البرنامج ده بيرجعك 10 سنين اصغر
وبيخفى كل الخطوط الدقيقه اللى تبان حولين العيون لما بنضحك
وحولين الفم لما بنضحك من الجوانب
وفى الجبين لما نكشر
بس تمشى على الخطوات اللى هاكتبها وفى خلال اسبووع واحد فقط وهاتبان النتيجه
اولا : هاتروحى الصيدليه وتشترى كريم دوف الابيض العلبه الكبيره
وتشترى معاهم علبه كبسولات فيتامين E
وتفضى تلات كبسولات فى العلبه وتقلبيهم على بعض كويس
وتدهنى بيهم وشك كل يوم مرتين مره الصبح ومره بليل
عارفين النيدو البودره اللى مكتوب عليه المدعم وبالبريبايو
وحاطين فيه كوول فيتامينات العالم عشان العيال تكبر
النيدو وبس اى لبن بودره تانى لا
ا اللى بيتباع فى كيسه ب2 جنيه عند البقال
هاتيه فضى الكيسه فى طبق واعجنيها بميه ورد وبس
عارفين اللى هاتفتكس وتقول احط عليه اى حاجه تانيه علشان الفايده لا انتى كده هاتبوظى النتيجه
افردى العجينه على وشك
وسيبيها لحد ما تنشف وتشقق لوحدها وبعد كده ابدئى افركيها
وبعد الفرك اغسليها بميه دافيه وبعدها ميه ساقعه
ونشفى وشك وحطى اى كريم مرطب
بجد حاجه تحفه فوق الوصف والخيال
الوش هايبقى صافي
وناعم جدا
كانك لسه عاملاه فتله بالضبط
هاتعملى لعيونك الوصفه
جبت الخلاط وقطعت فيه خياره كبيره حلقات
وفتحت عليها تلات كبسولات فيتامين E
وحطيت عليهم ربع كبايه ميه ورد
وكمان ربع كبايه شاى مغلى
جبت البلاستكه بتاعت مكعبات التلج من الفريزر وصبيت الخليط فيها
وحطيه في الفريزر
وبعدما بقت شبه متجمده اخدت قطنه وبليتها بالخليط وعلى عيونى لمده ربع ساعه
هتلاقي المفاجاه
عيون بقت صافيه
ونعومه الجلد الى حولين العيون حااااجه متوصفتش
بجد حاجه روعه وتجربه فى منتهى الجمال
رابعا : هاتبتدى البرنامج يوم الجمعه ويكون بحمام بخار عباره عن ميه حطى فيها حزمه بقدونس ولمونه مقطعه اربع
وكبشه شاى اخضر ومرمريه من عند العطار وتسلطى وشك على البخار لمده 10 دقائق
وبعدها تعملى صنفره لوشك ممكن صنفره جاهزه او ملعقتين سكر ونص لمونه عليها او سكر وعسل
خامسا : ودى اهم النصائح : انك تواظبى على شرب الماء بانتظام خاصه فى الصباح على الريق كوبايتين ميه كبار
وكمان بعد كل وجبه كوبايه كبيره
وبس هاتيجى على نهايه الاسبوع هاتلاقى نفسك وشك نور واتشد وابيض والخطوط اختفت تماما وتلاقى قمر 14
كل ما تبصى فى المرايه وكل شويه هاتحبى تمررى ايدك على بشرتك هتلاحظى اختلاف فى الملمس والنعومه والشد
ليست هناك تعليقات:
إرسال تعليق