الوصفه بقي دى وهم وبسيطه جدا ومش مكلفه خالص ....
البنات اللى قصت شعرها ومش بيطول واللى شعرها خفيف وعيزاه يتقل دى تجربتى الشخصيه
تجربه_منقولة
دى تجربتى مع زيت الزيتون والتوم
انا شعرى كان واصل لنص ضهرى واتجننت وقلت اقصه
قصيته لحد رقبتى ولكم ان تتخيلو انه قعد سنتين مش بيطول ولا متحرك سنتى واحد لحد ما اتعقدت منه بجد
وشوفت وصفه وحده قالت عليها وجربت زيت الزيتون والحمدلله شعرى طول انا مش محتاجه تقله لان كده كده شعرى تقيل بس زاد تقل على تقله
المهم بقى
هتجيبو زيت زيتون وكام فص توم
هنسخن الزيت مجرد تسخين مش يغلى ونحط فيه فصوص التوم ونغطى ونسيبه 24ساعه وبعد كده نحطه فى حاجه زجاج ونستعمله
الاستعمال هيكون على فروه الرأس وندلكها ونسيبه ساعتين وبعد كده نغسله بالشامبو والبلسم عادى
نعمل الموضوع ده مرتين فى الاسبوع والنتيجه هتلاحظوها قريب ان شاء الله
اللى يجرب بقى ويشوف النتيجه يدعيلى دعوه😁
والبنات تحرم تقص شعرها عشان منرجعش نندم😂😂
ليست هناك تعليقات:
إرسال تعليق