رواية احببته وتزوجت اخيه الجزء الثامن كاملة

مصطفى باستغراب : حبيبه

فضل واقف ومراقب كل حاجه من بعيد لحد ما وقفو قدام بيت حبيبه

احمد: اتفضلى انتى اطلعى وانا هستنى لحد ما اتاكد انك طلعتى

حبيبه: ميرسى لزوقك والله مش عارفه اقولك ايه

احمد: ع ايه دا واجب

حبيبه طلعت وأحمد دخل البيت

مصطفى واقف ومتابع حركاتهم بس طبعا مش سامع كلامهم كان هينفجر من الغضب وبقى يكلم نفسه : ايه اللى منزلها دلوقتى وبتعمل ايه مع أحمد اخويا

قرر يتصل عليها

حبيبه:حبيبى وحشتنى

مصطفى بضيق : عامله ايه

حبيبه بأستغراب وبعصبيه بتحاول تخبيها: كويسه وانت

مصطفى: كويس اومال انتى فين كدا

حبيبه كانت لسه هتقوله انها لسه جايه من بره بس خافت يزعق ويعمل معاها مشكله كالعاده :قاعده ف البيت من وقت ما جيت من الكليه

مصطفى بمكر: والله مخرجتيش يعنى

حبيبه:لا خالص

مصطفى حاول يعدى الموضوع : طيب انا جيت

حبيبه بفرحه بانت ع صوتها: جيت فين ، انت ف البيت

مصطفى : اه وبالتحديد في البلكونه

حبيبه طلعت جرى ع البلكونه شافته قدامها ضحكت برقه وفضلت بصاله بتتأمل ملامحه اللى وحشتها حتى لو بيزعلها دا حب حياتها اللى متقدرش تبعد عنه

حبيبه لسه بتكلمه ف الفون وبتبصله: وحشتنى اووووى

مصطفى ومش قادر يفهم هى ليه كدبت عليه بس اول ما قالته كدا قلبه دق بسرعه دا مهما كانت بيبته اللى بيموت فيها: انتى اكتر وحشتينى موت

حبيبه: بس انا زعلانه منك ليه مكلمتنيش اول ما جيت

مصطفى: لا كلمتك لان انا لسه داخل حالا سلمت ع ماما ودخلت اكلمك

حبيبه: بس شكلك خاسس اوى ى روحى انت مش بتاكل ولا ايه

مصطفى: ههههههههههه هو انا رايح رحله دا انا بتنفخ

حبيبه : ههههههههههه معلشى والله دا اختيارك انت

مصطفى : طب وبالنسبه لاختيارك عجبك ولا ايه

حبيبه حبت تغيظه: طبعا كليه تجنن والدكاتره ظراف خالص

مصطفى بعصبيه : لا والله وايه كمان الظاهر أن ف حاجات عاوزه تتظبط

حبيبه: ههههههههه هى ايه

مصطفى: بكره تعرفى لما اشوفك يلا ادخلى نامى علشان بكره هننزل سوا ومفيش كليه

حبيبه : اهااا كنت عارفه انك هتقولى كدا ، ماشى

مصطفى: تصبحى ع خير ى روحى

حبيب: وانت من اهله ى حبيبه

**********

دخل مصطفى وسأل كلمته احمد وصل مع أنه شافه من البلكونه بس عمل نفسه مبعرفش حاجه ع امل ان اخوه يقوله أنه شافها

خديجه: ايوه ى حبيبى ف اوضته لسه داخل

مصطفى: خبط ودخل

احمد: ايه دا انت هنا جيت امتى

مصطفى : راح يحضنه لسه جاى دلوقتى ،مصطفى حضنه وللحظه سكت ايه دا ريحه برفان حبيبه ع هدوم احمد

مصطفى رجع لورا وبص لاحمد بصدمه : اومال انت اتاخرت ليه

احمد: ولا اتاخرت ولا حاجه بخلص شغل ف الشركه متأخر خلصت وجيت ع طول

مصطفى : طب اسيبك انا بقى ترتاح

خرج مصطفى من اوضه احمد وراح اوضته وقعد ع السرير يفكر والشك دخل لعقله: هو ف ايه بالظبط ايه اللى بيحصل وليه حبيبه كدبت وليه ريحتها ف هدومه

