة..حنان حسن

كان سليم بيه يودود بتلك الكلمات في اذني ليقنعني بالموافقة علي طلبه متبعا معي سياستان متضادتان.. وهما سياسة الترهيب وسياسة الترغيب في ان واحد

للكاتبة..حنان حسن

قلت.. طيب وان رفضت الصفقة دي؟

تغيرت ملامح وجه سليم بيه بمجرد سماع ذلك السؤال وكانت اجابة السؤال واضحة علي تقاسيم وجهة دون ان يجيب
وكان واضح اني لو رفضت عرضة ده انه سيصب غضبة عليا وستصيبني لعنته..

للكاتبة..حنان حسن

وانا طبعا علمت كم هو واصل وقادر علي فعل اي شيئ بدليل مكالمة التليفون الي عملها لمدير المستشفي اثناء العمليه الخاصة بامي..حيث قلب المستشفي الاستثماري بمجرد مكالمه صغيرة منه

للكاتبة..حنان حسن

فا طبعا مش صعب عليه ابدا انه يمحيني من الوجود بمكالمة واحده ايضا

وانا طبعا زي منتوا عارفين لا ليا ظهر ولا سند ولا حد يحميني منه او من غيره ولا ليا حد اصلا

قال.. هو انتي ممكن متوافقيش؟

للكاتبة..حنان حسن

رديت.. وانا ارتعد من اسلوبة الذي يلوح فيه بالتهديد..

قلت.. انا بسال بس

للكاتبة..حنان حسن

قال..لا مش عايزك تسالي..انا عايزك تجاوبي
وهسالك لاخر مره..
واستطرد قائلا..بس قبل ما تجاوبي.. لازم تعرفي ان لو كانت اجابتك بالموافقة علي الصفقة..يبقي مش هتخرجي من هنا لغاية ما نتمم الصفقة

للكاتبة...حنان حسن

ثم استقام في جلستة وقال في حسم
ودلوقتي اتفضلي.. جاوبي
موافقة علي العرض الي قولتهولك ولا لا ؟؟؟

فكرت بسرعة في كلامة وعشان اخرج من الموقف الي انا فيه ده فا قررت بيني وبين نفسي اني اعمل حاجة مش ممكن تتخيلوها وهي.....

الكاتبة
حنان حسن
ملحوظة
حسبي الله ونعم الوكيل في اي شخص يحذف اسمي من علي القصة ويضيع تعبي ومجهودي ربنا ما يكسبة ويبتلية بالمرض ..اتقوا الله

رواية علاقة ساخنة الجزء الثاني للكاتبة/حنان حسن بعد ما دخلت بيت سليم بية..وسمعت اصوات مخيفة ساعتها حسيت بان في حاجة مش طبيعية بتحصل ...

Mohamed Sadek

	رواية علاقة ساخنة

	يونيو 16, 2020

رواية علاقة ساخنة الجزء الثاني

للكاتبة/حنان حسن

بعد ما دخلت بيت سليم بية..وسمعت اصوات مخيفة

ساعتها حسيت بان في حاجة مش طبيعية بتحصل في البيت المخيف ده

فقررت اني اقوم امشي فورا..

للكاتبة..حنان حسن

لكن اول ما بداءت اقوم واستعد للخروج..

استوقفني صوت سليم بيه صاحب البيت

قال.. ايه ؟انتي ماشية ولا ايه؟

قلت.. هو حضرتك سليم بية الي ساعدت امي في انها تعمل العمليه؟

قال.. ايوه انا

قلت.. بجد انا مهما شكرت حضرتك مش هوفيك حقك

قال.. متقوليش كده يا ندي ..وبعدين انا لسه معملتش معاكي حاجة..

للكاتبة.. حنا حسن

في اللحظة دي اقترب مني سليم بيه وهو يهمس في اذني قائلا

قال...انتي لو سمعتي كلامي ... وبقيتي مطيعة ليا.. ساعتها حياتك هتتغير

و( هطلعك السما)

بصراحة..انا قلبي اتقبض اول ما قرب ناحيتي وجسمي كلة انتابتة القشعريرة..