مصطفى كان ع آخره وعصبيته زادت وخلاص كان هاين عليك يكسر الاوضه بس قرر يهدأ لحد ما يعرف ف ايه

*************

#تانى يوم الصبح

مصطفى مستنى حبيبه بالعربيه بتاعته ع اول الشارع

وحبيبه واقفه قدام المرايا ولابسه بنطلون جينز وبلوزه سوده ولفه طرحتها وكانت ف قمه جمالها

حبيبه: والنبى عسل دا انا هدوبه كدا هههههههه

امينه: ايه العسل اللى ع الصبح دا ، صباح القشطه

حبيبه: هههههه صباح النور ى احلى ماما

امينه الروقان دا كله ليه : هو هنا ولا ايه

حبيبه طبعا قالت لمامتها ع كل حاجه وكانت دائما بتاخد رائيها ف المشاكل اللي كانت بتحصل بينهم

حبيبه: ايوه جه امبارح وهو دلوقتى مستنينى هنخرج سوا هههههههه

امينه: بتقوليها ف وشى كدا ى بت اتكسفى

حبيبه: هههههه اكدب عليكى يعنى ، هنزل انا بقى علشان انتى مش تايهه عنه هيطلع عصبيته عليا

نزلت حبيبه وشافت عربيه مصطفى ف اخر الشارع قربت منها وفتحت الباب وركبت

مصطفى بعصبيه وبصوت عالى :ايه اللى انتى لبساه دا

حبيبه اتخضت من صوته: ايه ى مصطفى صوتك مش كدا ف ايه مالو اللى لبساه

مصطفى : بلا صوتك بلا زفت وهو ايه اللى مالو هو اللبس دا بيتلبس وانا مش موجود

حبيبه وكانت خلاص ع آخرها منه : اه بيتلبس وبابا بيشوفو كمان ودا لبسى ع طول واظن انت مش هتخاف عليا اكتر من أهلى

مصطفى: الله ى ست حبيبه انتى بقيتى تردى وتعلى صوتك كمان

حبيبه مكنتش قادره تمسك دموعها هو ازاى كدا دا مشفهاش بقالو شهر مش المفروض تكون وحشته : هى دى كلمه وحشتينى وهو دا اليوم اللى نازل نخرج سوا فيه وهو دا العوض ى استاذ مصطفى ومعلشى ى حبيبتى وهعوضك ى حبيبتى دا كله راح فين

مصطفى حس أنه زودها اوى ومكنش عارف غضبه داا بسبب اللى شافه ولا بسبب لبسها

قرب منها شويه ومسك ايديها: انا اسف مش قصدى ازعلك بس القميص قصير وكمان البنطلون ضيق خلاص بقى ى بيبتى محصلش حاجه بقى متعيطيش