لكنني .. طبعا لم اظهر له ذلك الشعور بالتقذذ منه

للكاتبة.. حنان حسن

قلت.. بصراحة انا كنت جايه النهاردة مخصوص عشان اشكر حضرتك

قال خلي الشكر لبعدين يا ندي.. بعد ما نشتغل مع بعض

وكنت عايزة اسالة عن طبيعة الشغلانة الي عايزني عشانها...لكن الصوت الي سمعته اول ما دخلت البيت ..بدء يصدر من اتجاه الغرفة المغلقة من جديد

مما جعلني اتوقف عن الكلام لاستمع لذلك الصوت المقلق

للكاتبة.. حنان حسن

لكن سليم بيه اراد ان يرضي فضولي عندما شاهدني اركز مع ذلك الصوت

قال..ده عمر بيه اخويا

استغربت من كلامه ولم استوعب ما كان يقصده بجملة(ده عمر اخويا)

قلت مستوضحة ...افندم؟

للكاتبة حنان حسن

قال..الصوت الي انتي سمعاه خارج من الغرفة ده

صوت عمر بيه ..اخويا

التزمت الصمت لاني مفهمتش حاجة من كلامة

لقيت سليم بيه هم واقفا واخذني من يدي ليذهب بي لتلك الغرفه التي يصدر منها الصوت..

وبدء يفتح الباب بالمفتاح..

وبعد ان فتح الباب..

للكاتبة.. حنان حسن

اخذ المشهد يتضح بداخل الغرفة..

حيث ظهر بالحجرة ..اثاث يبدوا عليه انه فخم.. ولكنه مبعثر ..وغير مرتب ..

ولكن اهم ما وقع نظري علية.. هو ذلك الشاب الذي يجلس علي السرير في اخر الغرفة وكان اخذا وضع القرفصاء

للكاتبة.. حنان حسن

وعندما شاهدنا ونحن نقف عند الباب ننظر الية

اخذ ينظر الينا نظرات عدائية.. وكانه كان رافضا دخول احد عنده..

وكان من الملاحظ من هذة النظرات العدائية .. انه لم يتبقي الا القليل ..ويقوم بالهجوم علينا..

فقد كان واضح انه يستعد للانقضاض علينا ليفتك بنا

للكاتبة.. حنان حسن

ولذلك اسرع سليم بيه باغلاق الباب عليه بسرعة مرة اخري لنتركة بمفردة

وبعد رؤيتي لشقيقة....

اشار سليم بيه للغرفة التي اغلقها علي اخوة قائلا

قال ..هو ده الموضوع الي كنت عايزك عشانة يا ندي

للكاتبة.. حنان حسن

قلت..معلش مش فاهمة حاجة

طلب مني سليم بيه ان اذهب معه لحجرة مكتبة لنكمل حديثنا بينما نحن نحتسي القهوة

وبعد ما دخلنا حجرة المكتب وجلسنا.. بدء سليم بيه الحديث وتوضيح ما الذي يريدة مني بالظبط

للكاتبة..حنان حسن

قال..اسمعي يا ندي..

انا عارف ظروفك كويس اوي لاني متابعك من فترة كبيره ..

واتمكنت في الفترة دي اني اعرف كل حاجة عنك وعن ظروفك وكمان عن اخلاقك وشخصيتك.. وعارف كمان اد ايه انتي اتعذبتي في 

حياتك واد ايه حياتك كانت قاسية

رواية علاقة ساخنة كاملة

للكاتبة.. حنان حسن

عشان كده يا ندي..

انا قررت اعوضك عن سنين الحرمان الي عيشتيها كلها

و اخترتك كمان عشان اعمل معاكي صفقة العمر..

قلت..صفقة ؟

قال..ايوه صفقة ..عمرك ما كنتي تحلمي بيها

هتخليكي في مكان تاني خالص

للكاتبة.. حنان حسن

قلت ..معلش ممكن حضرتك تقولي انت عايز مني ايه بالظبط؟

قال.. عايزك تتجوزي اخويا عمر

قلت وانا اشير بيدي للغرفة المغلقة.. اخو حضرتك الي جوه ده؟

قال.. ايوه وفي مقابل جوازك من اخويا.. هتاخدي 2مليون جنية

بصراحة الرقم اصابني بصدمة..واندهاش

للكاتبة.. حنان حسن

قلت..بس اخو حضرتك يعني....

قال.. مريض عقليا صح؟

مش هو ده الي انتي عايزه تقوليه؟

قلت..الي اقصدة انه تعبان واعتقد ان الزواج مش هيفيدة في حاجة

قال..لا هيفيده وهيفيدني انا كمان معاه

للكاتبة.. حنان حسن

قلت.. معلش ممكن توضح اكتر

قال..انا هقولك كل حاجة عشان تفهمي الموضوع

واخذ سليم يحكي قصتة هو واخوه عمر من الاول

قال..ابويا الله يرحمة كان مليونير ..اتجوز امي وانجبني منها وبعدها بسنة اتوفت..وبعد كده ابويا تزوج مره اخري من امراة ثرية..انجب منها عمر .. لكن والدة عمر اتوفت هي الاخري بعد صراع مع المرض.. لكن قبل ما تتوفي..كتبت لعمر جميع ما تملك.. واتنقلت ثروتها كلها لاخويا عمر

للكاتبة..حنان حسن

ابويا مكنش ليه حد في الدنيا غيري انا واخويا عمر..