حبيبه بتحاول تعدى علشان ترتاح :مسحت دموعها خلاص محصلش حاجه

مصطفى : بجد مش زعلانه

حبيبه: ايوه خلاص مفيش حاجه

مصطفى : ولو فيه هنسيكى انا ناوى ادلعك النهارده هههههه

حبيبه: ههه اما اشوف اخرتها معاك

مصطفى: عسل والله اخرتها عسل

***********

#ف كليه الهندسه

منى عماله تدور ع حبيبه

يوسف جه من وراها :بخ

منى : ى لهووى الله يخربيتك

يوسف : ومالو ماهو هيبقى بيتك برضو

منى : نعم بتقول ايه

يوسف : انا مبقولش حاجه ، بدورى ع حبيبه

منى: وانت مالك انت اما انك لازق اوى ايه دا

يوسف بهمس: ام طوله لسانك ، ع العموم حبيبه مجتش مدوريش كتير

منى : اومال فين

يوسف: مصطفى جه امبارح وكلمنى وطبعا هى اكيد معاه

منى : اهااا اشطا ماشى

يوسف بمكر : بس هو قالى اخدك ونروحلهم

منى : ليه

يوسف : وانا اعرف منين هو قالى كدا ، يلا تعالى

منى بتبصله وهى رافعه حواجبها

يوسف: نعم بتبصيلى كدا ليه مش هخطفك يعنى مش ناقص قرف انا

منى : قرف ف عنيك

يوسف: ى بت بطلى طوله لسان ، واخلصى يلا

#عند حبيبه ومصطفى

ف مكان هادى وجميل اوووى مصطفى وحبيبه قاعدين وعمالين يضحكو بس مصطفى دماغه بيفكر ف اللى حصل

حبيبه: حاسه ان فيك حاجه كدا ومش عاوز تقولها ف حاجه حصلت

مصطفى بيحاول يدارى لحد ما يعرف ايه اللى بيحصل :هههههه ايه دا طب ما كنتى تدخلى معايا كليه شرطه

حبيبه: بتتريق حضرتك هههههههه

ايه دا ازيك ى حبيبه

حبيبه بصت وراها محمود ازيك

محمود زميل حبيبه ف الكليه ومعجب بيها: الحمدلله القلوب عند بعضها ولا ايه مروحتيش الكليه انتى كمان

مصطفى رفع حواجبه وكان هيقو م يكسر دماغه

حبيبه اتحرجت من كلامه ليها : اقدملك

مصطفى راح نحيتها وشدها ليه : مصطفى خطيب حبيبه

حبيبه بصتله بصدمه وضحكت وفهمت أنه قال كدا بسبب غيرته وقالت لنفسها مش هتتغير ابدا

محمود بصدمه: خطيبها ازاى

مصطفى وهو لسه رافعله حاجبه وبيتكلم بنرفزه: عندك اعتراض ولا ايه

محمود مش قصدى طبعا انا بس مكنتش اعرف

مصطفى: واديك عرفت بعد اذنك ومسك ايدين حبيبه وخرج

#عند يوسف ومنى ف المطعم

منى: هما فين مش قولتلى هما هنا

يوسف: لسه جايين أهدى كدا، مش هخطفك انا قولت خلاص بقى

منى: انت حد كلمك ى ابنى ولا انت اهبل ولا ايه

يوسف: لا بصى طوله لسان مش عاوز اصل اقوملك

منى : خلاص اسكت صوتك عالى متفرج علينا الناس ايه دا

يوسف: عامله ايه ف المحاضرات

منى نسيت الخلاف اللى بينهم واتكلمت بتلقائيه: زى الزفت انا كرهت الكليه دى حاجه تقرف

يوسف : بكره لما متجوز ترتاحى هههههههههه

منى بصدمه : اييييييه

*********

#عند مصطفى وحبيبه

حبيبه: هههههه خلاص بقى ى صاصا محصلش حاجه لدا كله

مصطفى: بتضحك برضو ى حبيبه بطلى تعصبينى

حبيبه: انت مزودها اووى دا زميلى ف الكليه عادى يعنى

مصطفى : وزميلك يعرف اسمك منين ى هانم

حبيبه: احنا ف دفعه واحده واكيد يعرفنى

مصطفى : والله ع أساس أن الدفعه كلها اعرفك

حبيبه: انا والله زهقت بقى وتعبت من كلامك دا هو فيه ايه ى مصطفى انت يعنى مش عارفنى بتشك فيا مثلا

مصطفى سرح وافتكر اللى شافو امبارح وريحه برفانها اللى هو شممها دلوقتى اللى كانت ع هدوم اخوه

حبيبه بصدمه انت ساكت كمان ومش بترد طيب ى مصطفى اما يبقى عند ثقه فيا وتعرف بعد كدا تتعامل معايا زى الناس انت اكيد يعنى عارف هتلاقينى ازاى وفتحت الباب ونزلت

ودا كله ولسه مصطفى مش مركز ف اللى حصل وفاق ع رزعه الباب بتاع العربيه

نزل بسرعه من عربيته

مصطفى بأعلى صوته: حبيبه