لكن عمر لما وصل لسن18 سنة اصابتة حالة نفسية وفضلت حالتة تدهور لغاية ما بقي زي منتي شايفة كده

طبعا ابويا كان بيحافظ علي اموال عمر من ساعة ما والدتة اتوفت.. وكان ابويا هو الي متصرف في اموال عمر وبيشغلها له

للكاتبة.. حنان حسن

لكن من كام شهر ابويا عمل حادثة بسيارتة واتوفي

وبعد وفاة ابويا اكتشفت ان هو كمان كان كاتب ثلثين .. ما يملك لعمر اخويا..

والثلث الباقي كاتب به وصية

للكاتبة..حنان حسن

والثلث ده لوحده.. يقدر بعشرة ملايين.

لكن المشكلة ان الوصية دي بتنص علي انه لا يجوز التصرف فيها الا بعد شفاء عمر وزواجة وانجابه لطفل

سالتة وانا اتعجب لغرابة الشرط الي في الوصية

قلت.. وليه والد حضرتك حط الشرط ده في الوصيه

للكاتبة..حنان حسن

قال ..ممكن عشان كان متعاطف مع حالة عمر وكان قلقان علي مستقبلة..وكمان عشان يجبرني اني اهتم بعلاج عمر وبمستقبلة وزواجة

ثم استطرد سليم بيه قائلا

قال.. تقدري تقولي ان دي الطريقة الي فكر بيها ابويا انه يساعد بيها عمر بعد وفاة ابويا نظرا لظروف عمر

واستطرد قائلا..

للكاتبة..حنان حسن

قال.. لكن مش دي المشكلة دلوقتي

لان في مشكلة اكبر

قلت..ايه هي المشكلة دي

قال..انا وابويا نظرا لسمعة العيلة وشكلنا ادام الناس.. مكناش بنعرف حد بحالة عمر الصحية.. وكنا قافلين عليه الغرفة من ساعة ما تعب

وكل الناس عارفة اني انا وعمر ورثة ابويا الشرعيين..لكن محدش يعرف ان كل شيئ دلوقتي باسم عمر ما عدا ثلثي الوصية المشروطة ايضا بزواج عمر وانجابة لطفل..

للكاتبة.. حنان حسن

قلت بردوا مش فاهمه فين المشكلة؟..

مهو حضرتك تقدر تعالجة وبعد شفاءة تستطيع ان تزوجة فتاه من ارقي طبقات المجتمع

قال..المشكلة..

ان عمر ممكن ميخفش او حالتة دي تطول في العلاج.. وهبقي ساعتها كل الي عملتة اني ..عرفت الناس بحالتة..وطبعا مستحيل اعرف حد حالتة دي

للكاتبة.. حنان حسن

قلت.. ليه مستحيل تعرف حد انه عنده اعاقة ذهنية؟

قال.. لانه ساعتها عمر هيبقي فاقد للاهلية... ومش هينفع يتجوز وبالتالي الوصية مش هتتنفذ وهتروح مني ثروة تقدر بعشرة ملايين جنية

ده غير ميراثة من امة ومن ابويا كمان الي معرض انه يضيع هو كمان

لكن في حالة انه يتجوزك ساعتها الوضع هيختلف

للكاتبة..حنان حسن

قلت.. هيختلف ازاي؟

قال.. انا بالفلوس اقدر اقنع ماذون يجوزك انتي وعمر واجيب قسيمة زواج من غير ما حد يعرف ان عمر مريض.. عقلي وساعتها هنبقي حققنا الشرط الاول في الوصية

للكاتبة.. حنان حسن

وده طبعا بعد ما هتاخدي 2مليون جنية مقابل انه يكون ده سر بينا

للكاتبة..حنان حسن

وده كمان بخلاف اني هخلي عمر يعملي توكيل بادارة اموالة وشركاتة الاخري الي هو وارثها عن امه وعن ابويا كمان

للكاتبة حنان حسن

قلت..ايوه انا كده فهمت بس عندي سؤال

قال ..سؤال ايه..

قلت ..انا لما اتجوز عمر بيه هتبقي مشكلة واحده هي الي اتحلت وهي مشكلة زواجة..لكن باقي شرط الوصية ..هو انه يخلف.. تقدر تقولي دي هتعملها ازاي دي ؟

للكاتبة.. حنان حسن

قال.. هقولك..بس لازم تتفهمي وتقدري الموقف الي احنا فيه وتمسكي اعصابك من الي هقولة ده

قلت... قول

قال.. للاسف احنا هنضطر انك........

حنان حسن